Chrysler 300 C === تعرف عنها شي ==== تفضل بالدخول !

S65 ///AMG · 30-08-2006, 01:44 AM

أسعد الله أيامكم بكل الخير

نويت ان شاء الله اخذ لي كرايزلر 300C
موديل 2005
اللون اللؤلؤي

بعد جوله في معارض السيارات وجدتها بحدود 115 ألف تقريبا للنظيفة اللي مشت أقل من 20000 وخاليه من أي صدمات أو سمكره أو عيوب

أخواني ما أخفيكم أنا معجب بهالسيارة من أول مانزلت

وكنت اتمنى أحصل عليها

والحين انا على مشارف اقتنائها بعد تعرضي لحادث مأساوي والخروج بالسلامة من الحادث بإصابات أعتبرها بسيطة والحمدلله مقارنة بالحادث اللي صار ... والسيارة الى مقبرة السيارات

فياليت من عنده أي معلومة يفيدنا فيها ما يتردد أبدا

- عيوب السيارة !
- وكيلها في الرياض !
- قطع غيارها !
- صيانتها !
- هل السعر اللي أبشتريه فيه يعتبر سعر عادل !

علما بأن فترة استخدامي لها ستكون بمشيئة الله سنة إلى سنتين كأقصى تقدير !

سؤال أخير
هل فعلا ضمانها 5 سنوات مفتوحة العداد على القير والمكينة !

لكم خالص تحياتي

سناري · 30-08-2006, 04:46 AM

اول شيء الحمدلله على سلامتك

و ربنا يعوضك و يؤجرك على ما اصابك

بالنسبة للسيارة

فكرة انك تاخذ سيارة زي كرايزلر " مستعملة " خطأ كبير من وجهة نظري

بالنسبة للسعر اقول : قاتل الله الشريطية اللي ينهبون الناس و يخسفوا في بضاعتهم الارض اذا ارادوا شراءها و يرفعوا سعرها عند البيع بشكل خيالي ... و لا تبخسوا الناس اشياءهم

السعر غالي جدا ,,, السيارة "جديدة" سعرها 120 - 125 الف موديل 2006

اما اذا كنت تبغى مستعمل ممكن تجيب لك وحدة من امريكا سعرها تقريبا 18.000 دولار + مصاريف النقل 1500 دولار + التخليص الجمركي و بقية الاجراءات بالكثير 2000 دولار

توصلك السعودية و هي سعرها ما يزيد في اي حال من الاحوال عن 85.000 ريال

تحياتي لك ،،،

الرشيق · 30-08-2006, 05:47 AM

السلام عليكم ... اخوي بحاول افيدك باللي اعرفه السياره ما عليها كلام .... السعر ما اشوفه غالي بس لو ينقص 5 الاف يكون زين يعني 110 هاي هو سعره... اخوي سعره في الوكالة مستحيل 125 الف الجارجر سعره 135 لا والار تي سعره 142.5 ... اخوي سعره السياره في الوكالة بالضبط يديده موديل 2006 159 الف .... الضمان خمس سنوات بدون تحديد الكيلومترات .... العيون اللي فيها لحد الحين انا ما شفت اي عيب فيها باستثناء الاشياء العاديه اللي تصير في اي سياره يعني الاشياء البسيطه .. بالنسبه للوكيل في الرياض ماعندي فكره اخوي لانه انا من الدوحه

... ارجو اكون فدتك اخوي واي سؤال ترى حاضرين لك

FuLL MoOoN · 30-08-2006, 07:00 AM

الآن أخوي شركة كرايسلر مسويه عروض وتخفيضات على اسعار سياراتها ال 300 سي سعرها نزل من 157 الف الى 139 واخوي سناري كلامك مو صحيح الا اذا كنت تقصد المستعمل وكاله سعرها قبل العروض 157 الف وبعد العروض 139 الف

سناري · 30-08-2006, 08:30 AM

صح سعر السيارة وكالة 139 ... بس سعرها جديدة في المعارض كم ؟ و سعرها مستوردة كم ؟

FuLL MoOoN · 30-08-2006, 10:51 AM

بالمعارض تلقى فرق 20 الف اذا كانت موديل السنه يعني 2006 مستعمل استعمال خفيف مره ومستورد مادري كم بس الشباب بالبحرين وبعضهم بالرياض طايحين بالمستورد السته سلندر بس من جد تشوف شكلها طالع غلط ال 300 سي
وعلى فكره فيه 300 سي بحري بالرياض 2005 عليه جنوط داب 22 وبودي كت خفيف وشبك داب معروض بـــ 135 الف يعني بصراحه بالنسبه لتعديلها يسوى خصوصا عليها ساوند سستم من جوا وشوية حركات وثلاث شاشات ماني عارف اسم المعرض بس صاير ببداية المعارض