دي في دي+كاميرا+نافيجيشن للسيارتي الزد

350Z · 27-05-2008, 05:40 PM

السلام عليكم ورحمه الله

حبيت اعرض عليكم صور تعديل سيارتي الزد 2008 من داخل

كنت حاط الموضوع في منتدى امريكي

والحين بحطلكم اللينك ماله

DVD+Navi+Reverse Cam in 08 Z - Nissan 350Z Motoring Forums

اتمنى يعجبكم

مع التحيه

حاجوني · 27-05-2008, 06:42 PM

راعي الزد الشغل اللي سويته شغل جميل، حبيت اعرف كم كلفك. لأني أنا بنفسي ركبت على الزد مالي (بدون ما اقطع اي واير) شاشة سوني و DVD بمواصفات خاصه فيها كارد ريدر مثل الSD وغيره وفيها بعد USB INPUT يعني اقدر انزل في الUSB أفلام.نسيت أقولك أشغل فيها NAVI بعد هذا كله تقريبا ب 700 درهم فقط .

الزرعوني · 27-05-2008, 10:21 PM

^
^
^

من وين ركبته ؟

ممكن صور ؟

wrong · 27-05-2008, 10:37 PM

اليوم شفت موترك فبوظبي

جان أقول ما بيعطيني رقمه نفس رقم تلفوني ...

المهم

تعديلك والله نظيف و شغل تمام التمام وان شاء الله نشوف نشاطك معانا فالمنتدى

وأحلى ما الصور نعالك والتلفون

ـمزح

PORSCHE · 27-05-2008, 11:37 PM

ماشالله شغل نظيف ومرتب

شي حلو والله واكثر شي عجبني الكاميرا الخلفيه

350Z · 28-05-2008, 05:44 AM

مشكورين عالردود

ياخوي يالحاجوني انا ركبت كاميرا ونافيقيشن ودي في دي والشغل مثل ماشفتو شغل محترفين

وكلفني 4000 درهم مع السامان مع التركيب يمكن يكون غالي بس من تشوف شغله تقول بتعطيه زياده

اخوي ركبته في محل في العين اسمه اشرف للالكترونيات....

وين شفتني في بوظبي انا ماحوط وايد

وبالنسبه للصور ...

واتمنى ماكون طولت عليكم

واذا تبغون اي سؤال انا جاهز...

مع التحيه

كيف · 28-05-2008, 11:06 AM

مشااااااااااااااااااااء الله اخوي موترك حلو مرتب الله يعطيك خيره ويكفيك شره بس قولي اشلون تشوف استخدم ثلاث اجهزه ريموت بالسياره ؟ ومافي طريقه تخلي الشاشه تشتغل باللمس ؟

350Z · 28-05-2008, 01:56 PM

طول عمرك يا خوي عيونك الحلوه...

بالنسبه لاستخدام الريموتات... ريموت للتحكم بالدي في دي وريموت لتشغيل الشاشه وريموت تحكم بالنافيجيشن....

انا اكثر استخدم ريموت الشاشه والنافيجيشن... حق الدي في دي مب وايد استخدمه...

بس لو تشوفها بشكل عام انك تستخدم 3 ريموتات وايد ترا وبعدين لعوزه شوي... بس اللي فايدني انه ريموت النافيجيشن واير ليس يعني ماله رسيفر....

وبالنسبه لشاشه اللمس... في شاشات يشتغلن باللمس بس انا فضلت اخذ شاشه عاديه مش لمس... لانه اللمس يخترب بعد فتره خاصه اذا كانت شاشات تجاريه وهالسوالف... اما اذا من الوكاله تكون باللمس ترا احلى شي

وعاد مشي حالك...

مع التحيه

اشكرك عالمشاركه

350Z · 28-05-2008, 04:23 PM

ياخوي يالحاجوني يا رتي لو تنزلنا صور سيارتك

خلنا انشوف وخبرنا وين مركب السامان

مع التحيه

حاجوني · 28-05-2008, 05:56 PM

ابغي انزل صور بس ما ادري شو المشكله بعد ما ارفق الصوره ما ترتفع عندي حاولت وايد بس ما ادري شو السبب
ارجو المساعده