السلام عليكم

قبل كم يوم وديت سيارتي لوكالة نيسان في دبي لعمل تشييك معتاد

وبصراحه اشهد لهم في الخدمة طيبة

سلمت السيارة الساعة حوالي 7 مساءاً بدون اي موعد وتسلمها مني اخ سوداني ماقصر

قلت له متى تخلص قالي بالكثير يومين لاني ماماخذ موعد قلت مافي مشكله

التشييك كان 15 الف

المهم سلمتهم السيارة وعطاني ورقه قالي روح للصندوق

يوم رحت هناك ولا الجماعه يعطوني كوبون بقيمة 14 درهم حق التكسي بصراحه حركة حلوه رغم انها بسيطه

هالشي يدل ان في اهتمام

ماعلينا ثاني يوم مرسلين لي مسج تعال استلم السيارة جاهزة

هالكلام حوالي 1 الظهر وانا مسلمها 7 المساء بصراحه ماتوقعتهم يخلصونها بهالسرعه


رحت لهم على الساعه 8 مساءاً وكالة دبي - ديرة

استلم السيارة ودفعت حوالي 370-385 درهم تقريباً

لكن نبهني موظف الخدمة ان تواير سيارتي انتاجها قديم

قلت قديم كيف وانا شاريها جديدة وراد العربية للسيارات (وكيل نيسان في دبي والامارات الشمالية)

السيارة موديل 2007 والتواير انتاجها 2005 عجيبة والله يعني ماتدخل بمخك هالشغله

على فكرة سيارتي نوعها التيما 2.5 SE موديل 2007

للحين افكر في الموضوع كيف حصل هالشي

__________________

((ربي لا تذرني فرداً وأنت خير الوارثين))

__________________

ما دام خدمتهم حلوة و زينة

ومعاملتهم مع الزبون طيبة

روح عندهم وقولهم مشكلتك

وان شاء الله يحلون لك أياها

هم كيف عرفوا أنها 2005 ... ؟

__________________

كلنا فدا أسمـج و ذكـرج وطـاريج نرفع بفضلـج دوم للمجـد رايـات

عسانا فدوة لكل شبر فأراضيج جندج و تحت أمرج في كل المهمات

مكتوب على التواير تاريخ الانتاج

__________________

((ربي لا تذرني فرداً وأنت خير الوارثين))

السلام عليكم ...



اخوي زورو : صراحه ذكرتني في معامله شركه الجفالي احترام وتقدير العميل قبل كل شئ .


امرك عجيب ،تواير موترك 100% مبدله يعني ما اتوقع تكون التواير الي جايه مع السياره .

يعني لو مثلاً كانت بنهايه 2006 نقول مافي مشكله عسب ماتصنع الموتر وارسلوه واستلمته لازم تصير جذا لأنها لازم تكون تواير قديمه .. بس تاريخ 2005 عجيب والله .


نرجع للمهم : يحق لك المطالبه في الكفرات وخذ معك دفتر السياره عسب تذكر لهم تاريخ الاستلام ، ونصيحه اخو بالبدايه حاول يكون اسلوبك دبلماسي معهم وفي حاله لاسمح الله ما اهتموا في الموضوع لاتخليهم حاول توصل لأكبر مسؤل وارسل بريد شكوى لأداره الشركه وارسل فاكس بعد .


واكتب ان في حاله لاسمح الله حدث لك اي مشكله من الكفرات بتطالبهم بتعويضات .


الله يكون في عونك ...

__________________

اللهم إجعلني أخشاك كأنني أرآك

هب البراد وزان وقت المطاريش والي يبا المقناص يطوي فراشه

يا هلا خالد، بخصوص التواير تأكد من في أي شهر تم انتاجهم؟ يمكن في أواخر 2005 ..

عموما على حسب معرفتي انت ماخذ الموتر من الوكاله، حاول تاخذ اوراق الموتر والايصالات وكل شي، واكتب لهم رساله وان شاء الله تنحل المشكله ويبدلونها لك على الضمان.

اذا ما انحلت مشكلتك راسل الفرع الاقليمي في جبل علي، وان شاء الله بتنحل مشكلتك.

تدري شو اللي مستغرب منه، انهم في الورشه نبهوك بهالشي ولا تحركوا من تلقاء أنفسهم، المفروض هم اللي يبدلونها لك اذا فعلا باعوا لك السياره بتواير جديمه، لكن دام انهم ما اتحركوا أكيد شافوا التواير من نوعية مختلفه غير اللي عندهم في الوكاله، فأغلب الظن انها مبدله!

__________________

الوكاله شكلهم يوم وصلت السياره عندهم بدلوا التواير,ليش؟ عندهم استوك قديم وما حد ممكن يشتريه, و نفس موديل سيارتك في مشاكل في البطاريه,واحد ربيعي اشترى التيما و كملت اسبوع بس اختربت البطاريه ورفضوا يبدلوها الا لما اشتكى عليهم في الدائره الاقتصاديه ,

__________________

شئ غريب جداااا
مافيه الا حل واحد انك تاخذ اوراق السياره وتتدخل ع المسؤول وتقوله السالفه
واعتقد رده راح يكون: انه انت اللي مغيرهن!!!

الله يعينكـ يارب ويِيسـر أمركـ

__________________

أعلم أني مقصر بحقك يا إلهي فلا تجعل الدنيا أكبر همي ولا مبلغ علمي ولا الى النار مصيري يارب

والله جديده اخذتها من معرض العداد زيرو وراعي المعرض مطلعها من وكالة دبي

الشركة العربية للسيارات وصاحب المعرض اثق فيه زين

وثاني شي وكيل نيسان هو وكيل ميشلان يعني مستحيل يغير التواير اتوقعها يايه من المصنع بهذا الشكل


يعني شكلي ان شاء الله بكلم مدير الورشة في دبي واقدم شكوى

الاوراق كلها عندي والدفتر بعد

الانتاج يا عبدالله في اول 2005 مب اخره وهذا الي مخليني اتوتر واتخبل

__________________

((ربي لا تذرني فرداً وأنت خير الوارثين))

اذا ما نفع وياك .. سر عند المدير الاقليمي

__________________