امس فلليل رحت يا شباب حفل تدشين تويوتا كامري 2007، مع اني وصلت متاخر بس يوم شفت اللي شفته قلت زين ان ما فاتني شي

[BIMG]http://img.photobucket.com/albums/v24/aoshi666/Toyota/1.jpg[/BIMG]

يوم وصلت الا لقيت السيد عبدالرحمن عبدالجليل عبدالغني المدير التنفيذي لشركة عبدالله عبدالغني واخوانه وكلاء تويوتا ولكزس عندنا، تكلم فيها عن تطور الشركة في الدولة بشكل مستمر.بعدين قام ضيف الشرف وهو سفير اليابان في الدوحة القى كلمة، وعقبه قام رئيس المصممين للسيارات لتويوتا - استراليا تكلم فيها عن تصميم الكامري الجديد و عن مواصفاتها بشكل عام....

بعدين بدأ العرض ، بدأو يتكلمون عن الخيل العربية وانها معروفة على المستوى العالمي ، وهي تمثل التناغم بين الرشاقة والقوة وما الى ذالك، بعدين بداو يتكلمون عن المهم تكلمو عن اجيال الكامري السابقة ابتداء من الجيل الاول مع عرض الصور انتهائاً بالجيل الجديد وهو الجيل الخامس، وبعد انتهاء العرض.......

[BIMG]http://img.photobucket.com/albums/v24/aoshi666/Toyota/3.jpg[/BIMG]

[BIMG]http://img.photobucket.com/albums/v24/aoshi666/Toyota/4.jpg[/BIMG]

[BIMG]http://img.photobucket.com/albums/v24/aoshi666/Toyota/5.jpg[/BIMG]

بعد ذلك تقدم السيد عبدالرحمن عبدالجليل وضيوف الشرف الى السيارة، بعدين قامو كل العالم يشوفون السيارة فما قدرت اصور عدل....

سيارتين كامري نفس المكينة 4 سلندر 2.4 لتر 157 حصان ,عزم 22.9 Kg-m...

[BIMG]http://img.photobucket.com/albums/v24/aoshi666/Toyota/7.jpg[/BIMG]

وحدة حمره Sport Edition عليها شبك اسود كروم لحية و زيادات جانبية(Side Skirts) وجناح ورنجات وزيادات في الخلف عند الشكمان وحساسات، ومن داخل اوتوماتك 5 جير،6 سي دي و فتحة و كراسي سود وشي اول مره اشوفه(من التويوتا).... بدال التيك...المنيوم......

[BIMG]http://img.photobucket.com/albums/v24/aoshi666/Toyota/12.jpg[/BIMG]

[BIMG]http://img.photobucket.com/albums/v24/aoshi666/Toyota/14.jpg[/BIMG]

[BIMG]http://img.photobucket.com/albums/v24/aoshi666/Toyota/6.jpg[/BIMG]

اما الثانية فكانت ستاندر...طوس مب رنجات، بدون حساسات، من داخل مخمل اوتوماتك وسي دي واحد

[BIMG]http://img.photobucket.com/albums/v24/aoshi666/Toyota/8.jpg[/BIMG]

[BIMG]http://img.photobucket.com/albums/v24/aoshi666/Toyota/9.jpg[/BIMG]

[BIMG]http://img.photobucket.com/albums/v24/aoshi666/Toyota/11.jpg[/BIMG]

سألت عن اسعارهم، طلعت الستاندر مع التخشيبة بـ....

[BIMG]http://img.photobucket.com/albums/v24/aoshi666/Toyota/2.jpg[/BIMG]

اما الحمره كانت بـ90500 ...بس هم نفس المكينة، سالتهم عن الـGrande قالو راح تنزل شهر 12...

[BIMG]http://img.photobucket.com/albums/v24/aoshi666/Toyota/13.jpg[/BIMG]

واسمحولي على الاطالة

ملاحظة: شباب في موضوع زميلي loolicpolic اكثر من رائع... تشيكوه لمزيد من المعلومات والصور
http://www.gulf4cars.com/vb/showthre...ed=1#post18149
اخوكم :
Ferrari F40

__________________

والله موضوع حلو ومرت اخوي Ferrari F40 ... والله يعطيك الف عافيه ...


اخوك :
Gallardo
( محمد )

__________________

الله يعطيك العافيه على الخبر والتصوير عساك على القوه

مشكور اخوي على التغطية الجميلة

هل الموديل هذا بنفس حجم الموديل السابق ؟ وكيف ارتفاعها ؟ ( إرتفاع الخلفية ) .

كيف شعورك بالنسبة للسيارة ؟ ( هل تحس ان السيارة صارت رسمية ؟ )

ويش أنظمة السلامة بالسيارة ؟ ( الثبات ومنع الانزلاق ... )

ال sport Edition كم سلندر 4 أو 6 ؟

إذا 4 سلندر الله يعين على القراندي شكلها فوق 105 الالاف


طولت بالاسئلة

مشكوووووووور أخوي على التغطية الحلوة !!!

ومبين انها بتطلع منافسة للأكورد والألتيما !!!

وبصراحة كبرت في عيني !!!

الله يعطيك العافية على التغطية

السبورت شكلها جميل

ننتظر جديدك

__________________


Mustang GT

U..A..E 37

يعطيك الف عافيه اخوي عالتغطيه المميزه منك

موضوع مميز وبدايه موفقه معانا في المنتدى

بالنسبه للكامري اخوي شنو انطباعك عنها هل تشوف انها تطورت عن الجيل السابق؟

هل تستحق السعر الي ذكرته؟؟

بالنسبه للحمره الصراحه روعه وحلو شكلها وايد

واعتقد القراندي نفس كيت الحمره بس المحرك يختلف

وهل كان حفل التدشين ضخم او مبسط؟؟

تحياتي ويعطيك الف عافيه

ما شاء الله وصلت الكامري عندكم ..
الكامري اللي عليها زوايد حلوة بصراحه .. والاسعار مرتفعه شوي بس بتنزل بعد فتره

موضوع وتغطية متميزه أخوي ، يعطيك العافيه وما قصرت ..

__________________

مشكور على التغطية

__________________

أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm

لالا لاحد يقول بنزل الاسعار بعد فترة ...هالشي من زمان وراح ...الحين الاسعار كل ما ياها ترتفع
مافي نزول خصوصا عند التويوتا ...والسعر الصراحه غالي جدا جدا على اربع سلندر
واللى اعرفه ان القديمه كان الفرق بين الاربعه والسته يوصل الى 15 الف درهم
اكيد هذي بيكون سعرها مثل ما خبرني واح د بالوكالة 108 الاف ...

يالله اشوف حد يقولي السعر رخيص 108 الاف على كامري ...صح كل المنافسين الاكورد والالتيما والليغاسي اسعارهم قريبه منها بس مواصفاتهم اكثر منها دايما ...

اخر زمن 100 الف للكامري ...عيل الجيل القادم اللى بينزل بعد خمس او ست سنوات كم بيكون سعره
130 الف ....والله هزلت يا عالم

__________________


( قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا )