سلام عليكم

كيفكم شباب ؟؟

كنت ابغى قطع ل بي ام الفئة التالتة من موقع انترنت ولقيت فموقع اي باي ebay اشياء مرة حلوة واسعارها ممتااازة
المشكلة اني متخوف انه تكون الهرجة فيها نصب فحبيت اسالكم ... في احد طلب من دا الموقع ؟؟؟؟ او سمع عنه ؟؟

اذا مافي في احد يعرف موقع اطلب منه قطع لبي ام فئة التالتة ويكون موقع مضمون؟؟؟؟؟؟


تحياتي

ممممممممممم
ها الموقع مو دايما يكون مضمون لأن الناس هم يبيعون ومرات شركات يبيعون فيها

وثاني شي الشراء بيكون عن طريق الحوالة لأن الفيزا ما تنفع لأن شركة PAYPAL ما تتعامل مع الفيزا إلي موجودة عندنا ماعرف ليش

شوف الشيء إلي بتشتريه بتحصل أراء الناس في الشخص إلي يبيع وإذا فيها مدح يكون مضمون إلى حد ما

لو تشتري من موقع يكون أحسن ... بس ما خبرتني شو نوعية القطع إلي تبى تشتريها ؟؟ تزويد ولا شكل
عشان نعرف نطلع الموقع


سلااااااااااااام ^_^

ebay ما يبيع لك

هذا الموقع وسيلة للتواصل بين البايع و المشتري

و انا تعاملت معاه كثير و كل الامور تمام

بس لازم تنتبه من الشخص اللي تشتري منه كيف سمعته في الموقع و طبعا لابد يكون الدفع و استلام البضاعة موثق و مضمون و عاد هذه طريقتك انت و هو في التعامل

و عندك موقع paypal و غيرها كثير حيكون مفيد لك في مثل هذه الظروف ... و لا تنسى مسألة الشحن

و بالمناسبة الموقع معروض فيه كل شيء من اشرطة الفيديو للملابس للسيارات و الالكترونيات و وصولا عند الطائرات و المركبات الحربية !

أخوي سناري كيف تتعامل مع pay pal لأني حاول أتعامل وياه بس يرفض الفيزا مالتي

ياريت لو تفيدنا

سلااااااام

ببساطة لازم تكون الفيزا حقتك صادرة من بنك معروف امريكا او كندا

و بعضهم يسهل موضوعك اذا كنت مطلعها من HSBC

و افتراضاً انك من السعودية راجع هذ الرابط www.sabb.com.sa

و لمساعدة اخرى في النواحي المالية و الدفع راجع المواقع التالية :

www.aramex.com

www.paypal.com

http://www.eshtr.com/

و الله اعلم ،،،

مشكورين جدا اخواني عالرد و المساعدة

بس بتقولولي اسال عن سمعة البايع .... كيف اعرف سمعته ؟؟؟؟
و بعدين كيف اعرف ظروف الدفع و الاستلام ؟؟؟؟؟؟؟؟؟؟

انا كنت ابغى اصطبات و جناح و يايات .. امممم هادا اهم شي لكن اذا لقيت شي حلو ممكن اخده

تعرفوا مو قع كويس ؟؟؟؟؟؟؟؟؟؟


مشكورين الف عالرد

في اشياء كثير لازم تعرفها عن البيع و الشراء عن طريق الانترنت تقدر تكتسبها عن طريق المتابعة الدائمة لهذه المواقع

ممكن اسهل طريقة لك اذا تعرف قريب لك في امريكا او حتى كندا ... ترسل له الفلوس و هو يشتري البضاعة اللي انت تبغاها

راح يكون كذا اضمن لك من ناحية التأكد من ملائمة القطع و صلاحيتها و ايضا صعوبة الغش عند البيع بالنسبة للمتعاملين في امريكا الشمالية

و بعدين صاحبك اللي هناك يرسل لك القطع و توصلك في اسبوعين

بالنسبة للموقع عندك ثلاثة طرق اول شيء تستعمل ebay

او انك تطلب القطع من نفس الشركة المزودة زي ايباخ و غيرها

او انك تدخل موقع للقطع المختلفة بشكل عام زي http://www.carparts.com

و في حل اخير انك تستخدم خدمات هذا الموقع www.saudalbakr.com

بس عيبه انه مكلف شوية و ان شاء الله انه مضمون

مشكور جدا اخوي سناري من جد افدتني كثيير

طيب دحين انا سويت بحث فالاي باي ebay وحطيت عالاوبشن Show only: Items listed with PayPal
ايش رايك دحين القطع اللي طلعتلي مضمونة يعني ؟؟؟؟
والقطع اللي كنت ابغاها لقيتها برضو تحت دي اللستة ؟؟

مشكور الف

ااهلا اخوي ,,,

اللستة اللي طلعتلك يا عزيزي مو يعني انه القطع مضمونة

بل تعني ان عملية الدفع آمنة ان شاء الله و مافي شيء كامل 100%

و لا تنسى انك تتأكد من سمعة البايع

تلاقي عنه بروفايل كامل في يمين الصفحة اللي موجودة فيها القطعة المطلوبة

و باقي عليك عملية الشحن و باين عليك انه ما عندك مشكلة في هذا الموضوع

و سلامتك

اشكركم على طرح الموضوع و بصراحه جاء في وقته ..

اخوي سناري ..

بصراحة كنت اطلب من النت بواسطة بطاقة CASHU و استقبل البضائع بواسطة شركة ارامكس الموجودة عندنا في جدة ..
بس الان Cashu اغلقت حسابات فيزا و ما اقدر اطلب من خلالها و بصراحه هم شركة نصابة .. يأخذون نسبة كبيرة في كل عملية و بطاقاتهم غالية !!

فياليت تدلنا على طريقة اخرى من خلال احد البنوك الى جربت تطلب من خلالها ، و هل تنفع في اغلب المواقع ؟؟

و اذا فيه شركة افضل من ارامكس في الشحن .. يا ليت تدلنا عليها ..

و جزاكم الله خيرا جميعا ..