1-حراره الجو
2-الرطوبه
3-الركاب الموجودين في السياره والوزن بشكل عام من البنزين والركاب والرنقات الثجيله والكروم
4-ميلان الشارع
5-سرعه الرياح
والاشياء المسؤول عنها السايق
تبديل الغيارات بتوقيت صحيح لانه الزياده ثانيه والتأخير ثانيه يخرب
النشه نفسها كيف السايق يقوم السياره .. يعتمد اذا كانت دفع امامي او خلفي او فورويل .. طبيعي الفورويل مايبالها شي
بخصوص رأيي هل الارقام المذكوره صحيحه ام لا ..
اعتقد التسارع شي محسوس ويستطيع الواحد يقدر تسارع السياره مثلا تسارعها يكون 5.6 وتطلع بالحسبه 6 كلام معقول
اما الكذبه الوحيده الي اشوفها صايره في الوكالات الخليجيه الي عندنا وللاسف هو الكذب في قوه الاحصنه..
والكذبه الاكبر النيسان اكستيرا الي قالوا عنها 291 حصان .. محرك جبار ما اختلفنا لكن محرك مثل هذا على هذا البدي الصغير المفروض يعطيك تسارع ارحم من 9 ثواني كما افادت التجربه من الاخوان في قسم التجارب ولا تنسون نيسان عندها محرك 3.5 على الانفينيتي اف اكس وهي 280 الى 290 حصان ..
ما اتوقع نيسان غبيه لها الدرجه تنزل مكينتين مختلفات بنفس الاحصنه تقريبا وللعلم 3.5 انجح مكينه نزلت في نيسان.. 4.0 الي على الاكستيرا 261 حصان .. ولو كانت فعلا 291 لستوت ضجه بين الشباب .. تسارع الانفينيتي fx35 قوه لدرجه انه قريب من الانفينيتي fx45 عن تجارب شخصيه ..هني تطلع ال 280 حصان صافيه طبعا مش على الويل
والشركات الي برع مب مستعدين يزيدون السيارات 20 الى 30 حصان عشان عيون الشرق الاوسط الكحيله والي السيارات فيها (قمامه الشركات)
والانفينيتي g35 سيدان 330 حصان في الكاتالوج .. و gmc يوكن و سييرا 350 حصان وهو اقل بوايد قد يكون الفرق ملحوظ لكن التغيير كان في وايد اشياء في المكينه منها الوزن والغيارات
واخيرا حبيت اقول انه الضغط الزايد (المعتدل) بين فتره وفتره والاهتمام والصيانه الدائمه للسياره تعطيك تسارع افضل من تسارع الوكاله .. سيارتي تسارعها في المواقع 7.8 وتجيب وياي تحت ال 7 والله اعلم
اتمنى اني افدت والحمدلله استفدت
واقبلوني عضو جديد معكم..
اخوكم ياسر
العرض العادي
