السلام عليكم ., بغيت اطرح هالموضوع لانه شفت حالات وايد ,,, هل لما الشركه تذكر في الكتالوج او على موقعها عن تسارع السياره من 0-100 تكون صح ولا لا ؟ انا شفت وايد حالات وتاكدت انه في بعض الشركات تكون صادقه 100% وفي بعض الشركات ما يكون في كلامها شي من الصحه ,,, ننتظر نسمع اراء الشباب<<واذا عندكم برهان او تجربه ياليت تحطونها

__________________

موضوع حلو اخوي
انا جربت الكورفت مالتي
من صفر لين 100 في 4.3 - 4.5 ثانيه

شوف اخوي

موضوعك حلو وااااايد

اولا القومه او التاديه تعتد اول شي على الدريول الي يسوق !!!! حتى لو لنتش كنترول و ..الخ بس في حالات شاذه مثل بعض السيارات الي هن مثلا بورشه 911 جيتي 2!!! جيتي ار الديد .....ها السيارات انته اصلا ماتسوي شي الكمبيوتر هو الي يسوي كل شي حتى التبديله هو يقولك بدل الحين ......مثلا ......((عشان مايقولون شمعنا هالسيارات))

وبعدين انا ارجح اعلان الشركه الرسمي سواء من الانترنت .....كتلوج ..الخ
رايي تشيه لان الشركه ادرى بسياراتها اكثر من غيرها !! وعندها ناس مايحتاي!!!

اما عن المجلات فبعض المجلات تكون تجاربها خاطئه .....

الي يبا يريح راسه يشوف الشركه او الاشيتء الرسميه احسن

هذا من وجهة نظري

__________________

في بعض المواقع تخلط مابين من صفر الى 60 ميل ومن صفر الى 100 كيلو
من صفر الى 60 ميل يساوي تقريبا من صفر الى 96 كلم واكيد الارقام بتكون اقل لنفس السيارة من صفر الى 100

السؤال هل تجيب او لا انا اقول تجيب وزيادة وتنقص وزيادة حسب الظروف المناخية من الضغط الجوي
ودرجة الحرارة والرطوبة
السيارة في اقوى حالاتها اذا كان الجو بارد والرطوية معدومة او قليلة والضغط الجوي عالي (السيارة على ارتفاع مستوى البحر او اسفل )

طبعا لازم رفع الاربي ام في البداية حتى تعطي افضل انطلاقة

__________________

صح نفس ما قال اخوي مونستر
تعتمد ع الدريول بشكل كبير

مشكورين على التفاعل بس انا مثلا في سيارات مكتوب عنها من 0-100 في اقل من 5 ثواني وتجيب 5 وشوي دايمن يعني مادري على اي اساس الشركه اتقولك اقل من خمس ثواني شنو هو الشي اللي يعتمدون عليه ,,,, اخوي بلاك ايس حطلنا التسارع واذا عندك معلومه عن الشركه كم كانت كاتبه عن تسارع السياره

__________________

اخوي تبا التسارع فيديو؟

في عامل ثاني قوي جدا,الجاذبيه الارضيه ,مثلا في امريكا الجاذبيه اقل,في سباق الدراق يمكن نلاحظ هذا الشي ,لما تكون نفس السياره,نفس السائق,وحلبه سباق ستاندرد بس فرق في الارقام؟؟؟

__________________

صح في وااااايد عوامل تاثر مثل الجو و الحراره والرطوبه......

__________________

ما شاء الله اراء مختلفة ,,, وتوني اكتشف انه في مثل هالعوامل اللي تاثر على اداء السياره ,, بس من خبرتي يعني اشوف انه هالعوامل ما تاثر لاني جربت سياره وجابت مثل اللي مكتوب في الكتالوج بالضبط ,,, فمادري كيف ,,,على العموم يعطيكم العافيه


اخوي بلاك ايس اي ما عليك امر الفيديو

__________________