لا فاهم غلط يا حمد

أنا أحب الجي تي أكثر

بس ما أحب تنظلم الفورزا لأنها فيها مميزات وبعدها في الجزء الثاني .. يعني لعبة إيديدة
على فكرة أنا مستوي مشرف بسبب الجي تي

__________________

والله انا من شفت عنوان الصفحه لليوتوب وانا غسلت يدي من بدايتها شتايم بفورزا شي طبيعي مقطع متحيز

ثاني شي جي تي محبوبه ولها قاعده جماهريه كبيره بس ياخي اصوات السيارات تفشل
وبعد وش فايدة الجرافيكس وانت تمشي 300 بسياره وتصدم جدار وتوقف ومايستوي شي

والناس اذواق ياخي ماتقدر تغصبني على جي تي ياخي بايخه ماحبيتها ادري اشكال السيارات حلوه وادري الجرافيكس ممتاز بس ياخي لما العبها احس اني العب بصور جميله بس مافيه حماس ههههههههه

ولحد ماتنزل الكامله ويحسنونها لكل حادث حديث

والمقارنه اصلا احسها غير عادله تقارن لعبه نازله من بعد فورزا بعد اكثر من سنه
وحتى لو تخيرني بين فورزا 2 وجي تي بظل بقول فورزا انا واحد شراني ياخي واحب اكسر سيارات اللي يطوفوني ههههههههههه

عموما ترى كلها سوالف وفيديو جيمز ماتسوى نتوتر عشانها

__________________

ولا تزعلون ياجماعه ,,

اللعبتين حلوين ..

مع اني اميل لفورزا اكثر ..

لكن بعد ماجربت GT5 ولعبتها

متحمس لها ,, الجرافكس والاصوات 100%

طبعا لا تنسون .. تاثير التصادم ياي في GT5

ننتظر ونشوف الفائز .. لكن بالاخير .. اللعبتين حلوين ..

__________________


Mustang GT

U..A..E 37

يافل موون بغض النظر نازل عقب بسن او بثلاث هذا ديمو!!!!!!!

مش نسخه كامله انا الي ابا اوصله ان اصوات السيارات في جيتي 100% صح

ويوم انك ماتدانيه وماتلعبه وايد معناها انته مايربت كل شي فيه!!!

المهم انتوا بتعرفون قيمة الفلم يوم بتنزل النسخه الكامله

__________________

The fastest sedan on the PLANET

اخوي UAEmonster انا من محبي GT ومالعبت forza عسب لاتقولي منحاز , إلين اليوم انا ما جت لعبت لعبة سيارات على PS3 كاملة و تحس إنك تلعب هذي هي اللعبه اللي تترياها للأسف و شي يرفع الضغط , الشغل كله على الدعايات لا أكثر ولكن في المضمون للأسف يهتمون بشي ويتركون أمور صغيره تنزل من قوة اللعبه وحماسها .

جي تي 5 برولوج الأصوات فيها ترفع الضغط يعني صوت السيارة مب طبيعي وماتعبوا عليه ومب المتوقع من لعبة مثل GT وشركة مثل بوليفوني يعني الديسك الواحد من البلوراي يشيل 50 جيجا كان حطوا فيها الأصوات الأصليه الصح و عندك صوت إحتكاك التواير في الحلبة جداً تعبان ومزعج ومافيه شي من الواقع للأسف , و عندك الدخان مافيه اصلاً ابيض باهت حتى ماينطبق على الواقع يوم انا بشتري لعبه مكتوب عليها Real Driving Simulater معناها اسوق سيارات طبقاً للواقع 90 % , جي تي ماتعلموا من أخطائهم السابقة و إذا ماتحسنوا الله يعينهم على تقييمات المجلات العالمية اللتي بتمسح فيهم الأرض , في النهايه مافي شي في الدنيا كامل و حتى لعلمكم إن شركة فراري إستغربت من دقة الرسم و الصور الواقعيه للعبه وقالت كل شي منقول مثل الطبيعه لكن ياليت الصوت و الدخان نفسه ...

__________________

فما كل مـن تهـواه يهـواك قلبـه ولا كل من صافيته لـك قـد صفـا

شكرا لك رفيع

وانا استسلم بالنسبه للدخان اوكي صح الدخان مب لين هناك

بس الاصوات انااشوف مطابقه للسيارات فالصدق .........وبالعكس بعد فورزا واايد قريبه و مطابقه للصوات فالصدق

لكن كلعبه التحكم 100% similation اما في فورزا مش similation انا هذا كل مقصد كلامي وانتوا سويتوها سالفه ودخان وتواير واحتكاكات

__________________

The fastest sedan on the PLANET

ترا كنا نتكلم في هذه الجزئية بس ... وانته ظنيت أنه نحن نذم الجي تي كااامل !

__________________

خلاص خلاص

اوكي......

__________________

The fastest sedan on the PLANET

أخافك عصبت علينا ولا ؟

سؤال خارج الموضع يا وحش .. شو من الألعاب تلعب ألحين ؟

__________________

انا اتفق مع اخوي falcon

الجيتي عيبها الرئيسي بالاصوات وتأثيرات الاصطدام

الفروزا بصراحه ابدعو بهالاشياء والجيتي اذا ماحسنو هالاشياء بالنسخه كامله بيخسرون كثير لان اغلب الناس راح تتجه للفروزا

وانا من محبين الجيتي ولعبت كل اجزائها

__________________

The Technology Of Germany Engineering