شو الاحسن الصبغه فـ الوكاله ولا الجاراج

AяМάŋỳ · 06-07-2008, 09:29 AM

السلام عليكم

بدخل فـ الموضوع على طول

الله يسلمكم موتري فيه كم من شخطه وابي اصبغه قلت خلني اسأل شو الاحسن

اصبغه عند الوكاله ولا فـ جاراج مع العلم اني راح اصبغ بعض الاماكان يعني مش البودي كامل

بس حبيت اعرف رأيكم شو الاحسن وكالة ولا جاراج .. واذا جاراج في حد يعرف جاراج شغله 100%

نفس الوكاله ؟

alhaiman · 06-07-2008, 02:02 PM

من وين انته اخوي ؟!
لاني اعرف كراج صبغه بالفرن ونوعيه الصبغ المانيه .. شفت ارمادا مصبوغ عنده وشغله نظيف وعني ماعرف افرق وين صبغ الكراج و صبغ الوكاله .. طلعن الجوانب كلها مصبوغه في الكراج ...
ممكن اعرف مكانك

C A D I L L A C · 06-07-2008, 02:58 PM

الوكالات صبغهم زين بس لازم تعرف انه بيكون دبلات عن سعر القراج

لكن في قراجات صبغها احسن من الوكاله ب 1000 مره

دور و اسأل عن القرجات الزينه عندكم

wrong · 06-07-2008, 03:13 PM

سو بوليش قبل لا تصبغ يمكن الشخطات تخوز ... !!

أذا موترك أبيض لا تصبغ الا فالوكالة ...

في بعض الجراجات يشوفون كود الصبغة و يشترونها من الوكالة و يصبغون هذا أحسن كلام

بس أذا تبا تصبغ وانته متطمن روح الوكالة و أدفع

Only Fj · 06-07-2008, 03:29 PM

الوكاله صبغهم مضمون بس دبل اذا تقدر توكل على الله

الزرعوني · 06-07-2008, 07:57 PM

خبرنا انت من وين و ان شاء الله بنفيدك

AяМάŋỳ · 07-07-2008, 01:21 AM

مشكووورين على التفاعل ..

اخوي wrong تراني وديته كنت بسويله بولش بس قالي تراه ما بيخوز يباله صبغه

اخوي الزرعوني انا ماتفرق عندي لو فـ الشارجه او دبي ..

الزرعوني · 07-07-2008, 08:04 AM

شو لون الموتر

و وين الضربة ؟

AяМάŋỳ · 07-07-2008, 09:58 AM

لون الموتر اسود والمكان فـ البابين الي عـ اليمين و المرايه الي عـ اليمين

و ورا الدبه كلها مشخطه و البمبر الي ورا بس ههه

الزرعوني · 08-07-2008, 12:02 AM

لوووووووووووول

ما خليت مكان

اذا موترك يديد .. غميضة .. وده الوكالة

بس اذا مستخسر عليه ( مثل حالتي يعني

)

وده كراج

شي واحد انا اتعامل وياه و اتعرفت عليه عن طريق ولد عمي .. ( من زمان يتعامل وياه )

شغله نظيف و حلو .. صبغت عنده بابين و البامبر اللي ورا .. و براويك السيارة اذا حبيت تعرف شغله ..

و اذا عيبك . وده عنده