السلام عليم ورحمه الله وبركاته ..
اخواني واجهتني مشكله في التيوتا راف فور .. السياره موديل 2001 وبمكينه اجدد تحت ال 2005
السياره استهلاكها للوقود عالي .. مره جربت اني اقيس التفويله كم تمشيني وماتعدت 400 كيلو ..
مع العلم السياره مع كل دقه سلف (تشغيله) يطلع دخان ابيض من القزوز و بزياده ومرات يطلع في المكيف..
تم تبديل الايل على كلام راعي الكراج المكينه كانت خالطه ايل القديم الي كان في المكينه بالجديد ..
وبدلته بعد مره والمشكله موجوده .. بخصوص العزم .. زين لكن على كلام راعي راف 4 مب هو المطلوب..
شو المشكله يا خبيرين

يا هلا فيك اخوي


مشكلة الدخان هاي .. لها كثير اسباب .. فصعب نحكم من خلال كتابة موضوع

انا اللي اعرفه انه يكون من الآيل الجديم .. و انت اتقول انك غيرته

انزين

مرة صارت فينا في رنج روفر .. بدلنا كل شي و ما زال الدخان ..

شو طلع اخر شي ؟

شي شرخ بسيط في المكينة .. و طلع ماي الراديتر يدخل بشكل بسيط في المكينة و يتبخر بداخلها و البخار يطلع من الاكزوز .. و ريحتها كانت غريبة وايد ..

او تلقى السيارة مكربنة .. يعني ما تمشي فيها خطوط و ما تدعس فيها

جرب اتحط Injecter Fuel Cleaner













.. يبيعونها في محطات البترول و لونها اسود .. و سعرها 15-16 درهم

هاي تنحط في خزان البترول قبل ما اتعبي بترول للسيارة .. و يفصل ان التانكي يكون شبه فاضي ..

و شوف بعدين شو بيصير

__________________

اخوي عن مكربنه السياره زارنها زر ونظفت المكينه .. سيارتي في الوكاله واستخدم الراف من اسبوع ..
وشو الحل اذا شرخ المكينه

اصبر لا تتسرع ان فيها شرخ
حاول تفحصها في كراج عنده كمبيوتر وشوف شو بيقول لك

افضل

__________________

((ربي لا تذرني فرداً وأنت خير الوارثين))