السلام عليكم ..

شباب دبي والشارجه وعجمان سمعتوا عن السوق اللي في صناعية الشارجه والقريب من نادي الكريكت، اللي يبيعون فيه مختلف الالكترونيات والاجهزة وقطع الغيار بأسعار منخفضة؟

اذا حد عنده فكرة أتمنى يعطينا معلومات تفصيلية عنه، لأن واحد من الشباب يقول محصل تلفزيون بلازما بعشرة الاف درهم، اما في المحلات العادية سعره 35 الف درهم!!! بس المشكله الوحيده انه بدون ضمان، لكن الفرق كبير جدا.

هناك أيضا اجهزة متنوعه مثل الغسالات والأدوات الكهربائية وقطع الغيار والستالايت وجميع المستلزمات.

__________________

اخوي عبدالله هذي الأجهزة معظمها معاد تجديدها

يعني جهاز تصير فيه مشكلة كبيرة ويصير غير قابل للتصليح ياخذوه هالبنغالية يسووا عليه تجارب وكل قطعة من جهاز وبعدها يبيعه بسعر رخيص

الجهاز بيكون يشتغل قدامك لكن ماتدري وش يصير بعد فترة

^^^

نفس الكلام

علشان جي ما يعطون عليها ضمان لانهم ما يعرفون متى بتخترب القطعه

__________________

كلمتان خفيفتان على اللسان...حبيبتان إلى الرحمن... ثقلتان في الميزان... سبحان الله و بحمده سبحان الله العظيم..

Dive Ever... Work Never

هذه البضائع اكثرها كانت مرفوضه من الشركات و الوكلاء الي يبيعونها في أوروبا لانها مضروبه، لو إتشوف أي كرتون أو جهاز بيشوف البار كود ممسوح أو مشطوب، لا إتجازف.

يا هلا بو العبد

جان تبا اوديك هالمحلات .. من عيوني ..

بس تراني ما انصحك

هاي مثل ما اتقول عزك الله زبالة الشركات .. تحصل فيها عطل فني .. خذوها البنغالية صلحوها و ردوا باعوها بدون ضمان طبعآ ..

و على فكرة .. تراه مب محلات .. " جبرات "

__________________

مرحبا شباب.

كلامكم صحيح، وأمس تأكدت من واحد من الشباب يقوللي معظم الأجهزة هناك فيها خدوش أو أعطال خفيفه، وهم يشترونها من خلال كونتينرات يتم استيرادها من دول معينة و يقومون بشرائها بالجمله بسعر مناسب ويبيعونها علينا بسعر رخيص بالنسبه لنا، ولكن بفائده حلوه بالنسبه لهم.

المشاكل في الاجهزة هي، خدوش، وايرات مقصوصه، شرخ صغير.... الخ

بعض الأجهزة تكون سليمه والبعض الآخر لا، بس لازم تلف وتدور وتشيك عدل قبل لا تشتري.

شكرا شباب.

__________________