الرجاء الدخول مهم ......( ترتيب منتدى الهوايات)

UAEmonster · 13-08-2008, 10:22 PM

السلام عليكم

شحالكم ......

شخباركم .....

انا مابطول عليكم خلونا فالمهم ......

اقترح اخوي فالكون اننا نفتح موضوع يديد يخص المجسمات لان موضوع صور مجسماتكم استوا كل شي مب بس صور .......

وانا قلتله خل الموضوع موضوعين والثاني يكون عن تعديل المجسمات وهالسوالف (بعد ماشفنا اخونا راك بوي عدل مجسمه) المهم ......الحين انا بما اني احد الاعضاء الي يهتم بهذا القسم من المنتدى بعطيكم التعديلات الي عندي وانشاءالله بنناقشها معاكم ومع المشرفين ......

اول شي خطوه بخطوه

اول مابدينا فهالشي كان في موضوعين واحد اختفى (لان محد يحط شي فيه) وواحد اختبص(الي هوه صور مجسماتكم) انزين انا عندي حلول حلوه و بتحل كل المشاكل و بيكون الترتيب عسل فالمنتدى هذا ...

شوفوا اول شي نسويه هو ....

1- موضوع صور مجسماتكم نخصصه بس للمجسمات واي حوار فالموضوع ينشطب و يخلون بس مشاركات الصور..

2- نفتح موضوع يديد نقاشي( واهم شي انه نقاشي يعني كل مايتعلق بالموضوع يناقش مش بس معلمومه وخلاص!!) موضوع نقاشي يكون عن اخر اخبار المجسمات و جديد الشركات و جديد اسواقنا وجديد الاعضاء(جديد مجسمات الاعضاء بدون صور او بس صوره وحده ) و طبعا بما انه نقاشي فلازم كل واحد يعطينا انطباعه ( هل الكواليتي والديتيل زين ؟,,,,السعر كم؟.,,,,,هل تستاهل؟.,,,,اذا اي حد عنده سؤال يحطه وراعي السياره او المجسم بيجاوبه تشي يعني).....

3- نفتح موضوع ثالث و بعد يكون نقاشي وهذا بيكون يختص في كل شي يخص المجسمات من ناحية الاعتناء و التعديل و (اخر التطورات في معرفة طرق التعديل عندنا و كيف و شو استخدم ومن وين ...ألخ) .....

وبتشذيه بنخلي القاري والي يبا شي من الموضوع ياخذه ويستفيد لا ييلس يدور ولا شي .......

وهذا كله ان دل على شي دل على مصلحتنا ومصلحتكم و مصلحة المنتدى .....وهذوه انا لا ادراي ولا مشرف ويالس ارتب المنتدى ويا المشرفين وكلنا هدفنا واحد ومعروف و كل الي نسويه لمصلحة الاعضاء و لمصلحة الزوار و لمصلحة المنتدى ......

والسلام عليكم ورحمة الله وبركاته

..."ملاحظه الكل لازم يشارك ويناقشنا ويعطينا ملاحظاته وانطباعه عن الترتيب اليديد"

اخوكم UAEmonster

FuLL MoOoN · 13-08-2008, 10:45 PM

مشكور أخوي على اهتمامك وماقصرت

بس عندي تساؤل بسيط اذا زدنا تقسيم مواضيع المجسمات بتموت المواضيع هذا انت قلتها بعد فتره كل واحد بيحط مجسماته وبيوقف وبتظل السوالف بس وهالهوايه الجميله مايمارسونها الكثير أخوي بس تقدرون تتركون مواضيع المجسمات يعني بدال ماتضيفونها بموضوع واحد وتزيد الصفحات بشكل كبير مافي مانع اشوف تحطون كل تعديل مجسم وتسوون له تقرير بسيط وجميل بموضوع واحد وماظن باليوم راح تكون فيه مواضيع جديده وكثيره

الراي راي مشرف القسم والأعضاء صاحبين هالهوايه >>>> انا بصراحه تفلسفت ومالي شغل فيها ههههههههه

ويعطيك العافيه اخوي وحش الامارات

UAEmonster · 13-08-2008, 11:19 PM

الله يهيدك كيف مالك خص!!

انته من الاعضاء الي مهتمين بهالقسم و تحط مواضيع حلوه ولك خبره وفي نفس الوقت مشرف على قسم ثاني !!

اما بالنسبه للمواضيع انا قلت تشيه لان التعديل بحر و التجميع وادي و الاخبار محيط!!

يعني كل شي في مكان روحه بيكون مرتب اكثر وهذا هو المقصد من الموضوع هذا ان القسم هذا يترتب

وبعدين انا ابا اعرف ترا في وايد اعضاء يجمعون وان اعرفهم و اول ماعرضنا الفكره (فكرة موضوع الصور) كلهم قاولوا هيه فكره حلوه وانا ايمع وبنحط صور و بنتحدا ومدري شو واخر شي تمينا نحن الثلاثه انا وبو حميد وبوجاتي بس!!

مع ان في ناس حطو مشاركه فيها عدة صور لسيارات حلوه و بعدها ماطاحوا الموضوع ممره .!!

اخوي فل موون هذا مب بس لي والا لك والا للي يجمعون هذا في صالح الجميع عشان تشي لازم الكل يبدي رايه!!

FuLL MoOoN · 13-08-2008, 11:29 PM

أخوي انا ماقصدت انه ماالي شغل فيكم قصدي انه ننتظر الاعضاء صحيح اني مشرف على قسم الاستراحه بس ماقدر اقرر عن الاعضاء صاحبين الهوايه ومشرفين القسم لازم كلهم يتواجدون وهم اخبر بهوايتهم مني هذا قصدي ماودي اقرر او ارتب شي وامشي عنه وغيري من صاحبين الهوايه ينزعجون ويتضررون

وانشالله خير لاتشيل هم بيجون الاعضاء وراح نتناقش ومابيصير خاطركم الا طيب انشاء الله

UAEmonster · 13-08-2008, 11:32 PM

وانا ماقصد تشي بعد

انا الي اقصده ان هل ترتيبي زين بغض النظر عن المشرفين والي يجمعون انا الحين اسألك عن الترتيب

انا مااقولك خلاص يلا سوو الي قلتلكم عليه دامك انته موافق

اصلا اول شي راي المشرفين لان حتى لو قررنا نحن فالنهايه لو هم مب موافقين نحن لا بنهش ولا بنش!!

FuLL MoOoN · 13-08-2008, 11:35 PM

ههههههههههههههه الله يهديك بالعكس المنتدى مايشيله الا انتو واحنا المشرفين يعتمد علينا اثنينا وترتيبك منظم وزين بس ننتظر الشباب وفالك طيب ان شاء الله

UAEmonster · 13-08-2008, 11:38 PM

زين عيل فانتظار البقيه .......

fALCON · 14-08-2008, 12:39 AM

وعليكم السلام

أشكرك على الموضوع .. والقرار يعود لكم وبالأخص أصحاب الهواية

تقسيمك حلو , لكن شو رايك نحصرهم في موضوعين أفضل .. لأنه تعرف إذا سوينا 3 مواضيع عن شي واحد وثبتناهم تطلع شوي مب عدلة

ممكن نسوي موضوع صور مجسماتكم إلي تشترونها
وموضوع ثاني يكون فيه أخبار , نقاش , تعديل

وفل مون تطرق لشي مهم وهو إذا كان في تعديل حلو , يكون أحسن نسوي موضوع روحه (تقرير) مع الخطوات

على العموم بنفذ إلي تشوفونه زين ..
نبغي نسمع آراء:
الزميل بوحميد
العضو راك بوي (ما نعترف بإسمك بوجاتي

)
وكدلك
و باقي أعضاء المجسمات .. وأكيد مرتادي القسم

Bugatti · 14-08-2008, 12:44 AM

وعليكم السلام والرحمة

الصراحة التقسيم ماعليه أي كلام ... أختصرت منتدى مجسمات كامل بثلاث مواضيع

...

بس المشكلة المواضيع يبالها تفاعل من الاعضاء (مب بس 3 او 5 اعضاء) ...

1- موضوع صور مجسماتكم نخصصه بس للمجسمات واي حوار فالموضوع ينشطب و يخلون بس مشاركات الصور..

هذا الموضوع لازم يكون مرتبط ويا الموضوع الثاني ... بس المشكله إنا نحن ودرنا الموضوع الي فتحه أخونا بو حميد(مجسمات السيارات) ... ونقاشنا كله صار بموضوع واحد ...

وبخصوص موضوع التعديل ... فكره حلوه .. بس لو يكون في الموضوع النقاشي .. أحسن ... لأنه ما اضني حد يعدل موتر شارنه بمبلغ وقدره

.. إلا اذا مجرد إظافة أشياء بسيطة ..

والراي رايكم .. وأنا حاظر بالي اقدر عليه

نادوني باسم عبدالله (لا راك بوي ولا بوقاتي )

UAEmonster · 14-08-2008, 12:55 AM

هلا والله

تو مانور الموضوع بوجودكم......

خلاص الي تشوفونه اثنين اوكي اثنين

بس انا قلت 3 لان موضوع اخر الاخبار فيه وايد اشياء فيه(سوقنا وسوق برا والشركات والخ..)

خلاص عيل 2 اوفر!!هههههه

اوكي يا عبداللهويا مشرفنا العزيز فالكون......