تجربة BMW 335i

RAGE · 17-08-2008, 04:51 AM

السلام عليكم ورحمة الله وبركاته

هاذي تجربه بسيطه لل BMW 335i اللي استلمتها قبل اسبوع .. قولوا ماشالله ترى العين حق

آسف على التأخير بس كان عندي شوية ظروف

السيارة من نوع BMW الفئه الثالثه كوبيه ومحركها مكون من 6 اسطوانات مع توين توربو و 3000 سي سي

سعة خزان البترول 60 لتر تقريبا

حجم الاطارات الأماميه 255/35/R19 والخلفيه 255/30/R19 واهم من نوع run flat اذا بنجر تقدر تمشي فيه 250 كيلو

السياره مافيها تاير سبير

مواصفاتها فل اوبشن مع نافيجيشن وتلفزيون وبلوتوث وكل ها الاشيا المعروفه

الاضاءه زنون عالي و واطي

السياره واسعه وتتسع لأربع ركاب بكل راحه

أترككم مع الصور

الصوره الاخيره باين فيها زر التراكشن كونترول وأهو على مرحلتين اذا ضغطته مره يفصل نص التراكشن واذا مره ثانيه يفصل كامل وتقدر تلعب بالسياره على كيفك

عيوب السياره

التواير اللي عليها مأثره على الراحه وصايره قاسيه الى حد معين بس مب هذاك الزود

الحزام اذا ما لبسته يطلع لك صوت لمدة دقيقتين تقريبا وبعدها يسكت بس كل ما توقف السياره وتبطل الباب وتركبها مره ثانيه يطلع لك الصوت مره غيرها

الحزام يطلع لك اول ما تركب السياره وتصكر الباب بس اذا ما لبسته يرجع لورا ويصير صعب وانته تسوق انك تلبسه

ايجابيات السياره

ثبات عالي جدا في المنعطفات

تسارع قوي ومستمر

صوت عجيييييييييب

صرفية البترول وااااايد ممتازه .. قطعت مسافة 350 كيلو متر على سرعة 120 ومرات اوصل 140 وفوق بأقل من نص الخزان

المقود حساس وثاابت على السرعات العاليه وتحس كأنك تسوق لامبورجيني من ناحية التحكم

سعة الصندوق الخلفي ممتازه مع الاخذ بالاعتبار انها سياره رياضيه

ارتفاع السياره مناسب بحيث ما تتأثر من المطبات

سامحوني على القصور وهذا اللي اقدرت اسويه وأي استفسار انا حاضر

الرشيق · 17-08-2008, 04:56 AM

السلام عليكم ,,,, مشكور اخوي على التجربه وكبدايه تجربه موفقه ,,, بس ناقص التجربه التسارع ,,, وتراوينا الميزات اللي في كمبيوتر السياره ,,, يعطيك العافيه

محمد هزاع · 17-08-2008, 07:29 AM

تجربه مميزه من شخص مميز وسياره غنيه عن التعريف

مشكور وما قصرت

C A D I L L A C · 17-08-2008, 08:36 AM

تجربه جميله جدا و لو انها بسيطه

و السياره هاذي رائعه

لكن لمحبين القوه بي ام احس انها غلطت في شي

انها نزلت من الفئه الاولى 135 اي
و هي تتفوق على الفئه الثالثه في القوه و بسعر اقل

لكن انا اتم افضل الفئه الثالثه لانها احلى و اكبر

و الله يعطيك خير موترك و يكفيك شره

ما شاء الله
توفقت في اختيار اللون

الابيض متناسق ويا الاحمر

ما شاء الله

الزرعوني · 17-08-2008, 08:56 AM

السيارة جدآ جميلة و اتمنى امتلاكها بصراحة ..

و اللون الابيض جميل جميل جميل

بس فيه نقطة اختلف فيها وياك

مادري اذا هي غير عن الـ 325

لاني سقتها بالايام .. و بصراحة مساحه المقاعد الخلقية ضيقه جدا جدا جدا

بس اذا فتحت السقف .. يصير مقبول ..

AяМάŋỳ · 17-08-2008, 05:41 PM

ماشاء الله انا من معجبين هالنوع الاسبورت ولو فكرت فـ سياره سبورت اختياري الاول بيكون لهاي
الفئة من البي ام .. بس ماخبرتنا شو الالوان المتوفره من الداخل في جلد زعفراني ؟

وياليت تخبرنى بكم سعر السيارت .. وماشاء الله عليك توفقت فـ اختيارا الالوان جدا متناسقه

E_TYPE · 17-08-2008, 06:24 PM

مبروووك اخوي عليك الموتر .. والله يعطيك خيره ويكفيك شره ..

بصراحه انا واحد من المعجبين بسياره هاذي ..وافكر فيها في المستقبل .. بس سعرها في السعوديه حوالي 213 الف ريال ..

بس لو تقول لي كم سعرها في عمان... وتسلم

Mr.K H A L E D · 17-08-2008, 07:32 PM

ماشاء الله تبارك الله
الله يعطيك من خيرها يكفيك شرها
سياره غنيه عن التعريف
محركها جبار ومواصفاتها روعه ماشاء الله
اللون الابيض احلى شئ عليها والداخليه اروع
تسلم ايدينك اخوي
وياليت احد المشرفين يعدل الصور ويضع شعار المنتدى

that me · 17-08-2008, 09:56 PM

ما شاء الله تبارك الله .... وفقت باختيار اللون الابيض مع الاحمر لان السبورت يناسبها بالمره ...
واعتقد ان الموتر ما اخذ حقه بسبب سعره على قوته خصوصا بوجود سيارات سبور باقل سعر وقوه اعلى او مساويه ...

الله يعطيك خيرها ويكفيك شرها

RAGE · 18-08-2008, 02:39 AM

السلام عليكم ورحمة الله وبركاته

مشكورين اخواني على مروركم والحمدلله انه التجربه ولو انها بسيطه نالت اعجابكم

اخوي الزرعوني .. بالعكس السياره واسعه جدا من الخلف تكفي انه شخص متوسط يركب ورا واهو مرتاح جدا وهذا عن واقع تجربه

اخوي AяМάŋỳ .. أيوا متوفره بجلد زعفراني وتشكيلتها واسعه من الالوان الخارجيه والداخليه .. الأسعار تبدى من 200000 درهم وتوصل الين 380000 درهم لأعلى فئه اللي اهي M3 وموديلاتها تبدى من 320 الين 335 وبعدها M3