سيارتي كامري 2001 اربعة سرندل

انا استعمل بنزين اوكتين 91 الاخضر

هل هذا البنزين مناسب لسيارتي وهل لة اضرار

في المستقبل على السيارة


لقد نصحني بعض الاصدقاء ان استعمل بنزين اوكتين 95 الاحمر0

اخوتي الكرام اريد ارائكم ومشورتكم علما انني من السعودية

__________________


سبحان الله وبحمده

الاوكتين الاعلى افضل لاداء افضل ..

يكون له سيوله اكثر للمحرك

و يريح Fuel Pump

انا عن نفسي استخدم 98 اوكتين اكثر من سنتين

كامري 2004 4 سلندر

__________________

البنزين بالأوكتان الأعلى يحترق ابطأ من البنزين بأوكتان أقل

اذا المصنع حدد لك في الكتالوج اوكتان 91 واستخدمت اوكتان 95 معناتها ان محرك سيارتك مايقدر يحرق ال 95 بشكل كامل

يعني تدفع فلوس زيادة في سعر البنزين + البنزين عندك مايحترق بشكل كامل فيطلع الفايض مع العادم وتخسره

مع احترامي لأخوي الزرعوني لكن الأوكتان الأعلى مايريح مضخة البنزين ولا هو انظف من الأوكتان الأقل ولا بيكون أداء سيارتك أفضل بالأوكتان الأعلى

مادام سيارتك كامري فيفضل انك تستخدم بنزين 91... بتوفر في السعر وبتستفيد منه أكثر لأن محرك سيارتك يقدر يحرقه بالكامل

الأوكتان الأعلى تستفيد منه محركات الضغط العالي أكثر شي (محركات هوندا بنظام فيتك.. محركات بي أم بنظام فانوس... محركات فيراري.. الخ)

شكرا لكم احبتي على مروركم ومعلوماتكم المفيدة

__________________


سبحان الله وبحمده

شكرا لك اخوي محمد ع الايضاح .. و انا ما بناقش دام انك افهم مني بهالامور

بس عندي ملاحظة ..

من حطيت الاوكتان 98 .. حسيت بان المحرك صار اهدأ بكثير ! + ما قمت احس بنفضه المحرك مثل قبل + اداء السيارة صار افضل بقليل .. دايما ادعس ويا صاحبي عنده كورولا .. و لاحظت فرق بسيط في القومة !!!

بس ع الاقل اقتنعت بنفسي ان الـ 98 افضل لسيارتي

و انا مب خسران شي .. ترى الفرق بين فل الـ 98 و فل الـ 95 هو 6 دراهم فقط .. وانا اشوفه يستحق ادفع عليه 6 دراهم زيادة .. ماافي اي مشكلة

و عن مضخة البنزين .. هذي انا سمعتها من ميكانيكي .. ان الـ 98 انظف من الـ 95 .. يعني شوائبة اقل .. فبالتالي المضخة ما تنسد او انها تتجمع فيها ترسبات

__________________

صدقني الموضوع كله شي نفسي

مثل لما تسوي بوليش للسيارة تحسها تصير اهدأ وأريح لكن في الحقيقة هي نفس لما يكون عليها طن غبار ماتغير في هدوءها وراحتها شي

زيادة الأوكتان او قلته ماله علاقة في النظافة... اهم شي محرك السيارة مصمم لأي درجة من الأوكتان وبيشتغل بشكل طبيعي

نفس الي حصل مع الزرعوني حصل معاي

لما حطيت اوكتين 98 السياره صارت اخف واسرع وانعم في الحركه

__________________

((ربي لا تذرني فرداً وأنت خير الوارثين))

ع العموم .. الاختلاف في الرأي .. لا يفسد في الود قضية ..

اهم شي الراحة النفسية

__________________

انا كنت استخدم 95 على حسب كلام الوكالة..

لكن حسب الكتلوج مكتوب 91... طنشت كلام الوكالة وصرت استخدم 91 ومالاحظت اي فرق

في كل تفويلة اوفر 10 ريال تنفع للفطور

ومرتاح نفسيا

شكرا لكم احبتي على مروركم وتفاعلكم

__________________


سبحان الله وبحمده