انزين
الحين دوري احط اسألتي
اذا في احراج سوله طاف
__________________________________________________ _______
1 – ليش زايغ ؟
2- من شو متروع ؟
3- شحقه خايف ؟
4 – من اي شركه تشرب الماي ( العين – مسافي افيان ) ؟ و لماذا ؟
5- كم يمعت العيد الي طاف (سؤال مال استهبال ) ؟
6- تنش حق صلاه الفجر ولا لأ ؟
7- ناوي تختم في رمضان ولا لأ ؟
8- شو نوع كيمرتك ؟
9- شو مواصفاتها و بكم شارنها ؟
10 – من متى تيمع مجسمات ؟
11- و ليش تيمع مجسمات ؟
12- كم مره تغسل سيارتك فالأسبوع ؟
13- عقب القوانين اليديده تمشي شرات الناس ولا ما تخلي اشاره حمرا ما تطوفها ؟
14- ليش يوم اقولك سولي ادد عالمسنجر سويتلي طاف ؟
15- وين بيتكم فالعين ؟
16- كمن مره زاخينك فالمبزره شو تسوي بالخلق ؟
17- متى اخر مره رحت كارفور و شو اشتريت ؟
18- منو ربعك ايام الكيجي ( روضه و تمهيدي) ؟
19- كنت راعي مشاكل هاذيج الايام ولا اونك الطالب المجتهد ؟
20- تدوخ ولا لأ ؟
21- متى اخر مره شربت كرك ؟
22- شو ذكرك ب موضوع كرسي الاعتراف ؟
23- صمت اول يوم من رمضان ولا منخش فالمطبخ و ضرب هريس بدوم محد يشوف ؟
24- شو ناوي تتسحر؟
25- فصلت كنادير ولا بعدك ؟
26- بقترت يحطونك في ( ذا مومنت اوف تروث- مستحيل ما تعرفه ) بتروح ولا بتنقع فيهم خيانه ؟
27- شو نوع الشامبو مال شعر الي تستعمله ؟
28- شو نوع المعجون مال اسنان ؟
29- وين تتحلق ( اكيد في سويت كت ولا صالون توم اند جيري ) ؟
30- فيك هبه تجاوب عالمجموعه الثانيه الي بحطهم باجر ولا ( من الحين اقول اذا ما فيك هبه بخليهم 60 سؤال ) ؟
_______________________________________________
هالسؤال الزرعوني حاطلي اياه يوم كنت يالس ع الكرسي << لا بركتن فيه من كرسي يعور الظهر
العرض العادي
