>



صفحة 1 من 7 1234567 الأخيرةالأخيرة
النتائج 1 إلى 6 من 40
  1. #1
    تاريخ التسجيل
    Jun 2006
    الدولة
    شوف النكنيم :)
    المشاركات
    1,143

    Lightbulb شباب ممكن تساعدوني في إختيار وحدة من هالسيارات ( مهم بالنسبة لي ) !


    السلام عليكم ورحمة الله وبركاته


    كيف حالكم يا شباب .. أنا اليوم وقعت في حيرة من أمري في إتخاذ القرار المناسب لإختيار سيارة العمر .. ويقولون ما خاب من استشار .. السيارات المرشحة هي كالتالي :

    1- Bently GT
    2- CL 63
    3- Audi R8 10 cylinder
    4- M6
    5-Porsche GT2


    الحين اللي أباكم تساعدوني فيه أتمنى لو تكتبونها على شكل نقااط عشان يسهل علي الإختيار على الترتيب التالي :

    1- السعر
    2-الضمان
    3-الصيانة
    4-تحملها لأجواء الخليج والخطوط

    وبكون ممنون لكم لأني لازم أحسب حساب هالأشياء كلها قبل لا آخذها .. وأنا واحد أحب إن السيارة تتم معاي يعني مش مال بيع وشراء .. السيارة هذي بتم عندي بإذن الله مش أقل من 5 سنوات .. يعني أبا أختار شي يصلح لهالفترة وبدون خساير كبيرة أرد أندم عليها ..

    وطبعا في النهاية ممكن تقترحون علي سيارات ثانية ممكن غابت عن بالي وتناسب شروطي ..

    أنا عارف إني بتعبكم معاي لكن أنا مالي إلا أخواني اللي هم أنتو .. والله يبارك فيكم

    وسامحونا عالإطالة

  2. #2
    ThAnKeR غير متصل عضو نشيط
    تاريخ التسجيل
    Jun 2006
    المشاركات
    133

    افتراضي

    ودي لو افيدك بس ما عندي ذيك الخبرة .. الشباب ما بيقصروا ومبروك عليك مقدماً

  3. #3
    تاريخ التسجيل
    Jun 2006
    الدولة
    شوف النكنيم :)
    المشاركات
    1,143

    افتراضي

    ثانكر .. مشكور حبيبي وما بتقصر لو تقدر ..

    المشكلة بس إني ما أحب أسوي شي بدون استشارة ..

    وبالنسبة لموضوعك امسحلي ما رديت عليك .. بس أنصحك با إكس 6 لأنها شكل يديد وبس :)

  4. #4
    ولد_زعبيل غير متصل عضو نشيط جداً
    تاريخ التسجيل
    Sep 2008
    المشاركات
    257

    افتراضي

    السلام عليك
    و بدون اي تفكير بنتلي جي تي انا املك وحدة و هى سيارتي اليومية تقريبا , والله سيارة عملية بكل الطرق و عمرها ما خسرتني او كلفتني شي فوق طاقتي و تشكيها كل 15 او 20 الف حسب السواقة و كل تشيك يكلف 3000 درهم او 5000 حسب تبديل السفايف و الزيت و تعرف انه كل تشيكفي اهتمام كامل لسيارة و ما تحتاج انك توديها تتصل في خدمة السيرفر مال الحبتور و يون ايشلونها من البيت و يرجهونها لك بعد و كل تشيك ياخذ يوم او 2 بالكثير و الضمان و لا اورع كل شي عليهم اذا اخترب شي و انا من خذيتها للحين ولا مرة اختربت او طلع منها شي شين, و انا عندي وحدة الحين و ناوي اشتري الثانية , والله سيارة روعة و كل ما بتشوفها بتقول سويت الاختيار الصح, و حق الخطوط كدادة انا دوم اروح الفجيرة او راس الخيمة عند الاهل و اروح و ارجع بنفس اليوم و ممتازة, و كراسيها مريحة جدا جدا جدا , و السعر اذا العادية حدود 900و فوق و هى 552 حصان , اما عندك السبيد 600 خصان و هى مليون و 150 الف بس لازم طلبية , بس انا اقولك بدون تفكير بنتلي , مكيف روعة و سيتات بها مساج و دلع, انا سيارتي من 2004 للحين اكدها و اللون احمر و داخلية ميلنير و الحين ناوي على سبيد لون ازرق ان شاءالله , و بتوفيق اخوي و اتمني اني ساعدتك بس عيبها انك راح تكون مدمن عليها و ودك تطلع فيها طووووووووووول الوقت
    و ما انصحك بل باقين لان اي حد يسوى بودي كت اما النتلي تراها بنتلي

  5. #5
    ولد_زعبيل غير متصل عضو نشيط جداً
    تاريخ التسجيل
    Sep 2008
    المشاركات
    257

    افتراضي

    و السموحة كسيارة ثانية شوف الجي 55 حلوة و عندي وحدة احلى شي فيها يوم تدفع 600 الف تعرف انك دفعهم صح و ان الشكل ل5 سنوات ماراح يتغير نفس الشي في البنتلي , و كخيار ثاني شوف مزراتس كوارتوبورتو روعة الى هي 4 ابواب , تشيكها كل 20الف و يكلف حدود 6, بس ضمانها تعبان 60الف او 3 سنوات و الطاير تعبان في سوالف فيراري و مزراتي . عندك جي 55 و بنتلى جي تي كراحة و كشخة و استعمال و شكل ما راح يتغير

  6. #6
    الصورة الرمزية Porsche Stuttgart
    Porsche Stuttgart غير متصل عضو فائق النشاط
    تاريخ التسجيل
    Aug 2007
    المشاركات
    3,790

    افتراضي

    M6
    1- السعر 44 الف دينار كويتي (مايعادل 620 الف درهم تقريبا)
    2-الضمان .. مادري شقصدك بالضمان كل سياره لها ضمان :)
    3-الصيانة .. اول سنه كانت ممتازه معاي .. وكانت السياره الثانويه .. لكن بدت خرباتها باشياء صغيره .. درايش كمبيوتر .. وهالشغلات الصغار .. يعني كنت اروح بالاسبوع مرتين الوكاله لها وبعدين بعتها
    4-تحملها لأجواء الخليج والخطوط .. اتوقع مشاكل اللي ذكرتها فوق بسبب مناخنا


    Porsche GT2
    1- السعر .. ماعندي خبر عن سعرها بس اتوقع 53 الف كويتي ( 730 الف درهم)
    2-الضمان ... ×××
    3-الصيانة .. انا عندي توربو موديل 2007 .. صيانتها ممتازه ووكيلها بالكويت جيد جدا عيب وكيلنا انه صغير والحين بيسوي واحد عود لان زادت مبيعاته .. السياره الحمدلله مافيها اي خرابات وعمليه جدا جدا .. لكن شوي القعده فيها غير مريحه مع انها سيارتي الاولى بس الحين اخذت مازراتي جرانتوريزمو الجديدة فصارت الاولى :p وخصوصا انها بالكويت شوي نادره
    4-تحملها لأجواء الخليج والخطوط .. الحمدلله تعالى .. ماشيه مضبوط ولا مره اشتكيت منها ابدا ابدا :)

صفحة 1 من 7 1234567 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14