>



صفحة 1 من 4 1234 الأخيرةالأخيرة
النتائج 1 إلى 6 من 24
  1. #1
    sulaiman_sulaiman غير متصل عضو جديد
    تاريخ التسجيل
    Sep 2008
    المشاركات
    7

    افتراضي ساعدوني في ايجاد سيارتي,هوندا اكورد,رصاصي 5588 KSA,بالشرقيه


    السلام عليكم و رحمه الله و بركاته ..
    ياشباب انا طالبكم تساعودني بهذا الشهر الكريم ..
    اليوم الساعه 5:48 دقيقه
    بتاريخ 13-رمضان الموافق 13-9-2008
    ع وقت اذان الفطور المغرب بالشرقيه .. و المؤذن يقول الله اكبر
    كنت داخل انزل اغراض الفطور من السياره للبيت ,, و قفلت السياره و طاح المفتاح مني , دخلت الاغراض عشان ارجع اخذ المفتاح ,, مااخذت دقيقتين الا السياره راحت ...
    حسبي الله و نعم الوكيل بالي اخذها ..
    دقيت ع المرور و بلغت طوالي و في خلال ربع ساعه كنت عندهم عشان يتعمم البلاغ و يكون رسمي ,,
    الي طالبه منكم ,,
    ان اي احد يشوفها يدق علي او يرسل لي ايميل ,,
    والله ثم والله ان هالسياره ماجات الا وانا تعبان فيها .. لا هي بورث و لا هي شرهه جتني ..
    حسبي الله و نعم الوكيل بالي اخذها برمضان .. و المؤذن يقول الله اكبر ..

    السياره كان فيها جوال لي , لكنه قفل الجوال الي سرق السياره , وعطيت خبر للشرطه لكن يقولون مايفيدهم بشي , وكان فيها فلوس بحدود 8 الاف ريال كنت بوديها البنك .. حسبي الله و نعم الوكيل

    ياجماعه الخير .
    السياره نوعها


    هوندا اكورد 2008

    لونها رصاصي


    لوحتها

    5588
    أ س ك
    K S A



    وعليها من ورا ستكر فوكس fox اسود

    و عليها تظليل من الجهات الاربعه خفيف
    السياره انسرقت من قدام البيت بالبراكه – الخبر- المنطقه الشرقيه
    تكفون ياجامعه الخير ساعدوني ..و دلوني .. وربي يوفق و يجزيه كل خير الي يساعدني




    يا شباب .. مثل ما الكل وقف معاي و ماتركني و دعاني ..
    واجب علي الحين اني اشكركم جميع .. واشكر دعواتكم لي يالغالين ...
    الحمد و الشكر لله الكريم .. السياره الشرطه لقتها .. في ع شارع بقيق ..اليوم العصر .. واساسا ما عممو ع السياره الا امس بس ..
    حسبي الله ع الي اخذها راح و فحط فيها و صدم بسياره من كل جهه .. حتي سبير السياره استخدمه !!
    مصدومه من جهه السايق و من قدام و عند الرفرف ..حسبي الله عليهم ..
    والفلوس طبعا اخذوها واخذو كل شي بالسياره كان ..
    و الحين ان شاء الله اشوف التامين عشان تصليح السياره ..

    الف شكر لكم جميعا .. و حسبي الله و نعم الوكيل ..
    التعديل الأخير تم بواسطة sulaiman_sulaiman ; 17-09-2008 الساعة 01:19 AM

  2. #2
    الصورة الرمزية 911turboS
    911turboS غير متصل عضو فعّال
    تاريخ التسجيل
    Aug 2008
    الدولة
    الامارات
    المشاركات
    650

    افتراضي

    الله يعينك والله ... ويساعدك في محنتك ... ناس ما تستحي على ويها تسرق لا وبعد فرمضان ... الله ان شاء الله يرجع لك سيارتك ...

  3. #3
    SultooN - LinuX غير متصل عضو نشيط جداً
    تاريخ التسجيل
    May 2008
    المشاركات
    301

    افتراضي

    معروف الاكورد من اكثر السيارات الي يحبونها المفحطين مثلها مثل الكامري بشوفلك الشباب واذا لقوها بخليهم يتصلون عليك

  4. #4
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    لاحووول ولا قوة الا بالله .. شو هالحيوانات الكلاب الله يلعنهم دنيا واخره

    اخوي ترا دعوة المظلوم مستجابه

    ياريال رمضااان ووقت الفطور ويصرقون !!!

    لا بركتن فلي صرقه يعله الموت

    نفس الشي صار فيني رمضان الي طاف بس انا صرقو مني فلوس من السيارت ولا شفت ريحتهم

    الشرطه هالايام مالها فايده غير انهم يخالفونك ويشلون عنك فلوس بـــس !!

  5. #5
    الصورة الرمزية Porsche Stuttgart
    Porsche Stuttgart غير متصل عضو فائق النشاط
    تاريخ التسجيل
    Aug 2007
    المشاركات
    3,790

    افتراضي

    لا حول ولا قوة الا بالله
    في شهر رمضان؟؟؟
    هذا النقص بالوازع الديني!!

    لكن شسالفه!!!

    السعوديه كل سرقات سيارات؟!!!
    دوله غنيه والله منعم عليهم !! ماكو أمان؟؟

    لاحول ولا قوة الا بالله

    يارب يحي ظميره وترجع لك ان شاء الله

  6. #6
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    افتراضي

    خلى ثقتك بالله كبيره.. و دائما تذكر ان مال الحلال عمره ما يضيع

صفحة 1 من 4 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14