>



صفحة 1 من 7 1234567 الأخيرةالأخيرة
النتائج 1 إلى 6 من 38
  1. #1
    f350z غير متصل عضو نشيط
    تاريخ التسجيل
    Sep 2008
    الدولة
    uae
    المشاركات
    111

    افتراضي تجربة نيسان 350 زد 2008


    السلام عليكم ورحمة الله وبركاته

    هذي اول مشاركة لي في هذا المنتدى الطيب

    وحبيت اني اسوي تجربة لسيارتي NISSAN 350Z موديل 2008

    تفاصيل السياره

    طبعا مثل ما انتو شايفين وعارفين انه السياره كوبيه ولشخصين فقط

    اول دفعه نزلت للسياره في الخليج بهذا الشكل كان في سنه 2003

    سعرها لما اشتريتها كان 149000 درهم (يناير 2008) ومن شهر 7 ارتفع سعرها الى (165000 درهم )

    المكينة 6 سلندر على شكل V بسعه 3500 سي سي و 327 حصان مع عزم دوران 37.9 كجم متر.

    موديل سنة 2008 تغيرت مكينته بالكامل او تم التعديل عليها لانه عدد الاحصنه حاليا صار 327 هورس باور

    والموديلات السابقه مابين 285 الا 295

    الجير اتوماتيك من 5 سرعات و العادي 6 سرعات

    ونظام ال (VDC) اللي هو Vehicle dynamic control وهو نظام مانع الانزلاق

    ونظام البريك من شركة برومبو

    و8 وسائد هوائيه

    مقاس العجلات الاماميه 225/45R18 91W
    مقاس العجلات الخلفيه 245/45R18 96W

    التسارع الرسمي للسياره هو 5.9 ثانيه

    اما بالنسبه للمواصفات فهي تعتبر من الفئه المتوسطه وكل مواصفاتها ستاندرد يعني لا يمكن اضافه ولا ازاله شي ويتم الاختيار
    ما بين نوع الجير واللون الداخلي والخارجي فقط

    والفرق في الموصفات اللي هنيه واللي في الدول الثانيه

    مسجل MP3
    شاشه معلوماتيه عن انظمه السياره
    نافيجيشن
    بلوتوث
    المرايا اللي في الوسط اتوماتيك (تعتيم اتوماتيكي)

    انا قمت باضافه عده اشياء الى السياره وهي ( شاشه، دي في دي، نافيجيشن،كاميرا للرجوع الى الخلف،
    قاعده تلفون Nokia 6230i)

    والحين اخليكم مع الصور ويكون تحت كل صوره التعليق عليها



    صورة للسياره في مدينة العين



    صورة عند المينا، وباين في الصورة الاختلاف بين موديل 2007 و2006 والي هو تصميم غطاء المحرك



    في هالصورة يبين نظام غسيل الاضواء، والرنجات هذي تنزل مع السياره من موديل 2005،
    ويبين البريك سيستم اللي هو من شركة برومبو



    صورة لخلفيه السياره واللي برأيي مضيعة هيبه السياره شوي، وباين انه نوع الاضائه الخلفيه هو LED



    محرك السياره والشي المميز انه في مساحه كبيره بين البدي والمحرك وهذا عامل ايجابي لسلامه المحرك
    في حال حدوث حادث لا سمح الله



    الكاميرا الخلفيه ، والواضح انها مركبه بطريقه تخلي الكل يفكر انها وكاله



    وهذي خلفيه السياره اللي ترفعلي الضغط في بعض الاحيان، لاحظو الكاميرا



    هذا الايرال للتحويله



    كرسي السايق ويفرق عن الكرسي اللي جنبه انه فل اتوماتيك (تحريك الظهر والقاعده) اما الكرسي الثاني بس القاعده





    وهنيه يبين الزر اللي يتحكم بس في القاعده، وبعد نظام التدفئه للكرسيين



    وهذي المنطقه الي ورا الكراسي على طول وتبين فيها مساحات التخزين الكثيره لتعويض غياب مساحة التخزين الاماميه، سماعه بقطر 10 انش من نوع بوز



    وهذي مساحة التخزين اللي تيجي ورا الكرسي اللي بجانب السايق، وواضح كيف حجمها كبير، وبجانبها
    سوكت للشاحن



    باب السايق واللي يختلف في تصميمه بعض الشي عن الباب الثاني



    منطقه التحكم بالنوافذ وقفل الباب



    باب الراكب الامامي



    عجلة القياده،ونظام تثبيت السرعه والتحكم بالمسجل وواضح كيف تصميمها بسيط



    ازرار التحكم بمثبت السرعه



    ازرار التحكم بالمسجل



    العدادات



    ازرار التحكم في عرض درجه الحراره الخارجيه وكم وقت شغاله ونظام حساب التسارع



    ازرار التحكم في درجه الاضائه للعدادات



    عصا التحكم في المساحات الاماميه والخلفيه



    عصا التحكم في تشغيل واطفاء الانوار والضوء العالي



    دعسه البترول والبريك



    زر فتح غطاء خزان البترول، مكان فتح غطاء المحرك



    زر تشغيل واقفال نظام الانزلاق، زر تشغيل غسيل الاضواء الاماميه



    مسجل السياره وطبعا وظائفه عاديه مثل باقي السيارات



    عصا التحكم بالجير، وواضح ايضا نظام التحكم بالتكيف



    واضح من هالصوره تحويلة التلفون، والعدادات الثلاث اللي فوق اللي تعطي قراءه لضغط الزيت والكهربا واول واحد عاليسار يعطي درجه الحراره الخارجيه وعداد زمني للتسارع بالثواني، وواضح بعد الدرج اللي فوق المسجل اللي غيرته بواحد ثاني عشان الشاشه



    التلفون



    الشاشه وهي مطفيه



    الشاشه وهي شغاله بالنهار وهي من شركه شارب، ونظام جارمن للملاحه



    الشاشه في وضع الرجوع الى الخلف تعطي صوره للي موجود خلفك (في النهار)



    في الليل



    منظر عام للسياره من الداخل



    دبه السياره واللي تعتبر نوعا ما صغيره



    الاطار الاضافي في دبة السياره والعدة



    صورة للسياره بعد الغسيل

    فيديو التسارع

    عاد اسمحولي كنت اصور التسارع وانا ماسك التلفون وابدل جير وقابض الستيرينج والشارع زحمه يعني بالعري متلعوز

    بس انتبهو على الازعاج الي يستوي بعد ما اطوف ال 120 كم/ساعه وكأنه الدريشه مفتوحه

    http://www.youtube.com/swf/l.swf?swf...load_modules=1

    وصلنا للتقيم وبحاول قد ما اقدر اكون حيادي :

    الايجابيات:

    • - سياره قويه وشبابيه من الفئه الاولى وعزمها قوي
    • - عمليه وقطع غيارها متوفره وباسعار مناسبه نسبيا
    • - صرفية البترول فيها عاديه جدا جدا ( تعبي الخزان كامل من الصفر بـ 95 درهم اذا كان خصوصي وتكفي ل 4 ايام)
    • - منظرها شرس من الامام
    • - مريحه جدا في القياده حتى لمسافات طويله وكانها سياره صالون
    • - قدره تجاوبها عاليه ومتجانسه
    • - نظام سمعي ممتاز جدا
    • - ثباتها العالي جدا جدا
    • - نظام البريك فيها قوي جدا


    السلبيات:
    • - سقف السياره من الداخل مافي اي عنصر من عناصر السلامه
    • - عدم وجود درج تخزين امامي
    • - التصميم في الخلف غير متناسب مع التصميم في الامام
    • - الدبه صغيره
    • - اصدار ضجيج مزعج عند القياده على سرعات عاليه (من الهوا الخارجي)
    • - سعرها بالمقارنه لمواصفاتها تعتبر غاليه
    • - التكيف فيها متواضع بالمقارنه مع السيارات اليابانيه الثانيه



    اتمنى اكون عطيت صوره شامله عن السياره وعلى اساسها اي شخص يقرا التقرير يقدر يقرر هل ياخذها والا لا

    ومع التحيه
    التعديل الأخير تم بواسطة f350z ; 19-09-2008 الساعة 08:53 AM

  2. #2
    تاريخ التسجيل
    May 2007
    الدولة
    23
    المشاركات
    5,600

    افتراضي

    السلام عليكم


    ماشاء الله تبارك الرحمن


    الله يبارك لك فيها ويحفظها من كل شر وعين .


    اعجبني لون الداخليه ، وشغلك بالشاشه حلو بصراحه .


    السياره رياضيه وجميله ومحركها قوي لكن احس تحتاج لقوه اكثر .


    ومثل ماذكرت انت تفتقر عوامل السلامه مع انها سياره رياضيه المفروض يكون السفتي ممتاز فيها .


    اشوف سعرها حتى الآن جيد ولكن لو اقل شو كانت افضل .

    الجير احس يحتاج يكون الاتوماتيكي 6 غيارات لراحه المكينه ويقلل السرفيه والصوت

    بالاخير اقول الله يسلمك ويجزاك كل خير على التجربه ....


    بس باقي فيديو التسارع إذا ممكن تسويه لأن التجربه ناقصه بهالشكل




    تحياتي ....

  3. #3
    الرشيق غير متصل عضو نشيط جداً
    تاريخ التسجيل
    Jun 2006
    المشاركات
    318

    افتراضي

    يعطيك العافيه على مجهودك الرائع , وعجبني لون السياره الداخلي , واعتقد محرك السياره جيد لانه هالفئه تعتبر اقل من فئة الجي تي ار ,, فماعتقد انهم يوصلون قوة المحرك لقوة الجي تي ار ,, بس اللي ناقص الفيديو اخوي للتسارع

  4. #4
    الصورة الرمزية Porsche Stuttgart
    Porsche Stuttgart غير متصل عضو فائق النشاط
    تاريخ التسجيل
    Aug 2007
    المشاركات
    3,790

    افتراضي

    الله يعطيك خيرها ويكفيك شرها

    من وين محصل شعار المنتدى القديم :D طورناه ترى :p

    ماشاء الله الداخليه حلوه واللي محليها الشاشه والجلد الاصفر
    اشوف السياره من الخلف جيده ماعليها كلام


    يعطيك العافيه عالشرح والتجربه البسيطه

  5. #5
    الصورة الرمزية ®Mr_Friday
    ®Mr_Friday غير متصل مشرف سابق
    تاريخ التسجيل
    Jun 2006
    الدولة
    30
    المشاركات
    2,899

    افتراضي

    ماشاء الله مبدع والله من اول مشاركتك في المنتدى ... والله يباركلك فيها ويعطيك خيرها ويكفيك شرها ومثل ما قالو الشباب لو تحط لنا فيديو التسارع بس وسلامتك

  6. #6
    الصورة الرمزية اندوك انته
    اندوك انته غير متصل مشرف سابق
    تاريخ التسجيل
    Jun 2008
    الدولة
    بوظبي
    المشاركات
    2,853

    افتراضي

    ما شاء الله ...

    تبارك الرحمن...

    الموتر الصراحة ما عليه كلام...

    والله يعطيك خيرة وبكفيك من شره...

صفحة 1 من 7 1234567 الأخيرةالأخيرة

المواضيع المتشابهه

  1. مشاركات: 14
    آخر مشاركة: 25-09-2010, 09:04 PM
  2. هيونداي تستعد لافتراس نيسان
    بواسطة Soud alshaiba في المنتدى قسم السيارات العام
    مشاركات: 18
    آخر مشاركة: 06-09-2010, 10:07 AM
  3. الحكومه الاردنيه تفكر بجديه لشراء سيارات نيسان leaf الكهربائيه
    بواسطة Patrol 5.6 VVEL في المنتدى أخبار السيارات
    مشاركات: 6
    آخر مشاركة: 05-09-2010, 05:07 PM
  4. تجربة قيادة شفرولية سلفيرادو 2008 Chevrolet Silverado Test Drive
    بواسطة grandv8 في المنتدى تجارب السيارات
    مشاركات: 68
    آخر مشاركة: 19-03-2009, 06:03 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14