>



صفحة 1 من 3 123 الأخيرةالأخيرة
النتائج 1 إلى 6 من 15
  1. #1
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    Question حوادث الطرق - عصبية السائقين -


    السلام عليكم ورحمة الله وبركاته

    حاب اتكلم اليوم عن موضوع غريب هو بلادنا و الصراحه شي يستغرب منه الشخص .. الحوادث المميته و القوية على الشوارع الخارجية منها شارع الامارات و شارع الشيخ زايد و مطار الشارقة و الطريق الدائري بالشارقة .. اعرف الكل يقول الأسيوين وسواقتهم الغريبه و اللي ماتمت بصله للدراية بأحوال الطرق ..

    انا عن نفسي ما احب ادخل و امشي على الخط الأصفر لكن اشوف معظم الناس المواطنين و الأجانب على الخط الأصفر ولا هامنهم شي و الله قبل شهر كنت على دبي العابر و كان في حادث قوي لباص عمال و فيه مصابين والدورية ماقادرة توصل ولا الإسعاف فهل هذا حق !!!

    عدم الإنتباه والنحاسه اللي في الطريق يوم الشارع تكون السرعه فيه 120 و واحد يمشي اقل عن السرعه هذي و إنته تبغي تروح مايخليك و تتخذ المسار الأيمن و يدعس عسب مايعطيك المسار الأيسر هل هذا حق !!!

    كمية الباصات الصغيرة Nissan و toyota اللي نسميهم مال "خبر" اللي سرعتهم تكون جنونيه و فيهم ساعات طلاب ولا عمال شركات صغيره هل ارواحهم هذي بيد هذا السائق المستهتر رخيصه !!!

    الأخطاء اللي تصير امامنا و اللي ترفع الضغط هل هي من كيف السائق او عدم درايته باللي يسويه او اللي يحدث امامه ؟؟

    انا اعرف الكل بيقول الزحمه و التعب و ضغط الطريق بس هذا مايخليك ترخص روحك و ارواح غيرك بسبب زحمة الطريق.

    التعايش مع الزحمة مطلوب في هذه الفتره و هذي الفتره طويله ولازم الكل يتعايش معاها مثل ماتعايش الإنسان من العصور القديمة على تعب الحياه إلى الآن وهو في راحه وكل شي متوفر له .

    انا عن نفسي اتعب في الزحمة دوامي الساعه 9 الصبح و اطلع الساعه 7 و استغرق في الطريق حوالي 1.45 هذا إذا ماكان في حادث غبي في الطريق .. ليش اقول غبي لأن اللي سوا الحادث مافيه صبر و على باله شوماخر بيسيطر على السيارة في حالة حدوث حادث .. معظم السيارات اللي تسوي الحوادث و اللي اشوفه سببها غباء السائق في السواقه و لا على خط طويل و مسار متقيم شو اللي يخليك تدعم واحد من الخلف

    ليش يوم يكون شرطي في الشارع الكل يمشي مستقيم و تحصل الزحمة اخف و يمشي الشارع بصورة سلسه و يوم مو موجود الكل يخالف ليش ما نكون شرطة على انفسنا !!!

    بلادنا فيها الكثير من الجنسيات و اللي هم اكثر منا نحن ومعظمهم من الدول الأسيوية هل هناك نقص من التوعيه التلفزيونيه ولا المكتوبه < الجرائد و المجلات > ولا السمعيه ؟

    في هذا الموضوع ابغي كل واحد يرد عليه يقول اللي يقدر عليه من إقتراحات و سبل لنبدأ بها نحن و عقب نقدر نرسلها للجهه المعنيه و يمكن نقدر نوصل لشيئ ...

    السلام عليكم ..

  2. #2
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    تعليق بسيط

    يوم عندك 10 كومار في الشارع و الله يعلم كيف ماخذ الليسن .. كيف تبا الشوارع تمشي بطريقة صحيحة ؟

    الشارع سرعته 120 و يمشيلك 80 السيد اليسار و لو الموت ما ياخذ يمين

  3. #3
    صقر الشارجه غير متصل عضو فعّال جداً
    تاريخ التسجيل
    Sep 2007
    الدولة
    UAE-SHJ
    المشاركات
    1,351

    افتراضي

    مشكلتهم مشكله ياخي وصعب انك تجي الحين وتفهمهم كيف السواقة هيل الناس ياخي يشتغلون عالريموت ما يفهمون .. حياتهم جذه .. الواحد يكون اول الشارع وماشي 40 في شارع مسموح 80 اصلا ويوم تديمله يعطيك اشارة انه بروح يسار .. والفتحة وين اخر الشارع الثاني .. المشكلة كانت من التراخيص في المرور لازم يكثرون الاسئلة والطرق والامتحانات والشاطر والفاهم ينجح

  4. #4
    الصورة الرمزية ERT
    ERT غير متصل Banned
    تاريخ التسجيل
    Jun 2006
    الدولة
    الشارقة
    المشاركات
    2,441

    افتراضي

    الناس وبشكل خاص الشباب ماعندهم اخلاق وابجاديات السواقه بكل صراحه اللي يلف واللي يديم عليك بلا معنى
    وتهليك بعد لوول , يعني ما ترتاح بالسواقه , يوم رحت الى اوروبا وخاصه المانيا في Highway كنت اتنقل من بلاد الى بلاد بالباص اووه احلى سواقه ابصراحه يحترمون الاشاره ! وكل يسوق على راحته وعلى القانون وترتاح نفسيا

  5. #5
    SultooN - LinuX غير متصل عضو نشيط جداً
    تاريخ التسجيل
    May 2008
    المشاركات
    301

    افتراضي

    10 كومار يالزرعوني وااهههههههههههههههههههههه هههههههههههههه

    الله يعينكم ياهل دبي على الزحم
    ه

  6. #6
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    موضوع واايد حلو اخوي وانا بعطي وجهت نظري


    طبعا اول شي هالبتانيه الصراحه المفروض يشلون عنهم الليسن لانه سواقتهم متهوره يعني تقريبا اكثريتهم

    يعني ..

    وثاني شي في شباب طائش يكون الشارع حده 80 يمشيلك فيه 130 كيف ماتبا تستوي الحوادث ..


    والله شوف اخوي الحل الاول والاخير بأيد هيئة الطرق والمواصلات .. يشددون شوي ويمنعون الواسطات وكل واحد بيسطلب ومابيخالف
    بس لو بتمون توعون الناس ترا محد بيسمع لانه اصلن الواحد من يسوق يكون واعي مستحيل يكون واحد
    متهور ويستوي واعي فـ يوم وليله .. والله اعرف واحد منجلب 3 مرات ومكنسل ثلاث مواتر

    اخر موتر كان عنده نيسان زد 350 انجلب 4 مرات والموتر تكنسل وهو الحين مطلع له موستنغ ويسرع اكثر عن قبل ..

    يعني المفروض يشددون شوي والكل بيلتزم انشاء الله والله يكفينا شر الحوادث ..



    وتسلم عـ الموضوع

صفحة 1 من 3 123 الأخيرةالأخيرة

المواضيع المتشابهه

  1. عرض 30 مخالفة رصدتها كاميرات الطرق في أبوظبي اليوم
    بواسطة روح زايد في المنتدى قسم السيارات العام
    مشاركات: 0
    آخر مشاركة: 26-09-2010, 07:55 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14