منقول : الاماراتيين يريدون لبس هذا القميص‏ !!!!

Porsche Stuttgart · 28-09-2008, 11:16 PM

نواب مجلس الامة دولة الكويت وحكومتها تنتبه الى هذا القميص

وتعتبر منه الى التركيبه السكانيه و نسبه الوافدين

الله يسلم راعي هالفكره واللي جابها واللي خيط هالقميص...

الاماراتيين يريدون لبس هذا القميص

يبدو ان الاماراتيين ملوا من الوافدين على بلدهم

لذلك دعى احد المواقع بالانترنت

الاماراتيين للبس هذا القميص

ومكتوب عليه

الامارات امتلئت اذهبوا الى بلدكم

يقول صاحب الدعوة

ان كل شئ يمتلى حتى يطفح

وان الامارات طفحت من الوافدين

لا نعلم لمن موجهه هذه الرساله

هل للكل ام لغير العرب

الا يعلموا بان حكومة دبى تخطط

ليكون عدد سكانها 10 مليون نسمه

يتزاحمون فى ابراج على مساحه صغيره جدا

وستكون مثل ابراج منهاتن بنيويورك

منقول
الصراحه الله يعينكم .. انا تقريبا كل سنه من 3 مرات الى 7 مرات بدبي لزيارة اهلي وجدتي .. وكل سنه عن سنه اشوف المواطنين يقلون والوافدين الاسيوين وخصوصا الهنود يزيدون ومسببين الفوضى بازدحامات وبعض الفلبن يلبسون لبس غير محتشم .. وبعض الاوروبين

Mr.K H A L E D · 29-09-2008, 12:41 AM

الله يكون بالعون
وحركة القميص حلوهـ لـحد ما.

وتسلمـ

كيف · 29-09-2008, 02:04 AM

ماتلاحظون فيها عنصريه شوي ؟
المفروض التدخل من الحكومه مب طرد الوافدين والتصرف معاهم بعنصريه

DiverUAE · 29-09-2008, 02:13 AM

خلوها على الله يا شباب...

كل اللي بقوله.. الله يستر من الياي

ERT · 29-09-2008, 02:24 AM

الاحظ فيه عنصريه

الغلط نحنا , غلاء المهور والبنات والشباب يتواعدون فما يفكرون شي اسمه زواج , اقدر احل المشكله هاذي
باخذ 4 حريم وخلاص حليت المشكله

يعني كل سنه 4 اولاد او بنات وهكذا ! بس صدعه راس

AяМάŋỳ · 29-09-2008, 03:20 AM

اشوفها عنصريه الصراحه !!

يعني الغلط من الحكومة المفروض انها ماتفتح ابوابها لكل من هب ودب

وبعدين مشكلة الزحمه تراها بعد غلط من الحكومه يعني بلاد مع هالتطور المفروض اتفكر فـ المستقبل
وكيف راح تكون الزحمه .. طبعا ميترو دبي لازم يسوونه فـ الشارجه وبوظبي مب فـ مكان واحد لانه طبعا
الزحمه فـ كل مكان والناس تكثر ..

وصح في ناس تقولك المواطنين بينقرضون الصراحه مب فاهمين شي .. الوافدين يزيدون وبذلك

يغطي على عدد المواطنين بس مب المواطنين يقلون .. بس حبيت اوضح هالنقطه

وتسلم اخوي عـ الخبر والله شي محزن نشوف هالعنصريه تنتقل لبلادنا

زورو الامارات · 29-09-2008, 03:44 AM

عيزنا واحنا نقول هالكلام المفروض والمفروض ولكن كما قال الشاعر:

لاحياة لمن تنادي

اندوك انته · 29-09-2008, 04:02 AM

والله لو يعطوني اياه لالبسه اول واحد واحوط فيه كل مكان ...

كيف · 29-09-2008, 06:15 AM

تخيل لو انت في بريطانيا وشفت انجليزي لابس هالقميص اكيد بتزعل وبتضايق وبتقول شهالعنصريه ؟ صحيح احنا بالخليج عندنا مشكله بس مب الحل بطرد الموجودين لازم ايجاد حلول عمليه

د.فارس · 29-09-2008, 06:29 AM

والله هذي مشكلة كبيرة واضحه بدول الخليج كلها وبالذات في مدينة دبي ... لكن لبس التي شيرت ممكن يكون عنصري شوي ...