>



صفحة 1 من 4 1234 الأخيرةالأخيرة
النتائج 1 إلى 6 من 24
  1. #1
    الصورة الرمزية الخيماوي 87
    الخيماوي 87 غير متصل عضو جديد
    تاريخ التسجيل
    Oct 2008
    المشاركات
    32

    Unhappy محتاج فزعتكم ....


    السلام عليكم ورحمة الله يا اخواني الاعضاء

    معاكم اخوكم الخيماوي من الامارات

    (( امااراااتي وافتخر ))



    المهم يا اخوان

    انا عضو يديد عندكم اليوم توني مسجل

    بس والله للضروووره نزلت ها الموضوع

    وراجي فزعتكم

    خصوصا عيال راااك

    انا طالب عمري 20 سنة وان شاء الله موعود بشغل عن جريب في راس الخيمة

    المهم

    نحن بالبيت عندنا 3 سيارات .... وحده للبيت وهي كورولا ... والثانية للبيت بعد بس خلاص بتتكنسل لانها جديمة والثالثة سيفيك مال اخوي ...

    نحن في البيت ناويين نبيع الكورولا والموتر اللي بيتكنسل وما بتم معانا غير السيفيك

    ..........................


    فقررنا التالي

    نشتري سيارة عائلية (( كبيرة نسبيا )) ومن الوكالة .

    وسيارة ثانية حقي + حق البيت للطلعات الصغيرة (( بس يكون مستعمل ))

    فيا اخواني

    ابي نصايحكم بالمواتر لان ماعندي الخبرة الكافية لها الشي

    (( ابي موتر عائلي يتسع مثلا لــ 6 ركاب مع السائق ويكون من الوكالة وبعد يحمل اغراض للرحلات ))

    بس ميزانيتنا اللي محطينها للموتر (( من 80 الف - 130 الف تقريبا ))

    فبشو تنصحونا ؟؟

    يعني من الخيارات :: بليزر - موهافي - فورتشنر ... واذا عندكم مواتر ثانية حطوها بس مع اسعارها لو تكرمتم


    وطبعا الموتر زين لو يكون البدي ماله قوي وقطع الغيار متوفرة ..




    الحين نرد لموتري ان شاء الله

    انا من الناس اللي مااحب الصواليين << صح الجمع ؟؟

    يعني احب الفورويل بس موب عوود يعني شرا الفيتارا والبرادو الباب واحد والباتفاندر الجديم والتيريوس سي ار في

    بس انا راح اشتري موتر مستعمل

    وبحدود الــ 30 الف - 50 الف تقرييبا

    فبشوو تنصحووني

    شو احسن موتر بالنسبة لي .. للعلم ترا بيتنا صوب اليبال يعني لازم امشي مسافة

    35 متر تقريبا بالحصى والقرقرة عشان اوصل البيت

    للعلم انا ابي اخذ موتر موديل 2004 وفوووق ...

    والله لفييت المعارض اللي براك بس محد نصحني فيها

    شو رايكم احسن معرض ووين (( العوير الشارجة راك وين بالضبط))

    يعني اباكم تجاوبون على اسالتي



    ادري مثقل عليكم بس والله لاني من شفت ها المنتدى قلت يمكن اشوف الحل هني

    اتريا فزعتكم

  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    حياك الله اخي الكريم

    مرحبابك ويانا في المنتدى.

    منور اخوي

    وان شاء الله تتوفقون بالبيعه اخوي.

    بخصوص السعر 80 الى 130 الف تقدر تحصل لك تاهو او يوكن مستعمل بالسعر هذا.

    تقدر تشيل اكثر من 8 اشخاص للرحلات والبر والمشي بعد.

    اما موتر لك تقدر تشتري باجيرو او سوزكي او جيب رانغلر.

    بالتوفيق ان شاء الله

  3. #3
    الصورة الرمزية اندوك انته
    اندوك انته غير متصل مشرف سابق
    تاريخ التسجيل
    Jun 2008
    الدولة
    بوظبي
    المشاركات
    2,853

    افتراضي

    والله يا اخوي السيارة العائلية بوجهه نظري هي شفروليه تاهو...

    اما السيارة اللي انت بتاخذها احسن شي لك فيتارا او راف 4 ...

    هذا والله اعلم...

  4. #4
    الصورة الرمزية الخيماوي 87
    الخيماوي 87 غير متصل عضو جديد
    تاريخ التسجيل
    Oct 2008
    المشاركات
    32

    افتراضي

    هلا اخوي

    ومشكوور على المساعده

    بس ظنتي زدت الطين بله

    خخخخخخخخخخ

    انا مابا للعائلة موتر مستعمل لا ابيه وكاله

    ولي انا موتر زين بس شو هو مادري محتاار وايد

    وبخصوص المعارض ارجوا ان حد يفيدني

  5. #5
    الصورة الرمزية الخيماوي 87
    الخيماوي 87 غير متصل عضو جديد
    تاريخ التسجيل
    Oct 2008
    المشاركات
    32

    افتراضي

    اخواني التاهو وايد عووده (( مالنا لزمه فيها ))

    يعني السيارة العائلية (( تسع 6 اشخاص وفيهم السائق ))

    انا سالت عن التاهو برمضان قالولي بــ 180 الف مع العرووض..

    انا ابي موتر وكالة للعائلة ...

    وحقي انا ابي اعرف شو الموتر الزين من خلال قطع الغيار والصرفية والشكل

    وشو المعارض او الامارة اللي تنصحوني اشتري منها

    وهل انا اقدر اخذ من البريمي عمان موتر مستعمل واملكه هني ؟؟

  6. #6
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    جوف

    تبا نصحيتي

    حق البيت خذو فورد اكسبلورر من الوكاله اتوقع مثل السعر الي حاطينه فميزانيتكم الفل

    و خذلك نيسان باثفاندر 2004 موتر قوي فالبر وايد حلو و سعره معقول
    و يكفي انه ياباني مب اليديد امريكي

صفحة 1 من 4 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14