توقعاتي هي:
1- الصور إذا كانت لنيسان باترول فهي سوف تكون الفئة الفخمة و التي سوف تمتلك علامة أنفينيتي حسب توقعاتي.
2- حديث مدير نيسان في أستراليا بأن النيسان لم يجهز بعد.
3- من المتوقع من نيسان إتخاذ إحدى خطوتين و هي إما ترك نظم الدفع كما هي (الديفريشن و نظام الدفع الرباعي اليدوي) أو تحديثها بالأنظمة الحديثة.. و لكن الخطوة الأولى هي المرجحة لأن نيسان باترول مصممة لتكون سيارة دفع رباعي بحت مع بعض الفخامة.. و بالتالي إتخاذ الخطوة الثانية سوف يسبب ضرر لمبيعات السيارة في الخارج لأن أكثر مشتري هذه السيارة في أستراليا و أوروبا و الخليج هم من الزبائن الأوفياء لصورة باترول كملك للطرقات الغير المعبدة.
4- تعقيباً للنقطة رقم 3 أتوقع أن السيارة التي في الصورة تستخدم نظام دفع حديث ( أكسلات و شيالات) و ليس النظام القديم ( الديفريشن) و بالتالي لا أرجح بأنها نيسان باترول.
5- كل الكلام اللي سمعناه و تم تأكيده عدة مرات بأن السيارة سوق تستخدم نظام الدفع الرباعي التقليدي.
الله يعلم نيسان شو ناوية بس أنا اتوقع و العلم عند الله أنهم في صدد طرح فئتين جداد هم باترول و سيارة مشابهة في الحجم تحمل علامة أنفينيتي.. و الله العالم.

احدى الاشياء اللى لاحظتها للسيارة أن ارتفاع الجسم عن الارض اقل بكثير من الباترول الحالي ...وتغيير مكان التاير الاسبير .يعني ان نيسان بالفعل تتجه لجعل باترول سيارة فخمة للشارع اكثر من كونها للطرقات الوعرة لان بعد الغاء الارمادا يبقي نيسان باترول وحده وهو مرشح ليدخل السوق الامريكي للمرة الاولى بعد اجراء التعديلات عليها ليتوافق مع الانظمة المرورية بامريكا ..وحسب الصور اشوفها متوافقة الان لدخول السوق الامريكي ...وبما انها ستدخل السوف الامريكي بالتالي سيقل الاهتمام بمنطقة الخليج لان المبيعات بمقارنة مع امريكا قليلة جدا ...

انا متأكد بأنها باتورل الجديد وبأن نظام الدفع قد تغير مثل اللند كوزر الجديد ..لان نيسان شكلها خذت من الكروزر الجديد كثير من الاشياء وحتى في صورة الداخلية بتلاحظون وجود لاندكروزر ابيض واقف بعيد ..

__________________
اللهم اجعل ابني في حفظك وكنفك
وامانتك وجوارك وعياذك وحزبك وحرزك ولطفك وسترك من
كل شيطان وإنس وجان وحاسد من كل شئ انت اخذ بناصيته
اللهم عافه في بدنه وبصره وسمعه ونفسه وحواسه وجوارحه وارزقه حبك
وحب نبيك محمدا صلى الله عليه وسلم وحب كل من يحبك وحب كل عمل يقربه الى حبك
اللهم اجعل القران العظيم ربيع قلبه
وشفاء لصدره ونورا لبصره
انك على كل شئ قدير
تجربة دودج تشالنجر SRT8 العضلات الامريكية الاصيلة

قوه
والله يعطيك الف عافية يا اخوي
انا اشوف نفس ما قال انه تحليلة منطقي
اخوي رقم على السيارة على شان يجربها بن سليم احتمال لكن وجد اكثر من سيارة في نفس المكان
امر مشكوك فية
والسعر يمكن تقديرات بس انا حاس انه في شي غلط
وشكرا

انا اقول والله اعلم ان هناك نوعين

والي تم تصويره من الداخل هو الفل اوبشن

الشكل لاباس فيه

والسياره نيسان باترول اليديده مش اي نيسان ثاني

وصورة توضحلكم



وانسوا عصر التخلف شوي

الستيشن اليديد مشى صح

وفي وايد ناس اشتروه بسبب مواصفاته

مب عشام يتف فيه من دوار لدوار ويحرق المكينه

والا يشتري النيسان عشان يركب تواير 900 وينزل

السياره فيها فخامه باينه من التصميم

وانا متأكد ومليون فالميه انها اكبر من الحاليه وتصميمها بيكون احلى بمراحل عالطبيعه (وانا اشوفه الحين احلى بستين الف مره)

عالاقل قولوا الحمدلله ان النيسان بترول صار فيه شوي تطور !!

تبونه يتم متخلف بشاشة كنوود!!؟

__________________

^^^^^^^^^^^^^^^^^

يوم يتم متخلف ع قولتك بشاشه كنود

احسن

علقل الحالي ينفع حق البرور و المقناص

هذا ما اظن فيه هبه يدش رمله الفريج

و بعدين سمعنا انه بتكون فيه لمحه من الكيو اكس و الرنج ( اظن بومحمد ولا uae speed الي حط الخبر من فتره )

هذا بعد التدقيق من جدام

جنه باثفايندر و شوي مسحوب يمين و يسار

__________________


سيارات مميزه ( البومي )

( ماعرف ليش احس انه باثفايندر )

__________________


سيارات مميزه ( البومي )

انته واحد من الي يبون السياره متخلفه

ليش

الستيشن اليديد مايدش البر يعني والا شو؟

السياره لو شلوا منها التاير السبير الوراني وحطوه تحت ونزلوها شوي بتسوي ماتدش البر !!

مايخصها

هو صح بيأثر لكن مب معناها خلاص مع السلامه

ليش استوت كروس اوفر هيه !!

__________________

100% الصوره حقيقه وكلها كم من يوم وبتطلع الصور الرسميه

بتنتشر السياره بتنتشر يعني مبيعاتها بترتفع و الناس تدور اليديد

__________________


مالك اف جي سابقاً و حالياً LX570