>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    الصورة الرمزية K H A L E D
    K H A L E D غير متصل مشرف عام
    تاريخ التسجيل
    Nov 2006
    الدولة
    KSA-buraydah
    المشاركات
    6,508

    Talking طائــــره للبيع [عــــشرة ركاب] فــلَ كــآملً<<


    السلام عليكم ورحمة الله وبركاته


    يسعد صباحكمـ/مساءكمـ بكل خير

    بصراحه شفت اعلان غريب بموقع مستعمل

    وقلت انقل لكم الإعلان هنا + تعليقات الشعب المهبل عليه

    والله تموتون من الضحك على التعليقات

    تفضلوا هذا نص الإعلان:




    طـائـــرة خـــاصة عشر ركاب

    [Link nur für registrierte Benutzer sichtbar]

    1978 GULFSTREAMGIISP S/N 1159
    12212.7 TT 8943 CYCLES
    LE – 11872.3 TT / 8683 CYCLES
    RE – 11922.5 TT / 8720 CYCLES
    DUAL COLLINS W/ 8.33 SPACING
    BENDIX KING CA567A (TCAS)
    AVIATION PARTNERS BLENDED WINGLETS
    12 PAX INTERIOR, AFT GALLEY, AFTLAV
    AIRSHOW
    EGPWS
    DUAL GLOBAL WULFSBERG SYSTEMS GNS-



    صور من داخل الطائرة



    الحد النهائي لسعر البيع ثلاثة ملايين ريال سعودي




    الحين نجي يم تعليقات الشعب السعودي على هذا الإعلان:


    رد رقم (1)
    السلام عليكم ورحمة الله وبركاته
    اخوي انا اسوم 2.5 مليون شرط النظافه والفحص بعد المعاينه



    رد رقم (2)

    اخوي هل الطياره سليمه من السمكره والرشات ومواصفاتها لاهنت ,فتحه ,تخشيبه ,زينون



    رد رقم (3)

    حلوة .. سعد

    بس مبين من الصورة ان الجناج الايسر فيه رش !!


    موفق اخوي .. والله يرزقكم البيعة اللي تسركم




    رد رقم (5)

    السوم بالمضيفات ولا بدون والكابتن وشهو من لحيه ؟
    ارجو الرد باسرع وقت لاني بالحراج ولاقي طياره دفرنشين قير ارضي بس الفحص منتهي والكارتير منعفط طاخته سحابه على حلبان,

    الله يهديك بعمري ماشفت طياره شلون عاد اشري طياره اول ماشفته احسبها نبيطه مزبرقه مع احترامي للجميع وشكرآ...



    رد رقم (6)

    يا جماعة الخير

    الطيارة موديل 78 يعني مكينه زرقاء اصليه



    رد رقم (7)

    اما لو تركب له ياي استرالي على بالون 900 ماكسس واصطبات خلفية حقات باترول 2008 وتدور به بين استراحات السلي كان تجيب له الــ 28.000 ريال مرتاحة .

    الحين عسانا نبيع ونشتري بالسارات تجيب لنا طيارة يا شادي .

    بيعة موفقة ان شاء الله ..........



    رد رقم (8)

    ههههههههههههههههههههههههه ههههههههههههههه هههههههههه ههههههههههههههههههههههههه ههههههههههههههه هههههههههه ههههههههههه

    وربي غلطان الي يعرض هنا طياره يا المصرقعين



    رد رقم (9)

    عندي اكورد 2004 لون ابيض اذا تبادل بس ما يطلع الفرق واجد



    رد رقم (12)

    اقول ..

    تبادل بهليكوبتر 4 سلندر قير عادي قزاز هندل بس الطارة هواء ..

    اللون الخارجي ابيض و الداخلي عنابي ..

    نظيفة باسمي و كاله بس فيها ضربة خفيفه ماسمكرتها على باب الراكب ..

    فحص و استمارة و لوحات جديده مع التأمين .. مع دفع الفرق لك ..



    رد رقم(13)

    الله يهديكم وش فيكم شبيتو على الرجال

    بس فيه أستفسار لاتكون الطيارة أم هندل أذا كانت بدون هندل أرسلي صورة البواجي والاستبنة ههههههههههههههههههههههه



    رد رقم (14)

    حججا حلوووووووه

    عندي جيب ديزل اوسع من طيارك يا خذ 15 واحد

    راس براس ياحلو

    وش قلت وازيدك شوي



    رد رقم (15)

    في امكانيه بالاقساط
    ههههههههه
    اولها 1000 واخرها 1000




    هل هي مفحوصة ومجددة ومومنة ؟؟؟؟
    واللوحات اربعة ولا ثلاثة ارقام؟؟؟




    عندي f15 فتحة _ زينون عالي _ مرايات bmw _ جناح 16 مع كفرات دنالوب
    مرشوش الرفرف الأيسر (حاك بغراب ) _ تبريد مراتب _dvd _ مشيك علية بالصناعية القديمة كمبيوتر ( يبيلة مساعدات بس )
    الرجو الرد على الخاص إذا رغبت بالبدل




    تبدل بددسن 85 غمارتين نظيييييييف وردة ومركب عليه قير ZX

    بدفع لك زود 2000 ريال ( حيل الله اقوى ) البزران ابلوشنا يبغون الكشخة

    فكر ورد لي خبر




    ليت ابوي خلاني
    اكمل دراسه
    وادخل طياران
    واتعلم سواقتها
    واجمع فلوس
    واجي يمك
    واقول تعال
    انت صاحب الطياره
    تقولي نعم
    اقولك مشاء الله
    تقولي شكرا
    اقولك باي
    تقولي باي باي


    رد رقم (20) بقلم:

    احلى شي في الموضوع انه مصدق نفسه وحاط رقم جواله للي يبي يستفسر
    استفسرو ياشباب
    صدقني اخوي شادي انا لو معي فلوس كان فكرت اشتريها منك
    انا والله جاس ادور سياره لبوي فورد معي 30000الف
    ابوي يستاهل طياره كان تبيعيني ب 30000 بشتريها يستاهل الشايب طياره والباقي اقساط الى مشا الله كل شهر بعطيك 1000 ريال وانا جاد
    هذا رقمي
    997
    [



    وهذي ردودهم بالصفحة الثانية :




    وين تبغون الرجال يعلن عنها الموقع هذا انسب شيء بحكم التشابه بينها وبين السيارة اله يرزقكم يا اصحاب الطيارة




    السلام عليكم

    والله ما توقعت الاقي طيارة على العموم هذا يدل على قوة موقع مستعمل حتى الطيارات تلاقيها فيه




    الله يوفقك ياصاحب الطياره

    الموقع قوي والي موجدين واصحاب الموقع يستاهلون بس فيه ناس

    يستهبلون ويرفعون الضغط بحكم سنهم وخبرتهم بالحياه

    اعلان طياره حلو بس فيه مكان انسب هوالجريده اوقناه فضائيه

    تحياتى


    رد رقم (24) بقلم:

    الله يوفقك وتلقى المشتري

    بس الصراحه بيني وبينك انا ادرس هندسة طيران حربي تمام

    والمواصفات اللي انتا داكرها عن المحركات غير عن اللي في الصوره

    ومره ثانيه اقولك موفق في البيعه



    fficeffice" />>>
    ماعجني الا الصحون في وحده من الصور ههههههه




    تبادل بجي اكس ار وتدفع الفرق اقصد ادفع الفرق
    والا راس براس ومابين الخيرين حساب

    رد رقم (27

    أخوي أستفسار مادري المضيفات روسيات ولا إيش والسواق مصري ولا هندي لأني جازم أشتري بقالي جزء بسيييط من المبلغ لا يذكر مليونين و 999ألف بس سؤال كم ماشيه بالهواء ؟؟؟؟ ,,,,



    رد رقم (29

    كم طبلونها
    هل فيها زنون وكاله ولا تركيب
    هل فيها شاشه مثل اللكزس 430


    رد رقم (30)

    طيب مدري هل قطعها متوفره بالسووووق

    وهل تتولف عليها قطع الكراسيدا في حالة أني ما حصلت قطعها

    وشوكرا




    السلام عليكم
    عندي باص اصفر 60 راكب مره نظيف وعلى الشرط قير مكينة دفرنش مكيف بس بدون فتحه
    تبادل ولاتنسى 60 راكب ونظيف وكم تزيدني




    رد رقم (34) >>
    ياشباب انتم احسن منه في ايش يعني اللي عارض دباب واللي عارض تلفزيون واللي عارض رقم جوال كلهم عرض وش المشكله اللي يعرض طياره احب اقول شي ( اللي مايطول العنب حامض عنه يقول )والله لو عندي دبابه لعرضها الموقع للعرض والطلب ولكم تحياتي


    رد رقم (35) >>

    هل فيها سمكره وهل صار لها حادث وطلع الايرباق واهم شي سعودي والا الماني انا ماني فاضي كل شوي بالصناعيه ارجو الرد انا بستخدم ناوي اطلع ماليزيا ولاني مخلي احد بالحاره الا بوديه معي واهم شي الكفرات جدد


    رد رقم (36)

    بعد التحية......
    للإخوة جميعا أقول..
    في المطارات الخاصة بالمملكة يتم بيع وشراء طائرات بين رجال الأعمال وبشكل مستمر ..
    ويقوم عادة شخص او أكثر بعرض الطائرة وإيجاد المشتري بالسعر الأعلى والوقت الأقل حتى يأخذ عمولة من صاحب الطائرة والمشتري أو أحدهما حسب الإتفاق.. وهو حق مشروع

    اقول ذلك بحكم عملي في المطار الخاص ورؤية مثل هذه الأمور تحدث بشكل مستمر وكأن المعروض سيارة والمبالغ التي تدفع قد تفوق الـ 3 ملايين المطلوبة هنا بكثير..
    كون البعض لم يرى أو يسمع أو يشاهد طائرة خاصة تباع فليست مشكلة صاحب الإعلان
    ولذلك انصح الجميع ممن ليست لديه الرغبة التوقف عن الإستهزاء وترك المعلن يسعى لطلب رزقه بدون إعادة نفس النكت وبنفس الطريقة التي أصبحت مملة وسمجة لكثرة إعادتها...عسى الله ان يوفقه للبيع الطيب ويوفق الجميع لما فيه خير..

    وشكراً..


    رد رقم (38)

    لاحول طاح بيد يهووود

    هههههههههههههههههه


    بس والله الطائره تستاهل القيمة

    الله يرزقك بالبيعه الطيبه


    رد رقم (39
    الطياره فيها بوري !!!!


    رد رقم (40)

    لوسمحت ...

    اقدر انزل الطيارة على سطح البيت والا لازم اوقفها في الشارع.

    وش حالة المكينة عساها ماينقص الزيت.
    الردود بالصفحة 3


    رد رقم (41)


    الله يرزقك بالبيعه السنعه اخوي شادي


    اما ابوسدييييييييييييييييم حلووووووووه عجبني سؤالك الطياره فيها بوري؟؟؟؟؟؟؟ تخيل






    رد رقم (28)

    انت مسكين الرجال ياهو يستخف بعقولنا

    يا انه حاطه على سبيل المزح

    وانت مسوي فيها لي متطور

    بالله عليك هذا تطور يحط لي طايره بكبرها ويقول للبيع

    اسألك بالله عمرك شفت واحد من سكان الرياض او جده او اي مدينه ثانيه

    مصفط طايره قدام بيته لا بغا يساافر او يروح لمشوار طار عليها


    رد رقم (43)

    حبيت اسالك الطيارة عليها جنوط مرسدس وكفرات خط


    رد رقم (44)

    عندي جمس موديل 82 بودي حديد اصلي وانت عارف الحديد هاليام غالي لو تبيع حديد الجمس يجيبلك خمس ملايين موافق راس براس والجمس يشيل 16 راكب والله اسمع كلامي احسن لك من هالطيارة وبعدين احطلة بنزين 95 ومحافض علية والطيارة فوق في الجو مانشوفك وش تسوي بها تصقع بها السحب وبعين جاي تبيعها


    رد رقم (45)

    الله يرجكم الله يرجكم ههههههههههههههههههههههههه ههههههههههههههه
    والله اني تمزعت من الضحك توني أكتشف ان فيه أعضاء فاصلين من جد
    ((والله انك رحت غلطة أعلان ياشادي)) عند ذا المهابيل (ههههههههه)


    رد رقم (46)

    ناس فاضيه علشان كذا حنا ما نتقدم بسبب الاستهبال الي حنا فيه
    شلون لو انعرض مكوك فضائي بزيد الهبل الي انتو فيه
    الله يهديكم


    رد رقم (47) >>

    أقول يالطيب سؤال من جد والله

    الطيارة فيها استمارة !!!
    وإذا كان فيها استمارة فكم تجديدها ؟؟ (100.000 ريال ) أو أقل .
    والاستمارة كم سنة عليها ؟

    وسؤال أخير ..

    هل الطيارات فيها مخالفات .. يعني مخالفة سرعة ،، تجاوز ؟؟

    وشكرا


    رد رقم (48) >>

    ويـــــــــــــــــــــــ ـن يابوووووووووووووووووووووو
    3 مــــــــــــــــــــــــ ــلاييييييييييي يييييييييي ن
    تــــــــــــــــــــــــ ـــــــراه م 78 >>>>>>>>>>
    واللله لو هي كابريــــــــــــــــــــ ـــــــــــــــ س

    ياللله بس قل تم راحت راس براس بكامري2000؟؟؟
    لا وبعد اربع كفرات وانت ثلاث كفارات


    :D:D:D:D:D:D


    والله من جد ناااس فاضيه
    والاغبى اللي حاط هالموضوع عندهم







    م/ن

  2. #2
    تاريخ التسجيل
    May 2007
    الدولة
    23
    المشاركات
    5,600

    افتراضي

    السلام عليكم



    اخوي خالد مع اني بصراحه ماقريت كل الردود ولكن قريت اغلبها احب اقولك سبب هالردود الكثيره الوقت الضايع ، شباب ووقت فاضي وانترنت مابي احلف انه فيه اكثر من شخص كل يوم صار يشيك على الاعلان ويقرأ الردود عشان يضحك .


    للاسف هذا شبابنا وهو جيل المستقبل

    غزه تحترق وشبابنا يستخدم الانترنت للضحك والهبال

  3. #3
    الصورة الرمزية wrong
    wrong غير متصل عضو فائق النشاط
    تاريخ التسجيل
    Oct 2007
    الدولة
    Catalunya
    المشاركات
    4,137

    افتراضي

    أحس أنه الشباب هزؤووووه صح ....

    والله ما شاء الله عليهم في قمة الاستهبال

    وربي غلطان الي يعرض هنا طياره يا المصرقعين
    هههههههههههههههههـ

    ولا شوفوا هذا

    تبادل بهليكوبتر 4 سلندر قير عادي قزاز هندل بس الطارة هواء ..

    اللون الخارجي ابيض و الداخلي عنابي ..

    نظيفة باسمي و كاله بس فيها ضربة خفيفه ماسمكرتها على باب الراكب ..

    فحص و استمارة و لوحات جديده مع التأمين .. مع دفع الفرق لك ..
    والله حاله :D

  4. #4
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    اقتباس المشاركة الأصلية كتبت بواسطة Mr.K H A L E D مشاهدة المشاركة


    اما لو تركب له ياي استرالي على بالون 900 ماكسس واصطبات خلفية حقات باترول 2008 وتدور به بين استراحات السلي كان تجيب له الــ 28.000 ريال مرتاحة .

    الحين عسانا نبيع ونشتري بالسارات تجيب لنا طيارة يا شادي .

    بيعة موفقة ان شاء الله ..........

    م/ن


    والله مب صاحي هذا ولا الثاني الي يبي يتبادل بـ اكورد موديل 2004 ههههههههههه


    والله كلهم مب صاحيين الصراحه انا اول شي تحريتها نكته ههههههههههههههههههههههههه هههههههههههه

  5. #5
    الصورة الرمزية Porsche Stuttgart
    Porsche Stuttgart غير متصل عضو فائق النشاط
    تاريخ التسجيل
    Aug 2007
    المشاركات
    3,790

    افتراضي

    الصراحه .. موقف مضحك
    وشي غريب عرض طياره للبيع في موقع اللي شايف من تعليقات الناس انه متخصصه للسيارات

  6. #6
    الصورة الرمزية MR.CaR
    MR.CaR غير متصل عضو نشيط جداً
    تاريخ التسجيل
    Dec 2008
    المشاركات
    305

    افتراضي

    ههههههههههههه
    أنا حسبتها نكتة
    إلا طلع جااد الولد لوووول
    ^_^

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14