>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    Post ظـــلـــم - الجزء الأول


    السلام عليكم و رحمة الله و بركاته

    كيف الحال

    عجبني موضوع اخونا abbood او بالاحرى مواضيع ( عفوآ ما أتحمل ) و خلاني بالفعل استنتج وايد امور حاصله بينا و نشعر بالظلم فعلا .. فلنبدأ




    ظـلـم


    أدرس في المدرسة و اتخرج بمعدل و اكرف بالجامعه و احصل شهاده من تعب 3 سنين او 5 سنين و اسير اشتغل مثل المكينه و بنهاية الشهر احصل على راتب 13000 اذا بالدبلوم و 15500 اذا بالبكالريوس .. و غير المؤهلات و المواصفات ( الفل اوبشن ) و المهارات .
    و الجاهل اللي ما كمل دراسته و متخرج من الصف السادس (لا يعرف يقرا ولا يكتب) يدخل الجيش و بعد سنين يستلم 18000 .. وين العدل ؟




    ظـلـم


    براتبك المتواضع تنوي تكمل نص دينك و ما تبي تطيح بديون و يوم تطلب ايد البنت يقولولك 300 الف يا ولد الكرم و الجود يا ولد فلان الفلاني من جبيلة (الفلاني) وتحته خط





    ظـلـم


    نظرة الناس بالمتواضع و الطيب على انه ضعيف و نظرة الناس على الحريص و اللي يفكر Long Term حتى يولف بيزاته قالوا عنه زطي و مب مستانس بحياته و انه (غبي)

    و اللي راتبه 10 الاف مطلعله سياره قيمتها بالوكالة 300 الف و شارنها مستعمله 200 الف و باب بيتهم مصدي قالوا عنه هذا الريال الصح و اللي عايش حياته .. غريب مجتمعنا




    ظـلـم


    أدخل محل و لأنك مواطن عيب عليك اتكاسر جدام الناس حتى لا يقولون (بلاه مب شايف خير) و بعد ما نطلع و دافعين دبل و شاقين الابتسامه (غضبآ عنا) ويوم نتصوخ ... يرمسون عن غلاء المعيشة !!!!




    ظـلـم



    تسلب حقوقنا و انقول ما عليه و برايه و خلها تولي و انطنش لكن يوم ايي الدور عند الاجنبي .. نحسب له و ينحسب له (ألف حسابَ) و الغريب في الموضوع يا مواطن البلد ان هذا يصير في بلادك و ساكت ..!!






    ظـلـم



    تلتزم بطاعة رب العالمين و تسر والديك و(تقبض) عمرك عن الخربطان و السوالف و (تطلع) غير عن معظم شباب المجتمع (الفاسد) و بعد هذا يصنفونك مع المجتمع (الفاسد) لانك شاب .. فقط شاب .. !!




    ظـلـم


    تصبر عمرك سنين طويلة و تحفظ كل الرومانسية و تهديها لزوجتك المستقبلية و يوم تاخذها .. ماشاء الله راعية سوابق (علاقات) و خبرة ..!!




    نراكم في الأجزاء القادمة ان شاء الله ..

  2. #2
    الصورة الرمزية vtc61
    vtc61 غير متصل خبير تصاميم السيارات
    تاريخ التسجيل
    Jan 2008
    الدولة
    あびゅ どへび <<<< يعني بوظبي
    المشاركات
    2,924

    افتراضي

    تلتزم بطاعة رب العالمين و تسر والديك و(تقبض) عمرك عن الخربطان و السوالف و (تطلع) غير عن معظم شباب المجتمع (الفاسد) و بعد هذا يصنفونك مع المجتمع (الفاسد) لانك شاب .. فقط شاب .. !!


    انا عندي شي ثاني على هالنقطه

    تلتزم بقواعد المرور و تربط الحزام و تمشي ولا تسوي شي و تقبض عمرك عن ال900 و الفلتر و يقولولك لا انته راعي فتك يعني راعي تخميس و تايرين

    عنبو حتى المسيره يقوفني ليييييش عشان عندي فتك والله حاله


    براتبك المتواضع تنوي تكمل نص دينك و ما تبي تطيح بديون و يوم تطلب ايد البنت يقولولك 300 الف يا ولد الكرم و الجود يا ولد فلان الفلاني من جبيلة (الفلاني) وتحته خط
    صدقت

  3. #3
    الصورة الرمزية ERT
    ERT غير متصل Banned
    تاريخ التسجيل
    Jun 2006
    الدولة
    الشارقة
    المشاركات
    2,441

    افتراضي

    "الجاهل اللي ما كمل دراسته و متخرج من الصف السادس (لا يعرف يقرا ولا يكتب) يدخل الجيش و بعد سنين يستلم 18000 .. وين العدل ؟"

    قويه ههههه ابصراحه . بس بنشوفهم في الميدان يا حميدان لوووول .

  4. #4
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    اشكر تواجدكم اخواني و ان شاء الله انزل الجزء الثاني عن قريب :)

  5. #5
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    افتراضي

    اقتباس المشاركة الأصلية كتبت بواسطة الزرعوني مشاهدة المشاركة
    السلام عليكم و رحمة الله و بركاته

    كيف الحال

    عجبني موضوع اخونا abbood او بالاحرى مواضيع ( عفوآ ما أتحمل ) و خلاني بالفعل استنتج وايد امور حاصله بينا و نشعر بالظلم فعلا .. فلنبدأ




    ظـلـم


    أدرس في المدرسة و اتخرج بمعدل و اكرف بالجامعه و احصل شهاده من تعب 3 سنين او 5 سنين و اسير اشتغل مثل المكينه و بنهاية الشهر احصل على راتب 13000 اذا بالدبلوم و 15500 اذا بالبكالريوس .. و غير المؤهلات و المواصفات ( الفل اوبشن ) و المهارات .
    و الجاهل اللي ما كمل دراسته و متخرج من الصف السادس (لا يعرف يقرا ولا يكتب) يدخل الجيش و بعد سنين يستلم 18000 .. وين العدل ؟

    في هذي اخوي صدقت و لازم يكون هناك توازن بين هذي الحالات يعني نحن ماننكر وجودهم هو سبب حمايتنا ولكن لازم هناك تقدير للمتعلم و تحفيزه على الدراسه افضل , لأن معظم الشباب الصغار اللي تفكيرهم محدود و يدورون ويا شباب اي كلام تفكيرهم الجينه جيش و شرطة و لكزس LS460 ولا حد يزعل من كلامي لأنه هذا اللي صاير



    ظـلـم


    براتبك المتواضع تنوي تكمل نص دينك و ما تبي تطيح بديون و يوم تطلب ايد البنت يقولولك 300 الف يا ولد الكرم و الجود يا ولد فلان الفلاني من جبيلة (الفلاني) وتحته خط


    لا أخوي صدقني بنت الحلال والله هي بتساعدك لكن معظم الشباب حاطين هذا الموضوع عقبه و هي صح وحده من العقبات لكن التوكل على الله والبنت الحلال اللي تبغي الستر هي و أهلها مابيسوون هذي السوالف ولله الحمد بنات الحلال وايد بس يبالك تدور , عن المهر ترا لاتعور راسك البنات تارسين البلاد وخير الله واسع والله يوفق الجميع و توكل على الله إن الله يحب المتوكلين ياخوك


    ظـلـم


    نظرة الناس بالمتواضع و الطيب على انه ضعيف و نظرة الناس على الحريص و اللي يفكر Long Term حتى يولف بيزاته قالوا عنه زطي و مب مستانس بحياته و انه (غبي)

    و اللي راتبه 10 الاف مطلعله سياره قيمتها بالوكالة 300 الف و شارنها مستعمله 200 الف و باب بيتهم مصدي قالوا عنه هذا الريال الصح و اللي عايش حياته .. غريب مجتمعنا

    في اول نقظه صدق الطيب دايماً مأكول حقه ويكون مصخرة الجلسه مع الشباب بدل مايتقدر و اللي فاهم و يقول للشباب بعض المعلومات يقولون عنه يتفلسف و ماعنده سالفه وحشرنا وما اعرف شو انا اوجهه هذا الكلام بصراحه مع بعض الناس و من يومها ما اكلمهم بشي جديد خلهم على قديمهم وسوالف اللي ماتخلص عن البنات , و النقطة الثانيه انا وياك ولكن الواحد اللي يحب يشوف نعمته على عبده ولكن بالعقل يعني واحد ماشاء الله يداوم و عنده راتب ليش ماياخذله سيارة قسطها ب 2000 ولا 2500 درهم على راتب مثلاً اقل عن 14 الف درهم بدل ماياخذ سيارة مستعمله و يتبهدل وياها في الصناعيه و في الشارع رافعه عليه حراره هذا اللي الناس تتكلم عنه اما اللي ياخذ راتب 10 آلاف و يشتري سيارة ب 300 الف ولا 250 الف وماعنده لا هذا يباله واحد يتكلم معاه و يقوله بس عن البطره هذي مب زين


    ظـلـم


    أدخل محل و لأنك مواطن عيب عليك اتكاسر جدام الناس حتى لا يقولون (بلاه مب شايف خير) و بعد ما نطلع و دافعين دبل و شاقين الابتسامه (غضبآ عنا) ويوم نتصوخ ... يرمسون عن غلاء المعيشة !!!!

    انا عن نفسي ما استحي و أكاسر وغيري مب احسن عني و هذا حق من حقوق العميل , انا كنت الأسبوع الماضي في جوني برغر في المرسى و طلبنا طلبيه و قلت للريال بعد ماعاد الطلب قلتله إذا ملخبط خلني انا اعيد الطلب قالي لا و عقب يايبلي صحن زياده رفعلي الضغط وقلتله انا ما بدقع عن هذا الصحن ربيعي قال خله برايه قلتله إنته بتاكله قال يمكن قلت عيل رجعه لأني هذي غلطته مب غلطتك و إذا إنته جذي و غيرك بنكون مصخرتهم و بستهبلون علينا و نظرتهم لنا بتقول إنهم ناس أغبيه وفلوسهم مثل ماي البحر و عقبها عصب وماعيبه ليش مب عارف قولي إذا انا كلامي غلط ولا انا زطي


    ظـلـم



    تسلب حقوقنا و انقول ما عليه و برايه و خلها تولي و انطنش لكن يوم ايي الدور عند الاجنبي .. نحسب له و ينحسب له (ألف حسابَ) و الغريب في الموضوع يا مواطن البلد ان هذا يصير في بلادك و ساكت ..!!


    انا امسات طالع من دوامي و قالولي بنعطيك درجه وفي ناس ياخوك والله مرقينهم السنه الماضيه درجتين والحينه هذي السنه درجه ليش مب عارف خلها على الله ياخوك



    ظـلـم



    تلتزم بطاعة رب العالمين و تسر والديك و(تقبض) عمرك عن الخربطان و السوالف و (تطلع) غير عن معظم شباب المجتمع (الفاسد) و بعد هذا يصنفونك مع المجتمع (الفاسد) لانك شاب .. فقط شاب .. !!


    انا عن نفسي طاف وما اهتم لحد ولله الحمد مرتاح بحياتي و راضي بها صحيح معظم الشباب حياته المعروف بينا ولكن كل إنسان حر و عقله في راسه ويعرف خلاصه و هذي آثار العولمه الحينه صار الواحد لازم يكون عنده صديقه ولا كيف مايستوي جي كيف إنته عايش والله العظيم وهذا صار امامي فلا تزعل ياخوك ولاتشيل هم و خل كل إنسان على هواه إذا الاخ هذا الزمن مايسمع من اخوه وين الغريب

    ظـلـم


    تصبر عمرك سنين طويلة و تحفظ كل الرومانسية و تهديها لزوجتك المستقبلية و يوم تاخذها .. ماشاء الله راعية سوابق (علاقات) و خبرة ..!!


    والله الواحد شو يقول ياخوك ياخي "تفائلوا بالخير تجدوه" و الله يوفقنا يزوجاتنا فلا تتشائم مع الوضع والله مايطمن ياخوك من اللي اشوفه , البنات والله هم يدورون الصديق ما ادري له اسباب منها الوازع الديني و ضعف محاربة النفس و مقاومتها على الشهوات و عزوف الشباب عن الزواج لأسباب ذكرتها في النقاط الأولى في النهايه "الطيبون للطيبات و الخبيثون للخبيثات"

    نراكم في الأجزاء القادمة ان شاء الله ..


    في النهايه حبيت أشكرك وهذا ردي مع إنه مابيعجب كثيرين و نأسف على الإطاله على الله فيها فايده. وياليت تكثر من هذي المواضيع في المنتدى لتصف حال المجتمع ووفقك الله , وجزيت خيراً وزوجت بكراً ( ندعيلك هذا لو مو معرس )

  6. #6
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    مشكور اخوي على الردود الطيبه هذه :)

    و بخصوص اللي راتبه 14000 مب مشكله ان شاء الله ياخذله قسط 4000 .. بس ع الاقل يكون عنده 10000 يعيش بيها !! فاهم قصدي


    و عن سالفه المرسي زين اللي سويته .. هم يتحرونا احنه العرب اغبيا و ما نعرف نتصرف و ان بنتوهق بالطلبية و ان احنه جهله و يتحرونا بس انشوف رقم الفاتورة و ادفع

    انا واااااااااااايد زاخ ع المطاعم و يحطولك طلبيات ما طلبناها بالاصل !! و يطلع ان الطاولة اللي حذالنا ( على قولتهم ) هم اللي طلبوا و لخبطوا بالسستم .. ( زين ما عليه )


    و عن " الصديقة " صدقت ياخي .. يوم اقولهم ما عندي هالسوالف يطالعوني بنص عين ( يعني جذاب )


    والله يسمع منك و يرزقني الزوجة الصالحة :)

صفحة 1 من 2 12 الأخيرةالأخيرة

المواضيع المتشابهه

  1. مشاركات: 0
    آخر مشاركة: 08-09-2010, 01:27 AM
  2. رحلتي الى النمسا / زيلامسي الجزء الثالث
    بواسطة grandv8 في المنتدى المواضيع الحصرية والتغطيات المصورة والتجمعات
    مشاركات: 2
    آخر مشاركة: 05-09-2010, 01:47 AM
  3. رحلتي الى النمسا / زيلامسي الجزء الثاني
    بواسطة grandv8 في المنتدى المواضيع الحصرية والتغطيات المصورة والتجمعات
    مشاركات: 7
    آخر مشاركة: 30-08-2010, 09:04 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14