ماشاءالله الصراحه تجربه مميزه و سيارة الريال ماشاءالله جميله جدا

__________________

ماشاء الله موترك قوي والله يهنيك فيه

ماشاء الله على التجربه الجميله من كل النواحي سواءا من تصوير أو معلومات وايجابيات وسلبيات الموتر

الاخ عبدالله ماقول الا ماشاء الله على سيارتك وتعديلك عليها كله ذوق ولمسات جميله من الكاربون فايبر وغطاء

صندوق الامتعه دائما يركبونه اصحاب الام 3 واعتقد نفسه اللي بتعديل اريكسون عليها وانيق جدا

ربي يعطيك خيرها ويكفيك شرها ان شاء الله

__________________

شكرا جزيلا يا بومحمد على كل الجهد المبذول بصراحة ابدعت في الموضوع,, اخراج رائع للموضوع وللافضل دائما ان شاء الله

الله يحفظك .. انت الاروع اخوي,,, ولا تنسى ترى اللومينا 440 حصان

e90 4 doors
e92 coupe
e93 conv

بالنسبة للقوة لا تختلف بين الموديلات ابدا لكن السقف اختياري والكاربون فايبر يخفف من وزن السيارة ويساعدها في الثبات

وانا حاضر لأي أسئلة إضافية

كنت بشتري الb3 لكن اصريت على سيارتي لاني مهتم جدا بالدبل كلش والاداء الممتع له

السعر يبدأ 345 وينتهي 385 تقريبا

العفو عزيزي,, خبرنا يوم بتشوف الفيديو

مرورك الاحلى,,, في انتظار تجربتك

يوم تقول سيارة سباق تقصد انها غير مريحة للاستخدام اليومي ؟

والله انا كنت محتار بين السيارتين لكن نظام ثبات البي ام خلاني اشتريها لانها اثبت بوايد

تبا درفت؟ حاااضرين (ما صدق).. المشكلة الشارع ما يساعد

مرورك الأجمل

تسلم وتدوم

__________________

البر شيء هين وجه طلق وكلام ليّن

تسلم وتدوم كلك ذوق,, اهم شي في التعديل انه يكون بسيط وجميل بدون دفاشه,, بالنسبة لصندوق الامتعه فهو من ماركة Vorsteiner ويختلف في التصميم عن اريكسون وانا حسبت التزويد الكامل للاريكسون 200000 درهم تخيل ؟؟!! خلني جيه احسن

__________________

البر شيء هين وجه طلق وكلام ليّن

انا الي اقصده يالغالي

انها غير مريحه في المطبات والسفر والسبب لزيادة الثبات طبعاً كما هو معروف .

يعني انا اذكر بالاشاره دعست للموتر الدعسه الطبيعيه وعلى طول ماشاء الله الكفر فتر وشتغل التراكشن وحول القير على النمره الثانيه وحتى لو تتمشى على النمره الثانيه وزدت الدعسه شوي بتشوف التراكشن اشتغل وحول على النمره الثالثه


طبعاً ماهو من باب المقارنه او التحيز ولكن لو جربت اغلب فئات AMG وحطيتها على الوضع العادي بتحس انك تسوق موتر عادي ويوم تحطها على الوضع الرياضي بيتوحش الموتر

الام 6 بدون ماتضغط فص الام عزمها يخرع وبكذا حسيت انها ماتنفع للاستخدام اليومي

كل هذا يلعوز شوي في القياده فما ادري نفس الحال مع موترك

__________________

يا طويل العمر فهمت قصدك.. والله اشوف انه يعتمد كيف انت تختار.. يعني انا يوم ابا اتمشى على راحتي,, اخلي نظام التعليق على المريح وتبديلات الجير على التبديل السلس,, والسيارة تكون ما شاء الله مريحة جدا.. لا تنسى انك تقدر تضبط نظام التعليق خارج زر الام.. يمكن يوم جربت الm6 كان نظام التعليق على الرياضي بشكل تلقائي,, لاني اقدر اخليه في سيارتي يشتغل على النظام الرياضي مباشرة فيمكن هذا اللي حصل عندك.. انا عندي أخليه يبدأ بالنظام المريح واحوله للرياضي يوم احتاج

__________________

البر شيء هين وجه طلق وكلام ليّن

صح

اخوي عبدالرحيم البي امات الام بور كلهن بجير الاس ام جي او الدبل كلتش لازم تكون ضابط الوضعيه الصح لمشيتك انته عشان تستجيب معاك السياره بالشكل السليم او الصحيح...

__________________

السياره روعه و الموضوع اروع

كل الشكر للذين شاركوا في هذي التجربه

ماشاءالله تجربة رائعة

و سيارة وايد جميلة لاكن ماتوقعت انها بهاي القوة لاكنها ابهرتني صراحة

مشكورين لكل الي ساهم في هذا الموضوع الرائع

__________________