>



صفحة 1 من 4 1234 الأخيرةالأخيرة
النتائج 1 إلى 6 من 22
  1. #1
    fhad2007 غير متصل عضو نشيط
    تاريخ التسجيل
    Oct 2007
    المشاركات
    167

    افتراضي تقريري عن سيارتي الاوتلاندر


    السلام عليكم ورحمة الله وبركاته

    كيف حال الشباب ارجوا ان تكونوا بخير

    كما وعدتكم هذي تجربتي للاوتلاندر ...


    اولاً /
    السياره اوتلاندر من شركة ميتسوبيشي
    موديل 2008
    185 حصان 4 سلندر 2.4 لتر زيت
    اللون لؤلؤي على ابيض حريري .
    القير CVT تغيير 6 سرعات (حسب ما جاء في دليل المالك) بخاصية التيب ترونيك مع الفورميلا
    البنزين المستخدم اوكتين 95
    الدفع رباعي اختياري / امامي اساسي






    فتحة السقف او التنده

    نظره عامه

    تخصيص او زووووم اكثر

    هذي قبل طي المقاعد

    وهذي بعد الطي



    هذا الدبل الكهربائي





    وهذا موقعه من القير




    هذا الجام او الجنط مقاس 16 والـ 18 الي على 6 سلندر فل اوبشن احلى بكثير ومحلي السياره اكثر




    هذا الشكمان للـ 4 سلندر




    ثانياً /
    بعد قطع 1500 كم :

    في المدينه /1.
    السياره راسيه لابعد حد ..... واستجابه سريعه وكامله لدعس البنزين
    والحمد لله ما تندمت على حكاية الـ 4 سلندر وقير الـ CVT
    والعزل الصوتي ممتاز جداً وان كان جاء على طريق سفلت خشن تسمع صوت
    الكفرات او ما شابه ... اكيد فهمتوني
    لكن عزل الهواء والصوت ممتاز جداً ...

    شئ سئ صار وهو عند استلام السياره قطعت المسافه من الكويت للدمام وضغط الكفرات
    فوق 60 !!! وعند دخول الدمام للمبيت فيها واجهتني تعرجات وتشققات ارضيه هزت السياره
    هز وخضتها خض ... وللاسف نتج عنك ذلك ظهور صوت في الطبلون اذا جيت مطب او شئ مماثل
    وهو صوت مثل صوت الصرصره وتحس ان في بلاستيك يحك في بعضه .. وهو شئ بسيط جداً
    لكن يضيق الخلق لان السياره جديده ..

    قلت خلها الين يجي الصيف لعل الشمس تحل المشكله

    ماااااااااااااااا ادري وش الحل ؟؟؟ وش تجربتكم في ذلك ؟

    2. السياره اقتصاديه لا بعد حد على الطرق السريعه

    من الكويت للرياض دفعت 40 ريال فقط

    لكن داخل المدينه صرفيتها تزيد للاسف !!!!!!!!!

    في البر / وهنا الي عليه الكلام

    هنا المفاجئه ... السياره مع انها قير CVT الا انها عمليه لا بعد حد في البر
    قطعت فيها مناطق صعبه .... لكن لا تعتمد عليها بشكل كبيييير



    والخيار دائماً على 4WD يوزع القوه 50/50 اما الـ LOUCK فهو للحالات الصعبه
    وهو 70/30 وفعلاً جربته واظهر اداء فعال وقوي مقارنة بـ 4WD لكنه ثقيل على السياره

    اتوقع لو السياره 6 سلندر بقير اوتوماتيك 6 سرعات بغير تقنية الـ CVT كان تناطح
    اعتى السيارات في عالم الدفع الرباعي والا يقل ادائها عن الباجيرو والجراند سوزوكي ..


    القير جاي بخاصية التيب ترونيك ... وفيه خاصيه حلوه ايضاً وهو التحكم
    بالتيب ترونيك من خلال ما يسمونه الرياضيون الفورميلا وهي القرون الي على يمين
    وشمال الدركسيون بالاضافة الى انك تقدر تتحكم به من القير ذاته .

    ***
    ابرز المنافسين للاوتلاندر 4 سلندر اما الـ 6 فخارج المنافسه :

    1. الراف فور من تويوتا

    2. الـ CR-V من هونداء

    3. الفورستر من سوبارو

    4.القشقاي من نيسان

    5. نوعاً ما الجراند فيتارا من سوزوكي وان كان SUVS

    6. الباتريوت والكومباس من جيب

    7. كبتيفا من شفروليه
    ***
    عزم السياره جيد جداً
    وبالغة الارقام .. عزم الدوران او ما يسمى بالـ CC لكل دقيقه 6000 دوره في الدقيقه

    والـ 6 سلندر 6250

    ***
    1. الايربقات 2

    2. عدد السيديات ما ادري عنه . ما نيب اشغل الا الراديو <<< شااااايب صدق شااايب
    الي مضيق صدري هو عبدالكريم عبدالقادر ... ما ادري وش اسوي بأشرطته !!
    3. فيه ازرار تحكم في الدركسيون بالجهاز الصوتي (الراديو والسي دي )
    4. فيه بصمه وهو شئ ممتااااااااااااااااااز

    بإختصار السياره مواصفاتها وحده بالخليج ...
    ***
    المميزات والعيوب :

    لا يخلو الامر من المميزات والعيوب في كل سياره ولكم التالي :

    * المميزات :
    1. نظام البصمه وهو شئ ممتاز ويريحك من هالريموت.. والي ما عنده كل دقيقه مطلع هالريموت
    كنك تشغل وتطفي تلفزيون .
    2. عزم المكينه جيد جداً في الرمال ولولا قير الـ CVT كان قلت مفتوح المجال للبر بشكل كامل .
    3. اضاءة الليد الخلفيه للاسطبات والجناح ... بصراحه جميله ما شاء الله
    4. عزل صوتي ممتاز ...... ولا يعتمد علي في ذلك 100% لاني ما سبق جربت جيوب اخرى .
    5. صرفية بنزين قليله على الخطوط الطويله . من الكويت للرياض 30 ريال .

    ** العيوب :
    1. بحكم انها قير CVT فلا يعتمد عليها بشكل مطلق في البر
    2. المقاعد او الكراسي يدويه وليست كهربائيه مع انها فل اوبشن والبعض قد يراها مميزات وليست عيوب بحكم انها ما تخرب .
    3. الشماسيات صغيره ولا تغطي الشمس اذا لفيتها لى جنب
    4. التكايه الي على جنب صغيره والمفروض انها طويله شوي عشان
    5. تسحب بنزين داخل المدينه بشكل ملفت وخاصة في البر ... يعني لا تطب البر ولا فيه الا ربع
    التانكي ترى راح تتورط
    ***
    البنزين 91 ولما رحت للوكاله اسوي تغيير زيت وفحص لاول 1000كم
    قال لي الموظف ان بنزينها 95 !!
    عاد انا صرت ازيد شوي شوي من هالـ 95 .. بصراحه ضاق صدري لما دريت انه 95
    بس ارتحت لما علمني :
    1. ان اوكتين 95 اقل من صرفية 91 بحكم انه اثقل ولا يتأثر بحرارة الجو مثل 91
    2. الـ 95 يخلي صوت المكينه اهدأ من 91 وفعلاً حسيت هالشئ .

    ***
    فى شغلة عاجبتنى بنظام البصمة الموجود بالأوتلاندر. تشغيل السيارة لايتم بزر مثل باقى السيارات بل تلف مكان السويتش مثل السيارات العادية ونفس المكان تقدر تركب فيه السويتش العادى وتشغل السيارة. هاذى الشغلة مفيدة جدا بحال عطل الريموت أو خلصت بطاريته بأنك ماراح تتعلق وماتقدر تشغل السيارة. طلع السويتش من الريموت وشغل سيارتك عادى
    ***
    في طلعات البر الكفرات على نفس الضغط 35 ما نسمتها ولا شئ
    وافكر اني ما اشتري منفاخ

    ولا تنسون لوحة السياره ن م ر وفعلاً نمر من نمور الميتسو

    ترى ما نسيت امسحها


    تحياتي واتمنى ان يكون التقرير والموضوع عاجبكم واعذروني على التقصير

  2. #2
    تاريخ التسجيل
    May 2007
    الدولة
    23
    المشاركات
    5,600

    افتراضي

    السلام عليكم

    اخوي ماشاء الله تقريرك مثل تجربه للسياره

    هل تحب ننقل موضوعك لقسم التجارب بشرط انه يكون حصري للمنتدى ونبي كم صوره للموتر من الداخل وهذا الشئ يشرفنا طبعاً .

  3. #3
    الصورة الرمزية غافه
    غافه غير متصل عضو نشيط جداً
    تاريخ التسجيل
    Jul 2008
    الدولة
    UAE
    المشاركات
    491

    Talking

    واخيرا صور!!!! الله ماشاء الله السياره حلوه وانا احب السيارات البسيطه, بالنسبه للصرصره الي في الطبلون لما توديها للوكاله قولهم بفتحونه ويرجعونه مره ثانيه لانه في احتمال شي تحرك من مكانه بس مش خطير, انا صار نفس الشي بسيارتي الفولفو بس بالسقف اول امس وديها علشان وصلت 20 الف كيلو واليوم اتصل بي قال صلحنا السقف بس لزج لترتيب الاسلاك! حركه الدبل الكهربائي حلوه ! ويارب ان شاء الله تتهنى بالسياره وبالبركه ان شاء الله

  4. #4
    fhad2007 غير متصل عضو نشيط
    تاريخ التسجيل
    Oct 2007
    المشاركات
    167

    افتراضي

    اقتباس المشاركة الأصلية كتبت بواسطة عاشق الالماني مشاهدة المشاركة
    السلام عليكم

    اخوي ماشاء الله تقريرك مثل تجربه للسياره

    هل تحب ننقل موضوعك لقسم التجارب بشرط انه يكون حصري للمنتدى ونبي كم صوره للموتر من الداخل وهذا الشئ يشرفنا طبعاً .


    هلا بك اخوي المشرف عاشق اسعدني مرورك وتعليقك

    اتمنى ان يكون الموضوع محل رضاكم واعجابكم

    والتقرير ليس حصري ... لسى باقي كم منتدى :D يا ويله بينطق

    ولي الشرف طبعاً ان اكون قدمت شئ بسيط لهالمنتدى الراقي بأهله

    تحياتي

  5. #5
    fhad2007 غير متصل عضو نشيط
    تاريخ التسجيل
    Oct 2007
    المشاركات
    167

    افتراضي

    اقتباس المشاركة الأصلية كتبت بواسطة غافه مشاهدة المشاركة
    واخيرا صور!!!! الله ماشاء الله السياره حلوه وانا احب السيارات البسيطه, بالنسبه للصرصره الي في الطبلون لما توديها للوكاله قولهم بفتحونه ويرجعونه مره ثانيه لانه في احتمال شي تحرك من مكانه بس مش خطير, انا صار نفس الشي بسيارتي الفولفو بس بالسقف اول امس وديها علشان وصلت 20 الف كيلو واليوم اتصل بي قال صلحنا السقف بس لزج لترتيب الاسلاك! حركه الدبل الكهربائي حلوه ! ويارب ان شاء الله تتهنى بالسياره وبالبركه ان شاء الله
    ما كنت ادري ان فيه احد في الانتظار

    هلاااااااااااااا بك اخوي غافه .اسعدني مرورك وتعليقك

    وجزاااااااااااااااااك الله خير على الدعاء والله يحفظك ويخليك لعين ترجيك بإذن الله

    بالنسبه للصرصره قلت للوكاله عنها بس ما تحمسوا كثير ...ولا ودي افكها بصراحه

    ابنتظر الين تجي شمس الصيف اللاهبه لعل الامور تضبط من حالها ان شاء الله

    تحياتي

  6. #6
    تاريخ التسجيل
    May 2007
    الدولة
    23
    المشاركات
    5,600

    افتراضي

    اقتباس المشاركة الأصلية كتبت بواسطة fhad2007 مشاهدة المشاركة
    هلا بك اخوي المشرف عاشق اسعدني مرورك وتعليقك

    اتمنى ان يكون الموضوع محل رضاكم واعجابكم

    والتقرير ليس حصري ... لسى باقي كم منتدى :D يا ويله بينطق

    ولي الشرف طبعاً ان اكون قدمت شئ بسيط لهالمنتدى الراقي بأهله

    تحياتي

    ياهلا فيك يالغالي

    من حقك يالغالي ان تنزله في اكثر من منتدى ولهذا السبب انا سألتك


    وشاكرين لك جهدك الطيب في طرح هذا التقرير الشيق


    ونتمنى نشوف مشاركاتك دايم ويانا

صفحة 1 من 4 1234 الأخيرةالأخيرة

المواضيع المتشابهه

  1. سيارتي هوندا سيفسك 1997 بغيت اغير الماكينة
    بواسطة uae997 في المنتدى قسم السيارات العام
    مشاركات: 5
    آخر مشاركة: 28-09-2010, 10:36 AM
  2. مشكلتي مع سيارتي
    بواسطة soul eater في المنتدى قسم السيارات العام
    مشاركات: 0
    آخر مشاركة: 14-09-2010, 07:27 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14