بسم الله الرحمن الرحيم



السلام عليكم و رحمة الله و بركاته




اليوم عندنا تجربة كتكوتة فورد الاوروبيه اليديده و هي فورد فييستا 2009



بس حبيت اقسم الموضوع الى عدة اقسام بنتانول فيها السيارة نقطه نقطه







فورد فييستا هي سياره من سيارات فرع فورد الاوروبي و هي فالحجم اتي بعد الفوكس على طول

السياره لها شعبيه كبيره جدا في اوروبا.

الجيل اليديد الي توه نازل هو الجيل السابع من السيارة اما تاريخ السيارة فهي تم تقديمها في سنة 1976 و حتى اليوم ما توقف انتاج هاذي السيارة بسبب نجاحها .

الجيل الجديد ظهر اول مره في معرض فرانكفورت الدولي 2007 بشكل كونسيبت يحمل اسم verve

التصميم شبيه جدا بالنسخه الي ظهرت للانتاج .











تتصنع السيارة في مصانع فورد الاوروبيه في المانيا و ايضا في بلجيكا .

ايضا يقولون بتنزل في 2010 في اسواق امريكا الجنوبيه لكنه بتكون مصنوعه في المكسيك ا

اما امريكا الي بتنزل عندهم السيارة اول مره في 2011 بتكون صناعة مصنع فورد و مازدا المشترك في تايلند.

على طاري مازدا جدير بالذكر ان فورد فيستا تتشارك مع مازدا 2 في نفس الشاصي.



طبعا نحن النسخه الي عندنا اتي هي الاوروبيه المصنوعه في بلجيكا.





بالنسبه للمحركات اتي فيستا بقائمه من المحركات

1.25 لتر بقوة 60 حصان و ثاني نفس السعه بقوة 82 حصان

1.4 لتر 96 حصان (هي الي فتجربتنا)

1.6 لتر بقوة 120 حصان

طبعا نحن المحرك الي جربناه هو 1.4 لتر بقوة 96 حصان مع جير اتو 4 غيارات أو عادي 5 غيارات.

و يتوفر ايضا 1.6 للف



مجلة موتر ترند تقول ان السيارة صرفها للبترول 50 مايل للجالون ما يساووي 80 كيلو للجالون بحسبه بسيطه يعني السيارة توديك من راس الخيمه لدبي باقل من 6 دراهم .

لكن اتم السيارة مب سيارة خطوط.

سيارة مدينه بكل معنى الكلمه .



الحين ندخل في التجربه اول شي بتناوله في التجربه الراحه



الراحه:



هي اهم شي تطلبه اذا تبغي سياره عمليه حق مشاوير المدينه الخفيفه.

بالرغم من ان حجمها صغير جدا الا ان السيارة مريحه جدا لكن الكراسي الخلفيه ضيقه قليلا لكن مقعد السائق و الراكب جيد اما العزل انا اجوفه ممتاز مقارنه بتيوتا يارس مثلا.

كل شي فالسياره قمه في البساطه فعمري ما جفت سياره ابسط منها ما فيها أي تعقيدات .

كل الاشياء المطلوبه موجوده

راديو و مشغل سي دي شاشة معلومات صغيره فالوسط


اكثر شياعجبني ان فيها بلوتوث و بصراحه استعماله بسيط جدا جدا و ما واجهة أي صعوبه في استعماله الا ان محمد كان يخرب علي شوي ولا هو بسيط جدا و بسهوله تتصل بالارقام و تشبكه بالتيلفون عكس نضام سينك في بعض سيارات فورد.

الشي الثاني ان فيها حساسات ورا و جدا و ايضا كشافات ضباب في الخلف مب بس جدام

الشي الثالث أو الرابع الي عيبني في السياره بعد غير حساسات الوقوف فيها حساسات مطر.

بصراحه انا يوم جفت السيارة ما توقعت فيها ها الاشياء

و هاي اكثر الاشياء الي تميز السيارة عن غيرها


ندخل الحين في الاداء:

في اداء السيارة ما في شي اقدر اتكلم عنه من حيث تسارعها و سرعتها القصوى ما اقدر اتكلم لان تسارعها بسيط جدا جدا جدا و لكن زين منها توصل سرعة 180

لذالك انا اقول ما نتكلم عن اداء السيارة احسن . لان السيارة تكفيها 100 حصان لتأدية المهمه.



التصميم:



تصميم السيارة هو اكثر شي مميز فيها و خاصه بعض الالوان يطلع عليها اجرام مثل الازرق الفاتح

تصميم المقدمه شرس جدا و تقريبا انا اجوفها احلى تصميم بالنسبه لسياره صغيره .



من المؤسف ان ها الكتكوته اتي بهذا التصميم و سيارات كبيره من فورد تصاميمها جيده لاكن ما توصل لهذا المستوى.

لا زلت اطالب من فورد ان تتعلم من الفرع الاوروبي .



التحكم:



اكثر شي اعجبني في الفيستا على الاطلاق هو التحكم.

السكان خفيف جدا الي يخليك تستمتع وايد بالسواقه و بصراحه شي خيالي خفة السكان مالها مثيل .

عيبتني وايد فالمنعطفات تحس بالثقه السكان كل ما زادت السرعه تزيد المتعه على المنعطفات بالرغم انها مب سياره رياضيه و مب هاذيج القوه يعني لكن السواققه جدا رائعه و التحكم رهيب جدا.

انا فالتجربه تذكرت يوم جيرمي كلاركسون يرشد عن الكورفيت في المول ههههههه بصراحه ما الومه

السيارة صدق يعني مثل ها الاماكن الضيقه سهله جدا على السيارة ان تناور فيها .

بعدين انا مستغرب يعني السيارة زوايا الرؤيه فيها جدا ممتازه و الزجاج الخلفي كبير فالحساسات احس ان مالها لزمه لانك تجوف كل شي و تحس بمكانه قريب ولا بعيد.


الجوده:


بشكل عام جودة المواد المستخدمه اقل من المونديو لانها اصغر و ارخص بوايد لكن تبقا افضل من وايد سيارات في هاذي الفئه .

لكن المواد على هاذي الفئه اجوفها جيده جدا


الأمان:


يعني ما يحتاي اتكلم عن الامانن بصراحه يكفيها شرفا ها الصغيره ماخذ 5 نجوف في سلامة السائق و اللركاب 4 نجوم في اختبارات حسب موقع ERUO NCAP.



ما ادري كم ايرباج في السيارة يمكن 2 أو 3 ما ركزت و الله بس اكيد السيارة ما بتاخذ هاذي النتيجه الا انها بتكون آمنه جدا

ثاني شغله بريكها وايد قوي و يمسك بسرعه انا فاجأني البريك ما توقعته بها القوه يعني على سرعة 120 وقفت بسرعه حتى قبل لا اوصل حق محمد يوم كان يبا يصور



يعني كان مخطط اني اوقف قريب منه بس وقفت اسرع حتى خفيت ريلي عالبريك هه ولا هي بريكها اقوى عن الفيديو .







ايجابيات السيارة :



-سكانها خفيف جدا

-حساسات وقوف امام و خلف

-حساسات مطر

-بلوتوث و استعماله جدا سهل احسن من نظام مايكروسوفت سينك المعقد

-البريك قوي

-يلستها مريحه ووسعه لا باس فيه

-عزل الصوت بالرغم من انها صغيره لكنه ممتاز



سلبيات السيارة الاساسيه



-ما شي سده فالنص

-محركها ضعيف اتوقع 1.6 بيكون افضل

-فرق السعر بين محرك 1.4 و 1.6 كبير (10 الاف درهم) بس اتم ارخص عن المنافسين مثل هوندا جاز(69 الف)

البونيت لعوزني (غظاء المحرك) كل ما اسكره يرد يفتح ما ادري شو سالفته 10 مرات سكرته الين ما تسكر

زين



بصراحه دورت سلبيات للسيارة ما حصلت وايد





اخيرا الاسعار

الاسعار تبدا من 43 الف اضن للجير العادي

و 50 الف تماتيك

55 الف 1.4 الي جربتها

65 الف 1.6 الفل

شي بعد لمتد ادشن 20 حبه فالامارات عليها استكر ما ادري كيف نفس سعر الفل 65 الف





انا ما اتعمقت وايد فالمواصفات لان تقدرون تحصلونها في موقع الشركه و شي كتلوج بعد



http://www.me.ford.com/servlet/Conte...=FME&c=DFYPage



و هذا كتلوج السيارة بصيغة PDF



http://www.gulf4cars.com/vb/attachme...1&d=1235779785







شكرا فالكون على الفيديو بصراحه شغل متعوب عليه





ايضا من عدسة المبدع فالكون









مقاس 15 اضن






مع طي المقاعد ما تتساوا مع الارضيه




يعني صح هي شوي ضيجه لكن ما الومها لانها صغيره

































البونيت و انا احاول اسكره










فالاخير اسمحولنا حاونا جاهدين ان نطلع التجربه باحسن طريقه و ان شا الله في تطور في التجارب

و انا اشكر موظفين وكالة فورد على رحابة صدرهم .

و من الحين اقول موستنج 2010 من الحين محجوزه تجربته خخخخخخخخ

EL.3grab@Gmail.com

المشاركة الأصلية كتبت بواسطة FuLL MoOoN ماشاء الله ربي يعطيكم العافيه اخوي بوعلي والسياره حلوه وباين عليها سياره عمليه ومناسبه جدا للمدينه حلو انه الشخص يمتلكها كسياره ثانيه للمدينه ومشاوير العمل تجربه ماراح امدحها بس ماقول الا مثل ماتعودنا منكم انتم وسيارات فورد تشكلون فريق حلو

المشاركة الأصلية كتبت بواسطة EL_3grab والله قفزتني .. ليش تزعق عليها .. وآخر شي قلتولها دايل .. وحطت 5 .. ونــاسه .. بس ماشاء الله .. تجربه حلوة وممتعه .. ومغطين كل النواحي .. ما عليكم قصور .. واللي ما تعجبه السيارة يشوف الفوكس ولا المونديو .. نفس ما قلت كلهم صناعة أوروبيه وفرق واضح بينهم وبين الأمريكية .. السكان الخفيف مرات يكون نقمه ومش نعمه .. أطري الخفيف اللي ما يحسسك بالشارع بالمره .. هل لاحظت أنه السكان يثجل كل ما زادت سرعة السيارة ؟؟ أتوقع السيارة باللون الأبيض ولا الأحمر بتكون حلوة ومميزة بالشارع .. مشكوورين على هالجهد .. محمد وحسن ..

و الي يزعق ها محمد ما ادري بلاه الظاهر من قلة النوم

انا حمود و هذا الفتك مـآلي ..
ابيضـآني و اشكر فنـه ..
هو فقلبـي أغلى من الغـآلي ..
يا جمآعه بالحيل هآونـه ..

كلمات : احمد السويدي