السلام عليكم ورحمه الله وبركاته

توني راد من معرض Big Boys Toys وانا اجر اذيال الخيبه كني خاسر في مباراه ستريت فايتر خخخخ شو يخصه

المهم..

رحت هناك مع اخوي ارض المعارض ..طبعا الباركنج ب 10 دراهم ..

اول شل لفت نظري يوم دخلت المعرض انه شبابيك بيع التذاكر على مد البصر وفي كل شباك 2 قاعدين تقول كنه يوم افتتاح كاس العالم .. والي يدهش انه مافي حد يشتري تذاكر .. الي عالكاونتر يالسين ما عندهم شغل

يوم رحت عالكاونتر قالولي شي نوعين من التذاكر ..عادي و VIP على قولتهم .. العادي ب 100 درهم والثاني ب250 .. الفرق انه يوم تدفع 250 تقدر تلعب لعبه جولف الي هي محاكاه للواقع ..وشي لعبه كمبيوتر نتوورك اظن كانت كاونتر سترايك وتلعب بينت بول و تيلس عالكراسي فالعرض الموسيقي مع انه العرض الموسيقي مفتوح ..واصلا طول الفتره الي كنت فيها هناك الفرقه ما عزفت .. الحمدلله

المعرض كان متنوع .. فيه سيارات ..دراجات .. بجي .. سكوترات مائيه .. وطائرات هوايئه الي بمروحه ...

ما كان فيه شي يديد ولا كان فيه شي مبهر

اخوي كان يصور ..وهذي بعض الصور ..














راعي هالزورق كان يشتكيلي انه هذا رابع معرض يحضره والناس كلها تبدي اعجابها
بس اخر شي ما يبيع شي .. الزورق شكله مال سباق ولكنه عائلي










انصدمت من سعر الكاترهام كنت احسبها وايد غاليه بس طلعت ال اف جي مالتي اغلى خخخ








وبس هذي هي الصور .. هالموضوع ما يعتبر تغطيه بقدر ما هو تعبير عن رايي فالساعه الي قضيتها هناك ..
ولذلك نبا الي يروحون المعرض يكتبون ارائهم فيه وخلونا نشوف كل واحد شو الي عجبه والي ما عجبه

تحياتي

__________________

صور السيارات الموجوده حلوه
السيارات الموجوده معروضه للبيع.؟

بس سؤال ليش الخيبه ؟؟

ياليتك غطيت صور اكثر من هيك .

تسلم ياعمي

__________________

شي حلو والله وتسلم يا بوحميد

وبصراحه ماسمعنا عن المعرض لا سووا له دعايات ولا شي للاسف


ماقلت لنا وين الموقع ؟

__________________
[CENTER]

شكله يفتقر للدعاية هذا المعرض

__________________
[CENTER]أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm[/CENTER[/SIZE]]

اماراتي وافتخر اماراتي وافتخر اماراتي وافتخر
اماراتي وافتخر اماراتي وافتخر اماراتي وافتخر
اماراتي وافتخر اماراتي وافتخر اماراتي وافتخر
اماراتي وافتخر اماراتي وافتخر اماراتي وافتخر
اماراتي وافتخر اماراتي وافتخر اماراتي وافتخر
اماراتي وافتخر اماراتي وافتخر اماراتي وافتخر

شكلة كان حاووووه


لكن انا بعد مثل الشباب ما سمعت عنه

!!!!!!!!!!!!!!!!!!!

يسلموووو على التغطية الجميل والصغيرة

__________________

أنا سمعت عنه لاكني ما تشجعت !!

لاكن شكله المعرض حلو (( تعرف ليش مب زحمة ))

لانه بفلووس 100 درهم للشخص الواحد

اما المعرض ما عليه كلام....شفت دعايته

__________________

__________________

شكلنا ما بنسير عيل

__________________

بكم اكاترهام عبد الله

بس اضن هاي ما تمشي فالشارع بس للحلبات ولا

__________________