>



النتائج 1 إلى 5 من 5
  1. #1
    الصورة الرمزية Bugatti
    Bugatti غير متصل محترف التعديل في منتدى الخليج للسيارات
    تاريخ التسجيل
    Apr 2007
    المشاركات
    406

    افتراضي استفسار بخصوص الماء الاخضر


    السلام عليكم ورحمة الله وبركاته




    بغيت استفسر شو فايدة الماء الأخضر ؟

    وكيف لازم يكون مستوى الماء الأخضر في الدبة ؟ كاملة ولا لين النص ولا الربع ؟ ...

    وشو تأثيره على الموتر إذا نقص ؟



    ومشكورين مقدما ً

  2. #2
    الصورة الرمزية EL_3grab
    EL_3grab غير متصل عضو فعّال جداً
    تاريخ التسجيل
    Jun 2006
    الدولة
    23
    المشاركات
    1,808

    افتراضي

    الماي الأخضر هو عبارة عن نوع من الكولانت وأيي بعده ألوان .. الأحمر .. الأخضر .. الوردي .. البنفسجي وغيره .. يفرقون بالألوان علشان ما تخلط من بين أثنين, لأنهم بعضهم يوم تخلطهم يسويلك مشاكل بنظام التبريد ..

    فايده الكولانت أنه يرفع درجه غليان الماي .. وينزل درجة تجمده تحت الصفر ..

    الماي يعتبر أحسن مبرد حراري .. بس ماي بنسبة 100% بنظام التبريد يحتمال يتبخر ويولد ضغط وبالتالي يصير عندك تشقق ويليك الماي .. و يوم يتجمد بعد ..

    كيف تحدد نسبة الماي للكولانت .. أول شي لازم تعرف نظام التبريد كم سعته .. كم لتر يشل ..

    ثانيا تخلط الماي (ماي نظيف) والكولانت بنسبة 60% للكولانت و40% للماي .. مثلا نظام التبريد يشل 5 لتر .. فبتخلط 3 لتر كولانت مع 2 لتر ماي .. وعقب تصبه بالنظام عندك .. طبعا مب شرط تكون دقيق بالملي-لتر :)

    نسبه الخلط تعتمد من مكان لثاني .. بتحتاج نسبه كولانت أكبر أذا كنت تعيش في جو بارد قارس ودرجه الحرارة تنزل تحت الصفر غالباً .. والعكس صحيح .. بتحتاج نسبه ماي أكبر أو متساويه أذا كنت تعيش في جو حار .. ودرجه الـ0 ما تشوفها ..

    في جونا تقدر تستخدم نسبه الماي من 60% إلى 80% حتى .. وباقي النسبه تكون كولانت .. نادراً ما نشوف درجه الحرارة تنزل أكثر من 10 فالشوارع .. أما بالنسبه للفورويل والبر عادي مرات تشوف الـ0 وحتى تحتها بأيام الشتى ..

    وتبى الخبر اليقين .. إفتح كتاب السيارة وشوف النسبه اللي ينصحون بها ..

    وبالتوفيق

  3. #3
    الصورة الرمزية Brhoom
    Brhoom غير متصل عضو فعّال جداً
    تاريخ التسجيل
    Jan 2009
    الدولة
    22
    المشاركات
    1,320

    افتراضي

    الفايدة والتأثير ماقصر اخوي العقرب خبرك وقال ^^



    والمستوى راح تحصل على الدبة نفسها من برع محطين لك علامه ( -- MAX ) لاتعبيها كلها عسب مايستوي ضغط وتروح فيها الدبة

  4. #4
    الصورة الرمزية Bugatti
    Bugatti غير متصل محترف التعديل في منتدى الخليج للسيارات
    تاريخ التسجيل
    Apr 2007
    المشاركات
    406

    افتراضي

    مشكوررر أخوي EL_3grab .... بيض الله ويهك

    مرات يوم ابدل ايل وفلتر في ادنوك يكون الماي الاخضر لين الربع ... ويضيف عليه لين تنترس ثلاث ارباع الدبة .... ومرة بدلت عند كهربجي ... بطل الدبة كلها ونظفها عقب عباها .... شو الأحسن ؟


    برهوم ... تسلم الغالي

    بس مكتوب على الدبة متى لازم اعبيها ... يعني اذا وصلت لهذا الحد اعبيها مرة ثانية ... ولا المسألة تقديرية

  5. #5
    الصورة الرمزية EL_3grab
    EL_3grab غير متصل عضو فعّال جداً
    تاريخ التسجيل
    Jun 2006
    الدولة
    23
    المشاركات
    1,808

    افتراضي

    أكبر غلط الناس تسويه هيه إنها تعبي الدبه كامله وما تخلي مكان للماي الزايد يوم السيارة تشتغل .. وهذا مرات يولد ضغط وبالتالي كراك وليك ..

    لا تعدي خط الـMax الموجود على الدبه أبد ..

المواضيع المتشابهه

  1. استفسار بخصوص قطع غيار سوزوكي سويفت
    بواسطة GulF4CaRs في المنتدى قسم السيارات العام
    مشاركات: 3
    آخر مشاركة: 02-10-2010, 12:03 PM
  2. استفسار بخصوص الزنون الصيني
    بواسطة الهاوي جروب في المنتدى قسم السيارات العام
    مشاركات: 17
    آخر مشاركة: 27-09-2010, 02:11 AM
  3. استفسار بخصوص معرض باريس ٢٠١١
    بواسطة cllk 230 في المنتدى قسم السيارات العام
    مشاركات: 1
    آخر مشاركة: 11-09-2010, 06:00 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14