بسم الله الرحمن الرحيم

السلام عليكم

اعتقد عندنا اكثر من عضو عنده خلفيه عن الدراجات وبصراحه انا عندي اكثر من استفسار وخاصه بخصوص البانشي ، لأني غشيم وللحين مب عارف له صح ...


الاستفسار الاول هو كيف الخلطه الصحيحه فيه ناس قالت لي مع كل 21 لتر بنزين / نص لتر زيت
وفيه ناس قالت لي مع كل 21 لتر بنزين / لتر زيت

فما ادري وش الصح فيهم


الاستفسار الثاني البانشي عليه هدرز وعليه قزوز من POR Circuit304 وعليه كلتش رياضي من ASV وبستم رياضي ووجه راس رياضي من Wiseco وفلتر رياضي وبعده يحررر بسرعه فما ادري هل فيه طريقه تخليه مايحر بسرعه ، شفت اكثر من بانشي مركبين عليه راديتر ألمونيم هل ينفع لو فصلت له واحد وركبته ؟


الاستفسار الثالث عنده فتحتين للقزوز بالخلف واحد قالي لازم الاثنين يطلعون دخان بنفس المستوى يعني دايم الي علي اليسار اكثر من اليمين هل هذا يسبب مشكله لأن واحد قالي لازم تسوي ميزان الفلاتر هل كلامه صحيح ولا ؟

آخر سؤال كيف انظف الفلاتر بشكل صحيح هي من نوع K&N