>



صفحة 1 من 2 12 الأخيرةالأخيرة
النتائج 1 إلى 6 من 9
  1. #1
    الصورة الرمزية DiverUAE
    DiverUAE غير متصل عضو فائق النشاط
    تاريخ التسجيل
    Feb 2007
    المشاركات
    3,497

    Thumbs up قصيده روعه - تستاهل القراءه


    قصة بنت كانت تطالع واحد بعين قويه المهم
    الرجال. طلع شاعر وما قصر فيها و كتب كم بيت عشان.
    تتأدب لكن المفاجأه هي ؟؟
    تابع القصيدة

    يقول:

    كل شبر بهالوسيعـه ملـك ربـي تعلميـن

    وأعلم إن اللي خلقني هو خلق لـك هالعيـون

    لكن انتي من جلستي وانتـي فينـي تحدقيـن

    كن ما به ناس غيري بهالكراسـي يجلسـون

    لو سمحتي عاد أسمعي وحتى لو ما تسمحيـن

    المهـم اللـي بقولـه تسمعينـه و يسمعـون

    ع الأقل ليا نظرتك سـوي روحـك تستحيـن

    غضي طرفك مثل غيرك خوف ربعي يلمحون

    الركادة عاد زينة والحياء فـي البنـت زيـن

    وفيـك جآزم لا ركـادة ولا حيـاءٍ يذكرون

    تعرفيني ؟! أعرفك ؟! ماأذكر إنا ملتقـين

    لا أعرفك من تكوني و لا تعرفي من أكـون

    وإطمأني إن كان قصدك بس فينـي تشبهيـن

    ما هـو أنـا إلي تعرفيـه والبشـر يتشابهون

    مـا دريتـي من التشابه يخلق الله أربعيـن

    وأعرف أربع يشبهنك بـس والله يستحـون

    وإن كان قصدك شي ثاني عاد قولي وش تبين

    خايف إنا نصير فرجة وإللي ماشتروا يتفرجـون

    وإذا ببالك عاجبتنـي لا يحوشـك تحلميـن

    صح ربعي من جمالك فيـك صـار يمدحـون

    بس وش لي في حلاتك دام فيهـا ترخصيـن

    حشمة البنـت وحياهـا والكرامـة يلفتـون

    ولو توفر فيك هـذا مـع حلاتـك تبشريـن

    ما هو أنا ألف غيري بـاب بيتـك يطرقـون

    وش علامك رغم كل اللي أقولـه وتسكتيـن

    مو طبيعي هالسكوت وهالبـرود وهالسكـون

    إنتـي خرسـا أسألـك ولا منتي تسمعيـن؟؟

    قالوا ربعي ذي كفيفـة قلـت لا لا تمزحـون

    لين شفتك يوم رحتـي يمسكونـك باليديـن

    ما دريت إلا عيونـي أربـع أربـع يذرفـون

    آه ياني منه مشهـد يـوم شفتـك ترحليـن

    جيت اشوف عيون ربعي لقيت الكل يدمعون

    يالكفيفة يالعفيفة إن قلت آسف تقبليـن؟؟

    يغفر الله ذنوب عبده ليا خطا وهـل تغفـرون؟

  2. #2
    تاريخ التسجيل
    Jun 2006
    المشاركات
    6,421

    افتراضي

    بصراحه القصيده ماعليها كلام

  3. #3
    تاريخ التسجيل
    May 2007
    الدولة
    23
    المشاركات
    5,600

    افتراضي

    السلام عليكم

    صحيح كسر خاطري :(


    حكم عليها وهو متسرع

    ما هـو أنـا إلي تعرفيـه والبشـر يتشابهون

    مـا دريتـي من التشابه يخلق الله أربعيـن

    وأعرف أربع يشبهنك بـس والله يستحـون

    وإن كان قصدك شي ثاني عاد قولي وش تبين

    خايف إنا نصير فرجة وإللي ماشتروا يتفرجـون

    وإذا ببالك عاجبتنـي لا يحوشـك تحلميـن

    صح ربعي من جمالك فيـك صـار يمدحـون

    بس وش لي في حلاتك دام فيهـا ترخصيـن

    حشمة البنـت وحياهـا والكرامـة يلفتـون

    ولو توفر فيك هـذا مـع حلاتـك تبشريـن





    بس يوم قريتها للنهايه حسيتهم مالهم داعي

  4. #4
    الصورة الرمزية MSK_55
    MSK_55 غير متصل عضو نشيط جداً
    تاريخ التسجيل
    Jul 2009
    الدولة
    Aj
    المشاركات
    240

    افتراضي

    روووووووووووعه

    ما كنت متخيل هالنهايه:(

  5. #5
    الصورة الرمزية اندوك انته
    اندوك انته غير متصل مشرف سابق
    تاريخ التسجيل
    Jun 2008
    الدولة
    بوظبي
    المشاركات
    2,853

    افتراضي

    روووعه ما شاء الله ..

    ان بعض الظن اثم ..

    والله يرحمنا برحمته ..

    تسلم اخوي سيف على الموضووع والقصيده الاكثر من رائعه ..

  6. #6
    الصورة الرمزية الهاوي جروب
    الهاوي جروب غير متصل مشرف سابق
    تاريخ التسجيل
    Jun 2006
    الدولة
    28
    المشاركات
    3,900

    افتراضي

    السلام عليكم ورحمة الله وبركاته

    شكرا اخوي سيف على الموضوع الحلو ولي رجعه فيه ثانيه

    لأني قرات جزء منها وان شاء الله اكمل الباقي حين ميسره

    الف شكر لك

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14