>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    ali1987 غير متصل عضو جديد
    تاريخ التسجيل
    Sep 2009
    المشاركات
    3

    افتراضي للبيع كابرس شبه مخزن 1987 ابيض الرياض


    السلام عليكم ورحمه الله وبركاته
    حياكم الله وبياكم وسدد على طريق الحق خطانا وخطاكم

    تذكر قول الله تعالى: ( ولا تَبْخَسُوا النَّاسَ أَشْيَاءهُمْ )
    تذكر قول الله تعالى: ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

    اذكروا الله ترى العين حق يا اخوان







    الفحص منتهي وسيتم التجديد خلال الايام القادمه اعمل له تشييك قبل افحصه
    والاستماره تنتهي في 25/10/1430هـ
    السياره كابرس 1987 كلاسيك اللون ابيض الارتوب كامل الممشى 85الف ميل وشوي تقريبا 136 الف كيلو وعليها الممشى حقيقي والعداد وقف من لقافتي قبل مده بسيطه جريت السلك مدري هو انقطع والا وش سالفته كان فيه جلده واظن طاحت
    الداخليه سماوي حجم المكينه 305 والقير 200
    البودي ولله الحمد بودي بلد خالي من الصدمات والانعواجات والرش عدا الرفرف الخلفي الايمن ولم يتعدى الرفرف نهائي دقشه بمقدار تقريبا 3 الى 4 اشبار مصلحه ومصبوغه بس للاسف اللون مختلف شوي
    طبعا البويه تحتاج تجديد لها اكثر من 25 سنه والعفريـته حقه الوكاله للحين معلـقه في مكانها بالشنطه لم تنفك والمسجل طفايه الخ شغاله مابه مشاكل الدرايش الاربع تنزل وترقى شمعاته الاماميه مفكوكه وهي مع السياره في حال البيع وسبب الفك للمحافظه قدر الامكان انها تكون شد بلد وانا المستخدم الثاني

    ملاحظات على السياره للامانه :
    بها تكتكه خفيفه بالمكينه وتسعير اصلاحهامايتعدى 700 ريال حسب الورش بالرياض قالوا نص توضيب مدري وش والي قال عامود التايمن والي الكرنك بس انا ماسويت بها شي لاني مابي اوضبها الا مرتن وحده مكينته ستاندر
    يحتاج الا رديتر اصلي حق بلد من التشليح لان فيه حراره والاديتر الوطني والاردني خرطي حده 6 شهور ويبدى يتشقق
    يبي له دوده دركسون ايضا من التشليح ماتعدى 100 ريال +يحتاج الى كفرات جديده
    قفل الدرج مفكوك باحد التفتيشات من رعونه العسكري قبل مده ولاعرفت اركبه ويبي جلد للابواب ينسم سعرها 40 ريال

    عدا ذالك مافيه الا سلامتكم

    اشيـاء مع البيـعه للسياره لاني كنت ناوي اجدده بس طرت لي ظروف واضطريت ابيع
    قزازه الربع ارتوب والفيبر كامل من التنده للمثـلثات والازيـاك وازيـاك اللمبات الي بين الابواب بس اللمبات مكسوره يبي لها شرايح من الزينه في حال التركيب

    مكـان السـيــاره الــريــاض
    اخر سومـه وصـلت 8200 الف اليـوم والبيع قريب ماني طماع للحاجه والموتر نظيف




    التعديل الأخير تم بواسطة ali1987 ; 14-09-2009 الساعة 06:08 AM

  2. #2
    a7mdoo غير متصل عضو جديد
    تاريخ التسجيل
    Sep 2009
    الدولة
    الامارات الحبييبه ...
    المشاركات
    11

    افتراضي

    بصرااحه بيضا الله ويهك ... بصرااحه وبكل اماانه ما شفت انساان يبيييع بهطرييقه ... يعني ما اشااء الله ذكر كل الي يعرفه وانا اصلا من شفت الصور ماشااء الله قلت سيااره وكااله .. ما شااء الله عليها .. الله بيعطيك على قد نيييتك ... وبتوفيق وسمووحه اخوي ...

  3. #3
    ali1987 غير متصل عضو جديد
    تاريخ التسجيل
    Sep 2009
    المشاركات
    3

    افتراضي

    a7mdoo

    ووجهك اخوي والسياره ولله الحمد باقي وكاله والفحص اليوم فشل فقط بالدوده ولولا الحاجه مابعته برخيص عندي دين ولازم افكه خلال 10 ايام واخرسومه وصلت 8200 وببيعه بسومته

    شاكر مرورك وتعقيبك والله يوفقنا جميع

  4. #4
    الصورة الرمزية اندوك انته
    اندوك انته غير متصل مشرف سابق
    تاريخ التسجيل
    Jun 2008
    الدولة
    بوظبي
    المشاركات
    2,853

    افتراضي

    ما شاء الله تبارك الرحمن ..

    من عشاق الكلاسيك انا .. خخ ..

    واظني في السعوديه يسمونه تسعاوي اذا ماني غلطان ..

    والموتر شكله نظيف ما شاء الله ..

    بس عندي ملاحظه بسيطه واللي هي كلمه مساءا طبعا غلط والصحيح مساء ..

    والله يوفقك اخوي في البيعه ..

  5. #5
    الصورة الرمزية rami-z
    rami-z غير متصل عضو نشيط جداً
    تاريخ التسجيل
    Jul 2006
    الدولة
    ٢٧
    المشاركات
    236

    افتراضي

    اخوي ... شوف لك منتديات من مدينة الأحساء او الهفوف و اعرضها فيها,,

    بتجيب لك سعر ممتاز، اهل الأحساء والهفوف من عشاق هذة السيارة,,

  6. #6
    ali1987 غير متصل عضو جديد
    تاريخ التسجيل
    Sep 2009
    المشاركات
    3

    افتراضي

    [QUOTE=اندوك انته;251571]ما شاء الله تبارك الرحمن ..

    من عشاق الكلاسيك انا .. خخ ..

    واظني في السعوديه يسمونه تسعاوي اذا ماني غلطان ..

    والموتر شكله نظيف ما شاء الله ..

    بس عندي ملاحظه بسيطه واللي هي كلمه مساءا طبعا غلط والصحيح مساء ..

    والله يوفقك اخوي في البيعه ..[/
    QUOTE]
    هلابك عزيزي وشاكر لك مرورك وعلى تعقيبك بخصوص الملاحظه لاتشره ياخوك بس الواحد من ضيقته مايدري وش يسوي بحاله
    الديانه ناشبين لي ومستعجل على بيعته وجاه رزقه والحمد لله على كل حال
    اما مسمى التسعاوي بيني وبينك هالاسم يطلقونه الي ماعندهم سالفه على الموديلات غير 79 هذا هو الموديل الوحيد الملقـب بالتسـعاوي
    اما الي فاهم صح ويعرف التسعاوي لمن مايقوله الا شفر والابرقهام



    اقتباس المشاركة الأصلية كتبت بواسطة rami-z مشاهدة المشاركة
    اخوي ... شوف لك منتديات من مدينة الأحساء او الهفوف و اعرضها فيها,,

    بتجيب لك سعر ممتاز، اهل الأحساء والهفوف من عشاق هذة السيارة,,
    مشكور يابعدي والله الموتر في الحساء وفي الشرقيه والطائف والرياض بعد سعرها يوصل فوق لين 30 الف بس والله اني مضطر ومستعجل بالحيل وماعندي استعداد اني اسافر او تقدر تقول الماده مهيب موجوده عشان اسافر
    وقيمه الموتر كلها ماراح بتروح

    والحمد لله جاه رزقه وزبونين صاملين واحد بالخرج والثاني جاي اليوم من الطائف ومتواعدين العصريه يمر يشوفه واذا ناسبه للمعارض نكتب البيعه والله يبارك له وان مابغاه الرجال الثاني يحتري الاتصال ونتواعد في المعارض


    والله يرزقنا واياكم الرزق الطيب الحلال

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14