>



صفحة 1 من 2 12 الأخيرةالأخيرة
النتائج 1 إلى 6 من 10
  1. #1
    Bashar2002 غير متصل عضو نشيط
    تاريخ التسجيل
    Jun 2009
    المشاركات
    143

    Talking سالفتي مع المرسيدس


    اسمي سلطان ومن يوم كنت صغير احلم بالمرسيدس واتخيل نفسي سايقها وبديت اجمع الفلوس حقت السياره واشتغل ما خليت شغله الا واشتغتلها حتى هندي اشتغلت وقمت ادورلي على ارخص مرسيدس ما يهم النوع ولا اللون بس انا ابغى مرسيدس .... وفي يوم جاني خويي الملقوف مطلق ويقولي عن مرسيدس شكلها ررررهيب وبرخص التراب... وعلى السريع رحنا انا ومطلق لانه صاحبها يبي يبيعها ويسافر على طول ورحنا لصاحبها كان شاب من دولة عربية حلووووووووووووووو واشقر ومهيوب شكله ابد ما يوحي غير انه شي مهم وانا مطلق انبهرنا بالسياره وصاحبها كانت تشبهه بالشكل
    الشاب : شوف حبيبي انا لولا اني مسافر ما بسيتغنى عنها وحياة لولو
    مطلق: منو لولو
    انا (حبيبي يا ويل قلبي امي ما عمرها قلتلي حبيبي): اشتريها الحين
    الشاب: بس انا ما عندي وقت قلبي ما في مجال للفحص وحياة لولو
    مطلق : منو لولو
    انا: خلص يا خوي ما الها داعي شكلك واضح انك انسان محترم

    وشريت السياره ومشيت وانا انشدلها الشعر واقول
    الله على اللي وارد البشر جابه
    الموتر اللي مشغل الفكر طاريه
    ألماني التصنيع ماشخص عابه
    ربحان من ياخذه ياحظ راعيه
    راحه وثابت فوق هذا ذرابه
    والدرب مايتعب على من ركب فيه
    مرسدس مركب عز وأيضآ مهابه
    أيه افتخر لاصرت ياناس شاريه

    ومن ذاك اليوم وكرهت اي شي مرسيدس... السياره طلعت عكس ما قاله سعيد صالح في مسرحية العيال كبرت " كل حته فيها سليمه بس لوحدها" هذه مجمعه بس ما لقيت فيها شي سليم الـ ..................... حتى الكراسي والمرايات .... ما ادري شلون انعميت وما شفت شي وكان بيها علامة مميزة موجوده .... الي يركز عليها يلاقي مكتوب مع تحيات لولو
    ومن يومها وانا ادورلي على مغفل متلي يشتريها ابي اخلص منها .... لحين ما قررت اعلن عنها في التلفزيون عن طريق قناة عرب موتورز حقت بيع السيارات... وجاني اول اتصال

    المتصل: معك خلف الله السراج من السودان الشقيقة
    انا : حياك الله خوي
    المتصل: يا زول الـحديدة دي كم تسوى .... الحاجة دي دسيسة
    انا : والله يا خوي على حسابك
    المتصل: واللهِ ماقصرت يازول والله يخليك لوالديك وانت زاااااتك يدخلك الجنه بيكوراعك اليمين ياراجل ياطيب
    انا : بس ترى يا خوي هي غاليه عليك شوي
    المتصل : الخيل تجقلب والشكر لحماد
    وسكر الخط بوجهي

    وبعتها اخيرا وبعد اسبوع وانا جالس اتابع نفس القناة لقيت السياره معروضه من بلد تانية والاسبوع اللي وراه من بلد غير الي قبله
    لحين ما مره نزلت من بيتي والاقي خويي مطلق واقف ومحتاس...
    انا : عسى ما شر يا مطلق
    مطلق: توهقت بالسياره
    انا: وينها "الا وهي نفس السيارها"
    انا : هههههههههههههههه والله تستاهلها وحياة لولو
    مطلق : منو لولو

    الدروس المستفادة:
    1-لا تصاحب واحد اسمه مطلق
    2- لا تصدق واحد يعرف لولو
    3- شوف عرب موتورز لتتعرف على خلف الله السراج

    انتهى



  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    سالفة كلها مين لولو


  3. #3
    Bashar2002 غير متصل عضو نشيط
    تاريخ التسجيل
    Jun 2009
    المشاركات
    143

    افتراضي

    حياك الله grandv8 grandv8 grandv8 grandv8

    ايه للحين ما حد عرف منو لولو

  4. #4
    الصورة الرمزية DONmannai
    DONmannai غير متصل عضو متميز
    تاريخ التسجيل
    Aug 2008
    الدولة
    الله يا عمري قطر
    المشاركات
    2,907

    افتراضي

    لولو مب هذي الي في مجلة ماجد وشقيقها رشود:D

  5. #5
    الصورة الرمزية اندوك انته
    اندوك انته غير متصل مشرف سابق
    تاريخ التسجيل
    Jun 2008
    الدولة
    بوظبي
    المشاركات
    2,853

    افتراضي

    لولو الصغيره لولو هيا يا اطفال لولو . ههه مال اواااااااااااااااااااااال ..

    بس السالفه صدق حلوة بس احس فيها لف ودوران خخخخ يعني مثل ما يقولون بهارات ..

  6. #6
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    افتراضي

    يقول الشاعر:

    اللي ما يعرف الصقر، يمد رجوله على قد لحافه، وبعدين يسويه بيض طماط! ;)

صفحة 1 من 2 12 الأخيرةالأخيرة

المواضيع المتشابهه

  1. استفسار لخبراء المرسيدس - S-CLASS مهم جدا
    بواسطة toogoo في المنتدى قسم السيارات العام
    مشاركات: 5
    آخر مشاركة: 24-09-2010, 09:33 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14