>



النتائج 1 إلى 3 من 3

الموضوع: مشكله زهقتنى

  1. #1
    المساهر غير متصل عضو جديد
    تاريخ التسجيل
    Nov 2009
    الدولة
    السعوديه
    المشاركات
    3

    افتراضي مشكله زهقتنى


    تحياتى للجميع


    عندى استفسار اذا تكرمتم علينا بالاجابه

    استفسارى او مشكلتى كالتالى :-

    لدى يوكون دينالى 2003

    وبصراحه اول تجربه لى بالامريكى لان جميع سيارتى السابقه يبابانى


    المهم

    مشكلتى عند شرائى للموتر قمت بفحصه بمركز فحص للكمبيوتر من المعرض الى الفحص فورا وقرر مركز الفحص بان مشكلته فقط بالمساعدات والتصفيه .. فقط

    وفورا اشتريت الموتر وكلمت مركز صيانه باستلامه وتغير جميع ارضيه الموتر ( مساعدات =اذرعه=مقصات اماميه =اذرعه شاص =كراسى مكينه= ييات خلفيه =جميع الفلاتر =وتغيير الزيت ) وطبعا انا قلت ابغير هاذى كله وارتاح رغم ان القديمه زينه لكن قلت افضل طبعا القطع وكاله وانا اللى جبتها من الوكاله لانى خفت يجبون تقليد . وقالوا لى الوكاله ان المساعدات هيدروليك قلت لا ابحولها عادى مابى هيدروليك ( غالى ) .

    المهم خلصوا التركيب وقال المهندس ان المساعدات الخلفيه هيدروليك قلت لاترميها حطها بكيس بالسياره ( صدفه ) كلمتى له لاترميها لان ماعندى خلفيه عن موضوع المساعدات الهيدروليك _

    المهم خلص وكلمت محل التلميع يشيله من الورشه لهم ويلمعونه كامل ( على وقتها الدراهم واجده فرق السعر بين الجيب والجمس ههههههه قلت ابتونس انا وورعانى برحله بدون حساب )

    المهم خلص الموتر وكلمنى مركز التلميع وجيت استلمته ..

    المهم مشيت من عند المركز بصراحه فرق المركب بيه وبين اليابانى كثير وراسى ومكينه جباره ودعسه على كيف كيفك الله يبارك فيه ويستر عليه .

    بس يوم جيت طريق شبه مكسر ( طريق شاحنات ) الموتر قام يلعب تقل بمرجيحه او كنه اعرج وبالخط السريع مابه شى لو تصفى الطبلون واستغربت ..

    كلمت خوياى معهم جموس ضحكوا قالوا عادى وش عرفك من جيب لجمس اختلاف السماء عن الارض .

    المهم زاد الموضوع ولعب فينى الهاجوس رحت لافضل ميزان بالرياض قال هاذى المساعدات بس عندك مشكله بانحراف الكفر الخلفى يبيله كبس يعنى ممكن تخف المشكله 70%

    قلت سوه قال بال 2000 قلت ماعندك مشكله

    صلحه وطلعت من الميزان نفس المشكله بس خفت شوى وعجزت ارتاح رجعت المساعدات الاوله الخلفيه فقط خفت شوى بس المساعدات الخلفيه يقولون خربان واحد والبعض يقول مابها شى المهم رحت الواكاله قالوالى سعره غالى مره الامامى والخلفى تتجاوز ال7000 ريال واللى يقهر يقولون مانضمن المشكله تروح .

    وش رائكم الموتر طيب ماشالله عليه بس هاذى المشكله

    هل فيه طريقه او مساعدات تكون قويه بمستوى قوه الهيدروليك وغير مكلفه

    والله تعبت وكرهت السياره ولعنت اليوم اللى شريت فيه مستعمل او امريكى

  2. #2
    اهلا اهلا غير متصل عضو شرف
    تاريخ التسجيل
    Feb 2008
    المشاركات
    422

    افتراضي

    وعليكم السلام ورحمة الله .


    الافضل تغيير المساعدات الاربعه حتى يكون توازن بالسياره .

    وضروي جدا وبعد تغيير المساعدات اجراء وزن الكتروني للسياره ,
    الجهه الاماميه والخلفيه للسياره معا .

    افحص مدى سلامة الاطارات والجنوط .

    افحص مدى سلامة كراسي المكينه .

    والله اعلم .

  3. #3
    تاريخ التسجيل
    Jul 2006
    الدولة
    24
    المشاركات
    1,637

    افتراضي

    مممممممممم هو بشكل عام اخوي اليوكن القديم ماحسه راسي وايد مثل الكروزر يوم اسوق سياره اخوي الي مثل سيارتك اخاف اسرع فيها في المنعطفات و يوم يكون في هوه قوي

    اتوقع ممشى سيارتك طبيعي هو الجمس رفيع و مو انسيابي مع ضربه الهوه ما اعتقد عندك مشكله جوهريه

المواضيع المتشابهه

  1. مشكله في الراف فور
    بواسطة قلوب الامارات في المنتدى قسم السيارات العام
    مشاركات: 4
    آخر مشاركة: 18-09-2010, 11:56 PM
  2. مشكله في ارتفاع الحراره شفر LTZ 2004
    بواسطة morphin في المنتدى قسم السيارات العام
    مشاركات: 4
    آخر مشاركة: 28-08-2010, 05:33 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14