>



صفحة 1 من 3 123 الأخيرةالأخيرة
النتائج 1 إلى 6 من 16
  1. #1
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    Exclamation سالفتي ويا الخدم .. فلم هندي!!


    السلام عليكم ..

    للأسف الشديد في بيتنا احنا نعتمد على الخدم بشكل كبير، عندنا 3 خدامات وطباخ وسائق!
    المهم اليوم صارلنا موقف مع هالثلاث خدامات، سرقوا أكثر من 15 الاف درهم ومجوهرات وملابس وأدوات المطبخ وبعض الأمور الأخرى، حتى انهم فتحوا "التجوري" أو الخزنه وأخذوا جوازاتهم وبعض الأوراق، لأنهم ببساطه شديده يعرفون مكان المفتاح!

    الحين السالفه مب جذي، هم مخططين لهذه السرقه من عدة أيام، كانوا يسرقون بالتدريج أول شي الملابس والأحذيه وأدوات المطبخ، ويخشونها في غرفة صغيره عندنا في الحوش محد يفتحها الا نادراً، وفي آخر يوم اللي هو يوم الشرده الظهر أو العصر تقريبا دخلوا الغرف وسرقوا جوازاتهم وحطوها ويين؟ في الغرفه الصغيره اللي في الحوش! لين هني محد أكتشفهم وكانوا يشتغلون في البيت بشكل طبيعي على أساس أنهم يشردون بعد نص الليل.

    المهم المغرب بعد الصلاه كنا قاعدين في الصاله ولا فجأه أسمع الأهل يقولون في مبلغ مسروق!! وكانت وحده من الخدم قاعده ويانا في الصاله، جان أقولها وين باقي الخدامات؟ قالت في المطبخ اللي برع، قلتلتها بسرعه ناديهم الحين، أنتظرت 5 دقايق! 10 دقايق! ربع ساعه!! شو السالفه وين سارت هذي؟ دورنا عليهم في البيت ما حصلناهم، واكتشفنا أنهم شردوا بعد ما سرقوا البيزات والمجوهرات!

    عاد أنا وأخوي دقينا مواترنا سلف وقمنا ندور عليهم في الفريج من مسيد لمسيد ومن دكان لدكان بس مول ما حصلناهم! وين ممكن يشردون خلال نص ساعه؟ توهم كانوا في البيت!

    يوم ردينا البيت لمحت ليت الغرفه الصغيره شغال! وهالغرفه مثل ما قلت محد يدخلها الا نادراً، الظاهر هم مشغلين الليت وناسينه يوم كانوا يحطون أغراضهم فيها! عاد يوم دخلنا الغرفه اكتشفنا انهم نسوا شنطة ملابسهم والجوازات والاوراق كلها في الغرفه الصغيره من خوفهم وغبائهم!

    يعني هم الحين شاردين بدون أغراضهم وملابسهم، بس وياهم البيزات والمجوهرات، المهم أنا اتصلت في الشرطه وبصراحه ما قصروا خلال 10 دقايق هم عند البيت مع التحريات، وقاموا بشغلهم على أكمل وجه وخذوا البصمات من الخزنه والأبواب.

    وجاري البحث عنهم وان شاء الله نحصلهم في أقرب وقت، المهم يا جماعه نصيحه أخويه اللي عندهم خدامات في البيت لا تخلونهم يعرفون أماكن المفاتيح مثلا مفتاح الكبت أو السياره أو التجوري، لأن حتى لو حطيت جوازاتهم في التجوري بأمكانهم يسرقونه خلال ثواني لو يعرفون مكان المفتاح.

    وسلامتكم ..

  2. #2
    تاريخ التسجيل
    Nov 2007
    المشاركات
    1,463

    افتراضي

    وعليكم السلاااام


    كل عام وانته بخير.


    الله ستر ونسوا جوازاتهم. ان شاءالله يحصلونهم. ترا هاي المشكله يوم تغفل عن شي وتثق فيهم. وايد بشكاير شردوا من عدنا بس الحمدالله بدون سرقات.

    ذكرتنا ببشكارتنا اللي نظفت البيت وعقب هررررربت خخخخخ


    الله يعينكم ويردون الذهب و البيزات

  3. #3
    الصورة الرمزية المشاغب2
    المشاغب2 غير متصل مشرف سابق
    تاريخ التسجيل
    Jul 2008
    الدولة
    -
    المشاركات
    5,350

    افتراضي

    اخوي عبدالله الغلط منك كيف تخاي الخدم يعرفون مفاتيح بيتكم

  4. #4
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    المفروض ماكان تعطونهم هالثقه الزايده .. خدم مهما تعاملهم زين بيحقدون عليك ويصرقونك !!


    انشاء الله اييبونهم وخلاص جوازاتهم عندكم يعني كل شي تمام

  5. #5
    الصورة الرمزية fALCON
    fALCON غير متصل مشرف عام
    تاريخ التسجيل
    Jul 2006
    المشاركات
    3,976

    افتراضي

    ههههه المفروض ينسون كل شي إلا الجوازات .. صدق فلم هندي :)
    الله يعوضكم بالخساير وإن شاء الله يكلبجونهم

  6. #6
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    الله لا يوفقهم هاييله البشاكير لا دنيا ولا آخره


    و احنه بعد من شهرين عندنا مشكلة


    عندنا 3

    اندنوسيتين و فلبينية

    في يوم من الايام نشينا الصبح و خبرونا بان الفلبينية جاهضه !!!!!!!!!!! كيف ليش متى و وين .! كل هذا ما ندري


    و طلعوا الاندنوسيات يدخلون رياييل البيت من سنتين و احنه في خبر خير .!!!!!!!!!!!!!


    كل هذا بسبة الوالدة اللي تحن عليهم اكثر من عيالها -_- ..

    كل ما قلنا شي قالت حرام هاييله بنات و يايات من بلادهن و مغتربات .. و تعبانات

    و القهر ان ما في حد في البيت غيري انا و الوالد و الوالدة -_-

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14