>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    الطنايا غير متصل عضو جديد
    تاريخ التسجيل
    Nov 2009
    المشاركات
    5

    افتراضي دودج نيترو 2008 ..مشكلة زين الجير


    السلام عليكم
    شخباركم سباب؟
    عيدكم مبارك وعساكم من عواده

    قبل اسبوع شريت سيارة دودج نيترو 2008 وجربتها قبل يومين برمال الشاطئ عندنا ..طبعا انا من عمان وبالتحديد صلالة والي يعرف صلالة يعرف نوعية الرمل الي على شواطئها ، المهم جربت السيارة بالرمل والحمد لله كانت ممتازة وماعليها غبار بس طادفتني مشكلة وهي أن زيت الجير يسخن بسرعه وتظهر عندي علامه الخاصة فيه !!!؟؟ طبعا لازم اخلي السيارة ع الـ N وتكون المحرك شغال لين يبرد الزيت وبعدها تختفي الاشارة .. فما أدري هل هذا عيب أو أني أنا عملت شي غلط... طبعا أنا استخدمت ببداية نزولي للرمل 4ويل واستمريت عليه وهناك بعد فيه ميزة (Tow / HAUL ) وانا بصراحه معرف هل أقدر أستخدم هالميزة أثناء القيادة في الرمل والاماكن الوعرة أو لا وهل يفضل أني استخدم 2ويل كبداية نزولي للرمل واستخدم 4ويل لما احس عزم السيارة يقل يعني قبل لا تغرز بالرمل ؟؟؟؟
    وكيف أقدر أستخدم السيارة بالرمل بدون ما يسخن زيت وبدون ما تظهر لي الاشارة الي ذكرتها سابقا؟

    اتمنى من أصحاب الخبرة أنهم يفيدوني

  2. #2
    Banker غير متصل عضو نشيط
    تاريخ التسجيل
    Oct 2009
    المشاركات
    117

    افتراضي

    وعليكم السلام اخوي وكل عام وانت طيب

    مشاكل الحرارة شائعه كثيرعند دودج وجيب.. وخصوصا في الرمل.. دامها جديده ردها للوكاله وافحصها.. مع اني اتوقع ان السيارة مافيها شي ولكن هي طبيعتها ما تتحمل

  3. #3
    الطنايا غير متصل عضو جديد
    تاريخ التسجيل
    Nov 2009
    المشاركات
    5

    افتراضي

    اقتباس المشاركة الأصلية كتبت بواسطة Banker مشاهدة المشاركة
    وعليكم السلام اخوي وكل عام وانت طيب

    مشاكل الحرارة شائعه كثيرعند دودج وجيب.. وخصوصا في الرمل.. دامها جديده ردها للوكاله وافحصها.. مع اني اتوقع ان السيارة مافيها شي ولكن هي طبيعتها ما تتحمل


    مشكور أخوي
    انا بردها للوكالة وبسألهم عن المشكلة
    بس أتوقع أن في استخدام غير للدبل وأنا ما عرفت فيه لأني بصراحه هذه ثاني مرة بحياتي أسوق بالرمل
    وأتمنى بعد الي يفيدني ما يبخل علي بمعلوماته

  4. #4
    Banker غير متصل عضو نشيط
    تاريخ التسجيل
    Oct 2009
    المشاركات
    117

    افتراضي

    شي ثاني

    في دبل ثقيل وخفيف 4L & 4H

    الثقيل طبيعي يصخن.. والمفروض ما يستخدم إلا في التغاريز

  5. #5
    الطنايا غير متصل عضو جديد
    تاريخ التسجيل
    Nov 2009
    المشاركات
    5

    افتراضي

    اقتباس المشاركة الأصلية كتبت بواسطة Banker مشاهدة المشاركة
    شي ثاني

    في دبل ثقيل وخفيف 4L & 4H

    الثقيل طبيعي يصخن.. والمفروض ما يستخدم إلا في التغاريز

    الي يوجد بالسيارة (4WD) فما أدري هل هذا هو الدبل الثقيل أو الخفيف
    وعشام الاطلاع أكثر يا ريت تشوف هالرابط رابط تقدر تتعرف على السيارة أكثر وأكثر وممكن تتضح لك الصورة وتقدر تفيدني
    تجربه خفيفه لدودج نيترو 2008 4*4


  6. #6
    Banker غير متصل عضو نشيط
    تاريخ التسجيل
    Oct 2009
    المشاركات
    117

    افتراضي

    السلام عليكم

    اللي يبدو لي إن السيارة فيها دبل خفيف بس ومافيها ثقيل.. ولكن اعتقد ان الدفع الرباعي فيها هو Select Track I وهذا النظام يعمل على قفل احد المحاور وتحويل جزء من الطاقة لمحور الآخر.. مثلا السيارة غرزت وصار الكفر الخلفي يدور بوش(في الهوا) السيارة تقفل المحور الخلفي وتعطي العزم للأمامي لأن الكفرات قدام ممكن تسحب السيارة وتطلعها من التغريزة.. يعني اللي عندك أوتو دف لوك وهذي ميزة ممتازة في البر

    ولكن تسبب ضغط على المحاور وزيت المحاور.. طبعا سيارات الفور ويل المفروض تتحمل الى حد ما.. ولكن الأمريكي كله يصخن.. والدودج بزيادة

    تخيل السيارة 210 حصان.. تخيل توجهها كلها او جزء كبير منها لعجلتين.. بيكون الضغط مضاعف


    المشكلة انو دودج وجيب تجاربها كلها على الصخور والطين.. وفي جبال الروكي.. والجو هناك باااااارد.. ومافي اي تجارب ابدا للرمل والحرارة العالية ولذلك الشركة تخسر

    غير كذا حتى جيب تدعي القوة في عالم الأوف رود وهي ما عندها سالفة.. السيارة نازلة.. ورفارفها صغيرة ما تتحمل كفرات بر.. ولا كفرات أكبر.. وما تتحمل حرارة.. يعني هذي أولويات القياده على الطرق الوعرة


    أنا كانت عندي شيروكي 1997.. وكانت روعه وسواقتها حلوة.. ولكن نفس المشاكل.. وتخيل أكثر من 13 سنة وما قدرو يحلون المشاكل.. وبالعربي مافكروا لأن عندهم ناس متخلفة في قسم التصميم

    كل موديل ينزل.. تروح للوكيل وأول ما يقول لك حلينا مشكلة الحرارة... وطبعا نصاب

    الآن الجراند شيروكي الجديد.. تدعي الشركة أنو هكل السيارة أصلب من هيكل التيوتا و BMW X5 وطبعا ادعاء آخر.


    ولكن بالنسبة لك عشان ما تضايق... سيارتك انت اشتريتها بسعر متاز نسبيها.. وما راح تحصل سيارة فور ويل بها السعر ونفس الفئة.. واللي اعجبني هو انك ما شريت كامل المواصفات.. لأن الأمركي بصراحه حده استاندر.. وكذا يكون الواحد فعلا استفاد من فلوسه


    والسيارة زينه في الرمل.. ولكن لا تروح في الصيف.. او في الظهر.

    ولا تنسى تسأل الوكالة


صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14