>



النتائج 1 إلى 3 من 3
  1. #1
    b.b.b غير متصل عضو جديد
    تاريخ التسجيل
    Jul 2006
    المشاركات
    37

    افتراضي حقيقة عرض الجميح


    السلام عليكم ورحمة الله وبركاته

    ياجماعة انتبهوا!!!!!


    فيه عرض عند الجميح يبيع سيارات بسعر رخيص جدا


    السيارات هذي غرقت في الفيضانات الاخيرة في جدة وبعد ما استلم الوكيل تعويضاته من التامين قام يصرفها!!!!!!

    والمشكلة انه يقول ماعليها ضمان!!!!


    خذواا الحذر .....وخصوصا ان المعروض يشمل موديلات 2006 يعني فيه منها شي من اللي لحقه حريق


    شوفوا الاعلان






    وهذ صور مستودعات تويوتا












    الحذر ثم الحذر ثم الحذر







    رد من الردووووووووووووووووووووو ووووووووووووووووووووووووو ود









    امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!
    بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط
    طبعا حسب الاعلان المعروض

    لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!

    قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة

    كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!

    طبعا المسئول يقول للوالد السيارة لك ؟؟ قال لا !!
    قال طيب شخص يعز عليك ؟؟ قال ايه لولدي السيارة !!

    قال ما انصحك !! طيب ليه ؟؟

    قال كل هالسيارات اللي بالعرض جايه من مخازن جده ولاعب فيها السيل لعب !! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمان
    هذا اللي صار معي امس والله شاهد على كل حرف كتبته .....

    وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل

    فعلى كل من بيشري سيارة جديده الانتباه لهالنقطه










    منقول



    بعض الردووووووووووووووووووووو ووووووووووووووووووووووووو وووووووووووووووووووووود ايضا



    كلنا سمعنا عروض الجميح



    ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع .



    في اليوم الثاني جيت ومعي دفتر الشيكات عشان أسدد



    قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال )



    قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف



    قلت ماعندي مشكلة , قال خذ وقع على التعهد



    قريته كالتالي :



    بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية :



    نوع السيارة
    اللون
    الموديل
    السعر



    دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني .



    قلت للمصري مامعنى وخلافه ؟
    قال لو تجيك السيارة تشليح ماراح تحصل فلوسك لأنك وقعت بالعلم .








    ودور محامي بخمسين ألف يطلع فلوسك بعد ثلاث سنين اذا تورطت



    منقول من مكشات
    .................



    اطلعوا على الورقه وشوف كيف العقد بصفه
    و يخليه من المسؤولية

  2. #2
    الصورة الرمزية K H A L E D
    K H A L E D غير متصل مشرف عام
    تاريخ التسجيل
    Nov 2006
    الدولة
    KSA-buraydah
    المشاركات
    6,508

    افتراضي

    واحد من اخوياي قدم عليهم يبي تاهو
    عطوه ورقه او ( استماره ) لتعبئة بياناته
    كمل اوراقه وكل شئ
    المهم
    يوم قدم اوراقه قاله الموظف المصري
    اذا شفت السياره وصار فيها صدأ مالنا دخل فيك !!!!!
    خوينا تعجب من كلامه والمشكله الكبيره انه دافع عربون!!!!

    واكثر الناس استغربو من عروضه القويه لدرجة ان الواحد بدأ مايصدق هالشئ.....

    الله المستعان

  3. #3
    عالم مشاعر غير متصل عضو فعّال
    تاريخ التسجيل
    Jun 2006
    المشاركات
    584

    افتراضي

    و عليكم السلام و رحمة الله و بركاته

    للأسف بعض الوكالات تلعب على الناس اللي محتاجة توفر قرشين و تبي تشتري سيارة بسعر معقول

    الشرهة مهيب على الوكيل ، الشرهة على وزارة التجارة و على حماية المستهلك

    الله ينتقم من كل من يريد أذية الناس

المواضيع المتشابهه

  1. عرض 30 مخالفة رصدتها كاميرات الطرق في أبوظبي اليوم
    بواسطة روح زايد في المنتدى قسم السيارات العام
    مشاركات: 0
    آخر مشاركة: 26-09-2010, 07:55 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14