اريد اركب نظام تثبيت للسرعة

skyline_z07 · 13-10-2006, 05:10 AM

كيف حالكم

اخواني بغيت اعرف اذا كنت اقدر اركب نظام تثبيت للسرعة

في سيارتي لاند كروزر GX-R 6 سلندر قير اوتوماتيك

مع العلم انه السته قير عادي رقم واحد فيه مثبت للسرعة

وانا كل يوم اطلع خطوط

فبغيت اعرف هل ممكن والا لا

وانا من الامارات ساكن بالشارقة

وبانتظار ردودكم

PORSCHE · 13-10-2006, 05:54 AM

والله مااقدر افيدك اخوي سكايلاين

بس باقي الاعضاء ماراح يقصرون معاك بإذن الله

loolicpolic · 13-10-2006, 09:34 AM

هلا والله..

أنا بعد عندي استفسار، بس أنا أبغى أركب فوليوم كونترول في السكان.. أو بمعنى أصح، أبغى أغير سكان الكروزر إلي عندي وأركب واحد مال كروزر 2006 في إكس آر، طبعا يجي فيه شغلات كثيرة مو عندي.. يا ترى أقدر أركبه والكهربائي يوصل كل شي مكانه؟

وبالنسة لمثبت السرعة، أبغى أركبه على سيارة ثانية عندنا، فهل من الممكن ذلك؟

تحياتي..

skyline_z07 · 13-10-2006, 06:33 PM

PORSCHE

مشكووور

على المرور ومثل ما قلت ان شاء الله الاعضاء بيساعدونا

loolicpolic

شكرا على المرور وانا بس ابا اركب المثبت

وان شاء الله احد يساعدنا باستفساراتنا

Sayedco · 13-10-2006, 06:46 PM

الهوندا برليود موديل 93 ينزل فيه مثبت سرعة

و الكروزر الموديلات 2000 و فوق لحين مب أساسي :s

الله يعينك أخوي ، آنا أقول روح اسأل الكراجات المتخصصة في شغلات الكهرباء احسن

EL_3grab · 13-10-2006, 06:49 PM

كل شي يستوي .. بس أكيد الوكاله م بتسويلك .. دورلك كراج فاهم وعارف في هالشغلات .. وبتحصل اللي تباه .. بس أهم شي الموديلات تكون متقاربه ..

في أختلاقات بين الأستيشن 98-00 و00-02 و03- وطالع .. يمكن تأثر ويمكن لآ ..

skyline_z07 · 14-10-2006, 03:32 AM

Sayedco

والله شو اقولك غير انها تويوتا

ومعروفة بان اقل المواصفات راح تلاقيها بسيارات تويوتا اللي عندنا

واذا بغيت المواصفات الاساسية اللي مفروض اتكون اساسية

كالABS,ومثبت السرعة والسيدي((على الاقل سيدي واحد مو لازم شينجر))

فما راح اتلاقيها اللي بسيارات رقم واحد وهذا الشي على كل طرازات تويوتا وعاد من زينت المواصفات اللي في سيارات الرقم واحد حتى وهي رقم واحد فيها الكثير من الاشياء والواصفات الغير موجودة واللي مفروض اتكون موجودة

EL_3grab

انا متاكد ان في كهربجي يقدر بس وينه

يبالي اروح الصناعية واخذ لفه هناك

والوكالة ما شاء الله اسعارهم مغرية من 1000 وفوق

ومشكوووورين على المرور