ممكن مساعده بالفلتر

b+r=l · 15-10-2006, 04:40 AM

بسم الله الرحمن الرحيم
السلام عليكم

انا يا شباب شريت فلتر هواء او فلتر ريس المهم الفلتر اسمه itg رقمه jc60/70 لونه اخضر

على فكره انا شريه من الامارات

يقول الرجال الي شريت منه الفلتر انه هذي الشركه ماتسوي الفلتر الا للفرق الي في السباقات بس كثر الطلب عليهم قامو يبعونه للناس و ان الفلتر صناعه يدويه واذا انشق القلتر رجعه وخذ جديد يعني يقول انه احسن من k/n وانه يعطي والله اني ما اذكر هو 9 او 13 حصان

رحت اليوم عشان ادور وصله للفلتر رحت لمحل اسمه شباب سبيد بالخبر قالي ان الفلتر عادي يعني ماسوي فرق ولا يعطي احصنه يعني زي حق الوكاله

انا ما صدقت و الصراحه دخلت الموقع حقهم ما عرفت شىء ممكن تعلموني اي واحد اصدق وممكن تشفولي اشلون انظف الفلتر

www.itgairfilters.com

وسلالالالالالالالالامتكم

DRAGON · 01:34 PM

هذا مثال للفلتر قبل و بعد على السيفيك تايب ار

b+r=l · 05:41 PM

طيب انت وش رايك فيه ممتاز او لا يعني احسن من الفلاتر الثانيه

وكم يعطي من حصان

Sayedco · 15-10-2006, 08:45 PM

تأثير الفلتر يعتمد على سيارتك

و ترا تقدر تطلع أحصنة أكثر بدون فلتر ، الشطارة مو في اخراج الأحصنة زيادة على الفاضي ، الشطارة في اخراج أحصنة بدون أن يدخل غبار للمكينة

و ترا كل فلتر له رقم خاص بأكبر حجم لحبات الغبار تقدر تدخله ، و هو بالميكرون عادة

و آنا أشوفه زين ، و ترا ما عليك من كلام الرجال إنه مصمم حق سباقات ، حتى k&n مصمم لنفس الغرض

إذا سيارتك تيربو أو مكينته كبيرة وايد بيعطيك فرق ملحوظ "خاصة التيربو"

bashar_255 · 15-10-2006, 09:06 PM

ويش سيارتك ؟

ويش محركها ؟

كم مديلها ؟

b+r=l · 16-10-2006, 03:11 PM

الصراحه السياره تويوتا هيلوس بك اب اربعه سلندر 2700cc كربوريتر

bashar_255 · 17-10-2006, 02:55 PM

الفلتر ما بيعمل لك شي لأن قدرات محركك محدودة

يعني شي طيب لو زادك 3-4 حصان

تقبل تحياتي ،،،

uae speed · 17-10-2006, 03:38 PM

الفلتر على المكاين الصغيره تأثيره محدود جدا ً ، يمكن ما بتلاحظ فرق في اداء السياره ..
بعكس المحركات الكبيره مثل الموستنق واللومينا .. النتائج تكون افضل ..

عموما ً حط لك عوامل مساعده للفلتر مثل الهدرز والقزوز والبلكات والبكرات .. وبتلاحظ فرق في المشي ..

b+r=l · 17-10-2006, 11:03 PM

مشكورين وما قصرتو وتعبتكم معي

النوبي · 24-10-2006, 01:59 AM

أخوي العزيز b+r=l
اسمحلي عالرد المتأخر بس والله انا توني عضو من كم يوم مولود في هالمنتدى الحلو
الأخوان جزاهم الله خير ماقصرو وردوهم حلوة ومقنعة
بس في معلومة انا ابا اضيفها ناس كثار فاهمينها غلط
طبعا السيارة كالانسان بالظبط في كل شي
الفلتر وظيفته بالظبط نفس وظيفة الكلينكس
طيب تخيل لو انك تبا تركض ركض سريع سريع سريع ( التكرار 3 مرات للتأكيد لا أكثر )
طيب الأفضل انك يوم بتركض تحط كلينكس على فمك وخشمك ...؟
أكيد لأ لأنه بيتعبك شي اكيد
طيب أكيد استفهامات الدنيا طلعت من راسك, وأولهم عيال شو فايدة الفلتر
الفلتر فايدته بس انه ينظف الهوا الداخل للماكينة ويصفيه من التراب عشان التراب والغبرة اللي في الجو لو دخلت للماكينة أكيد بتأثر فيها وبتنقص من عمر المحرك
والفلاتر اللي تصنعها شركات التزويد كلها واحد بس انا مقتنع ب K/N إلا ان كلهم واحد والفلتر اللي انت تتكلم عليه في الأغلب انا عرفته شكله مدور شوي ولونه أخضر وفيه شبك شبه خيوط العنكبوت
عالعموم الفلاتر كلها تقريبا نفس القوة بس ماتعطيك القوة اللي هي انت لو تبا شي عدل وصدقني ما بتندم عليه ومب الخطورة اللي انت تتوقعها روح ركب نوس استيج 1
بسيط ومب خطير وبيكلفك في حدود 1500 درهم مابيزيد
أو سوي نفس ما سوى ربيعي راح بدل الماكينة حط ماكينة سوبرا 2j وانت والخير رباعة

كإني طولت عليكم شوية ....!