>



صفحة 1 من 4 1234 الأخيرةالأخيرة
النتائج 1 إلى 6 من 23
  1. #1
    الصورة الرمزية اندوك انته
    اندوك انته غير متصل مشرف سابق
    تاريخ التسجيل
    Jun 2008
    الدولة
    بوظبي
    المشاركات
    2,853

    افتراضي حصريا .. تغطية Fiat 500 لموقع الخليج للسيارات


    بسم الله الرحمن الرحيم ..

    السلام عليكم ورحمة الله وبركاته ..

    شحالكم يا شباب المنتدى ..

    حبينا نعرض لكم التغطيه الحصريه لفيات 500 ..




    والتغطيه طبعا من الغربيه للسيارات الوكيل الحصري في مدينه ابوظبي ..



    معلومات عن السيارة..
    Engine: 1.4 L 16V Lounge , 4 cylinders in line
    Output: 100 bhp @ 6000 rpm
    Torque: 131 Nm @ 4250 rpm
    Top speed: 220 Km/h
    Acceleration: 0-100 Km/h = 10.5 Sec
    Safety: Brakes= ABS with EBD, Disc, EPS + ASR/MSR, HBA e Hill holder
    Airbags:Dual stage drive & passenger, Side, Window & Knee, Fire prevention system, Seat

    belt with buckle sensor, Front fog lights.
    Comfort: Electronic antitheft Fiat code, Dual drive power steering, Power windows &

    centralized locking, Door opening/closing with Remote Ctrl, Trip computer, Follow me head

    lamp, Wing mirrors with electric adjusment, Defrosting & Exterior temperature sensor.
    Warranty: 3 years or 60,000 KMs whichever comes first.

    طبعا السيارة اللي مسوين عليها التغطيه نفس المعلومات اللي موجوده في الاعلى ..

    صور للسيارة ..

    من الامام


    من زاويه اخرى


    من الجنب


    خلفيه الموتر


    من زاويه اخرى




    المحرك


    زاويه اخرى


    الحين ننتقل لداخليه الموتر كما تشوفون الجلد ومن وجهه نظري انه من الجوده الممتازه


    زاويه اخرى


    ههه لازم يخرب .. خخخخخخ طبعا هذا واحد غايب من الساحه وهو اخونا البرواز ..


    داخليه الموتر جميييييله جدا ما شاء الله


    الكراسي الداخليه


    السكان طبعا نفس ما انتم ملاحظين .. انه في مكان للصوت ولتغير المحطات وايضا مال البلوتوث..




    عداد السياره


    لرفع وخفض مستوى ليت السياره


    نظره عامه للموتر من داخل


    قير ومسجل السياره


    مسجل السياره


    مكان الاكواب والبلوتوث


    طبعا الداش بورد يكون بلون السياره (في صور بتوضح لكم عقب).. وكما تشوفون شعار 500


    نظره عامه


    الازرار لفتحه السياره


    فتحه السياره


    صورة من باب الراكب


    الطريق الى الكرسي اللي ورى هههههه


    الكرسي الخلفي


    الدبه


    نظره الى داخل الموتر من الدبه


    طبعا الحين ننتقل للكاتالوج وللاسف الكاتالوجات غير متوفره الا اني خذته بالغصب هههههههههه لالا امزح بس قالي نحن ما نعطي الكاتالوج لان مب موجود بكثره والكاتالوج يشمل اشياء حلوة واتوقع انها بتكون موجوده عندنا على

    قوله الريال ( كلوووه حييجييي)

    الالوان اللي بتكون متوفره ان شاء الله ..


    الرنقات المتوفره للسياره واللي سوينا عليه التغطيه رقم الرنق مال 421


    الخطوط اللي بتكون متوفره في الوكاله ان شاء الله مع الوقت


    مثال على الخطوط بشكل واضح


    علامات تقدرون تسمونها ههه تركب على طرف الباب


    اللي اكثر شي عيبني في السياره واشوفه ان يخليك مميز ان المفتاح يكون على لون السياره ويتوفر على لون الخط وشكل الخط المختار


    في الصورتين اللي بتشوفونهم هذا اللي كنت متكلم عنه فوق ان لون السياره الخارجي يكون نفس لون السياره الداخلي




    للسكان والقير والمسجل وزياده على ذلك اللي تسند الراس عليها(اخر صورتين بتكون موضحه اكثر) الخ ..تقدر تختار 3 الوان الابيض الاسود والبني


    للتوضيح بشكل اكثر




    اخر صورتين تبين لون السياره من داخل وكما ذكرت لو كنت مختار السكان والمسجل والقير ابيض تكون مركه الراس بنفس اللون واعتبره شي يديد وجميل جدا



    سعر السيارة اللي سوينالها التغطيه ب 80 الف طبعا لانها جلد وفتحه بس من دون زينون وشاشه للاسف .. اما اللي بدون جلد وفتحه ب 70 الف تقريبا ..

    وراح تنطرح انواع جديده في الاشهر القادمه ..

    والابارث راح يطرحونها السنه الجايه ان شاء الله وسعرها ب120 تقريبا ..

    احب اشكر الريال اللي في الوكاله لان زودنا بهاي المعلومات وايضا عطانا الفرصه ان نصور على راحتنا .. بس المشكله كانت ان ما معطين السياره حقها في الشو رووم يعني مكانها ضيق وعلى الطرف ..


    احب اشكر اخونا السويدي (البرواز) على المشاركه في التغطيه وللاسف اخونا الزعابي(GMC LOVER) اعتذر ..

    واسمحولنا يا شباب اذا كان في اي خطا ولا اي ملاحظه لان اول مرة نسوي تغطيه .. واسمحلونا على ردائه الصور والصور اللي من الكاتالوج لان السكانر خون شوي ههه ..

    واسمحولنا على القصور ونشوفكم في تغطيات ثانيه ان شاء الله ..

  2. #2
    تاريخ التسجيل
    Jun 2006
    المشاركات
    6,421

    افتراضي

    تسلم احمد على التغطيه

    الموتر حلو و صراحه غجيب يوم تشوفه على الطبيعه بس الخوف من الايطالي بقطع غياره

  3. #3
    الصورة الرمزية EL-BerwaZ
    EL-BerwaZ غير متصل مميز
    تاريخ التسجيل
    Dec 2008
    المشاركات
    1,735

    افتراضي

    السلام عليكم و رحمة الله وبركاته ..


    ماشاء الله عليك يا بو شهآب .. كفيت ووفيت .. موضوع سنقيني بصراحه ..
    و السياره حلوه وجودتها مب هينه والشي الغريب انها صناعه بولنديه .. اول مره اشوف سياره صناعه بولنديه !!
    والسعر اشوفه اوكيه نوعا ً ما للعاديه .. بس الابارث احس الـ 120 وايد عليه .. ( مجرد رأي ) <~ قوسين ^^

    وتسلم يا بو شهاب و ربي يعطيك كل صحه و عافيه ع المجهود الطيب ..
    والله يوفقك إن شاء الله لما يحب و يرضى ..
    =)

  4. #4
    الصورة الرمزية Bu Saif
    Bu Saif غير متصل عضو فعّال جداً
    تاريخ التسجيل
    Sep 2007
    الدولة
    18
    المشاركات
    1,063

    افتراضي

    هلا الحمادي

    ما شاء الله كفيت وو فيت

    تشكر ع الجهود المبذولة


    ـــــــــــــــــــــــــ ـ

    ظهور جزء من راس السويدي بشكل واضح جدا


  5. #5
    الصورة الرمزية المشاغب2
    المشاغب2 غير متصل مشرف سابق
    تاريخ التسجيل
    Jul 2008
    الدولة
    -
    المشاركات
    5,350

    افتراضي

    تسلم عالتغطية انت وكل من ساهم فيها

    والسيارة واد حلوة خصوصا الأبارث ننتظرها و جودتها والخيارات حلوة

  6. #6
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    ماشاء الله عليك اخوي تغطية حصرية للمنتدى.

    اهم مميزات الشكل انه ملفت للانظار بشكل حلو.

    بس السعر اجووووف وايد.
    جزاك الله خير

صفحة 1 من 4 1234 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14