>



صفحة 1 من 4 1234 الأخيرةالأخيرة
النتائج 1 إلى 6 من 19
  1. #1
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي زيارتي للوكالة للسؤال عن تاهو ويوكون..الاسعار $$$


    السلام عليكم .....

    واحد من الاهل طلب استشارتي في سيارة فورويل امريكية كبيرة ...

    ومايل بشكل طفيف للتاهو بحكم كثرتها في الشارع على حد قوله ....

    قلنا بنساعد الريال ونجيب له الاسعار والمواصفات ...

    طبعا انا زرت الكندي في دبي واتصلت ببن حمودة الوكيل الاخر في ابوظبي ...واليكم الاسعار ...

    التاهو نوع LS مع مقاعد اماميه متصله (بدون كونسول وسطي) بالكامل ب144 الف درهم
    ومع مقاعد مفصوله ب 156 الف درهم ... رنجات 17 انش بدون فتحة -مخمل -شبك اسود


    نوع Z71 بنوعين الاول ب 167 الف درهم مع فتحة وجلد وكاميرا خلفية في المرايا الامامية
    الثاني ب 176 الف درهم يزيد عليها مقاعد كهربائية للسائق والراكب ومرايا خارجية تطوى كهربائيا ونظام سماعات (بوز) .......طبعا هذا النوع تختلف فيه الجامبينات حيث انها مخصصة للطرق الوعرة

    النوع الفل اوبشن LTZ مع نافيجشن ومقاعد تهوية وتبريد وديفيدي خلفي ودبه تفتح عن بعد ورنجات 20 انش ب 193 الف درهم .......

    الجديد : نزول لون جديد على Z71 وهو اللون الدخاني (سموك)

    والاسعار تشمل التأمين وفي حال عدم الرغبة في التامين من عندهم يخصمون 7500 الاف درهم من قيمة السيارة .....

    اما بخصوص اليوكن العادي SLT2 فل اوبشن قيمته 196 الف درهم
    واليوكن دينالي قصير ب 215 الف درهم مع عتبات صعود كهربائية ..وبدونها ب 212 الف درهم


    طلعت من عندهم واتصلت ب بن حمودة ...الي عطوني نفس اسعار التاهو بالظبط ...
    ولكن اليوكون العادي ليش متوفرا عندهم ابدا .....
    اما المفاجأة فهي سعر اليوكون دينالي القصير طبعا...حيث اكد لي مندوب المبيعات ان سعرها عندهم 203 الاف درهم للون اللؤلؤي و200 الف لاي لون آخر .....
    بصراحه استغربت من كلامه ومن اختلاف السعر في يوكون بينه وبين وكيل دبي وتشابهه في سعر التاهو ....!!!!!!!!

    بخصوص سعر التاهو سابقا ..نسيبي عنده LTZ موديل 2008 شراه ب 156 الف بس كانت بدون فتحة او نافيجشن ...


    شي ثاني خارج الموضوع وهو انني اتصلت بوكيل الفورد وتويوتا ايضا لانه الريال ابدى رغبته بالسؤال عن فورد اكسبديشن و تويوتا سيكويا بعدما سمع بالاسعار
    وكانت االاسعار للاكسبديشن كالتالي
    نوع XLT ستاندر ب 125 الف درهم ... ومع جلد وفتحه ب 135 الف

    نوع EDDIE BAUER جلد لونين فتحه 2 ديفيدي خلفي دبه كهربا ومقاعد خلفية تطوي كهربائيا
    وتهوية وتدفئة المقاعد وكاميرا خلفية..ولونين من الخارج ورنجات 18 ب 160 الف درهم ...

    اما نوع LIMITED ب185 الف لون موحد من الخارج ورنجات 20 انش كروم وعتبات كهربائية ومصابيح امامية سوداء ومن الداخل ثلاجة في الوسط بين المقاعد الوسطية ونافجيشن ...

    اما اللنكولن نافيجيتر سعرها ب205 الف درهم فل اوبشن ...
    وكل الاسعار مع تأمين وصيانة مجانية لحد 60 الف كيلو عدا اللنكولن الى 80 الف

    بالنسبة لتويوتا سيكويا ...
    نوع sr5 ستنادر دفع رباعي ب 160 الف درهم
    نوع limited ب 208 الاف درهم مع جلد وفتحة ومقاعد الصف الثالثة تطوي كهربائيا وكرسي كهربائي للسائق فقط ورنجات 20 انش
    اما نوع platinum فهو ب 228 الف درهم ...زيادة عليه نافيجشن وديفيدي واحد بالسقف ودبه كهربا وكراسي خلفية مفصولة وكاميرا خلفية وتدفئة بالمقاعد وكراسي كهربائية للسائق والراكب

    الاسعار كانت مع تأمين مجالي لكن العرض انتهى وبقيت نفس الاسعار على ماهي عليه بدون التأمين ..


  2. #2
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    ول !!!!!!!!!!
    احنا التاهو الفل اوبشن بـ161 الف !!!!!!
    والتاهو الال اس .. كامل المواصفات بـ110 الف
    وش النصب اللي عندكم !!
    وبالنسبة لاختلاف الاسعار ترى الوكالة بعضها تجيب كل المواصفات وبعضها تجيب بعضها !
    يعني بعضهم يجيبوها بدون الرنقات الكروم وبعضهم يجيبوها بالكروم . .

    وكمان بالنسبة لاختلاف السعر اقولك على قصة ضحكتني في وكالة بالبيد

    خخخخخخخخ 4 في صالة وحدة معطيني اسعار مختلفة !!

  3. #3
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي

    ياخي والله الرجال جاه احباط لما جبت له الاسعار ......وانا اقترحت عليه يجيبها من السعودية او الكويت لو قدر ..لان وكيلنا مبالغ في الاسعار ...وضمان الجي ام خليجي ما يفرق من وين تاخذه

    يقول كنت اتوقع التاهو 175 الف والدينالي ب 190الف ...
    لكنه انصدم وانصدم اكثر لما جبت له سعر السيكويا .......
    اي والله لاعبين لعبتهم ...شايفين الاقبال الكبير على التاهو ......قالوا نرفع الاسعار مع ان موديل 2009 كان ب177 الف مع ضمان 5 سنوات او 120 الف....

    لكنهم غيروا الضمان ورجعوا الى 60 الف او 3 سنوات

  4. #4
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    ^^^^^^^^^
    والله لو انه يلحق له الحين ياخذ دفعة 2009 .. لانو 2010 والله ماتفرق
    والحين عندنا مسويين عروض عشان يخلصوا ال2009
    LTZ قيمته يمكن 120 الف ههههههههه ! موديل 2009
    و 2010 نفس الشي هع

  5. #5
    M.H.S غير متصل عضو نشيط جداً
    تاريخ التسجيل
    Sep 2006
    الدولة
    21 سنة
    المشاركات
    491

    افتراضي

    عاد مو لدرجة هذي 120 خخخخ

    بس ما اتوقع تلقى 2009

    الحين ما لك الا 2010 من السعودية او الكويت وأفضل من السعودية لان السوق كبير وتلقى عروض كثيرة وقوية

    واي خدمات انا حاضر
    انا في الرياض موجود أعطيك الاسعار والمواصفات بضبط

  6. #6
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    اقتباس المشاركة الأصلية كتبت بواسطة M.H.S مشاهدة المشاركة
    عاد مو لدرجة هذي 120 خخخخ

    بس ما اتوقع تلقى 2009

    الحين ما لك الا 2010 من السعودية او الكويت وأفضل من السعودية لان السوق كبير وتلقى عروض كثيرة وقوية

    واي خدمات انا حاضر
    انا في الرياض موجود أعطيك الاسعار والمواصفات بضبط
    خخخخخخخخخخ ! لقيته ترى بـ120 ههههههههههه
    وكمان اقولك على شي وقت مانزل الـ2009 كانوا معطيني عرض على 2008 !
    قالوا نعطيك السيارة بـ122 الف ههههههههه !

    بس ماخذيته بسبب القير هههههههه ! لانه 4 غيارات ..

    وانا بعد في جدة تبي اي مساعدة موجود ^^

صفحة 1 من 4 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14