>



النتائج 1 إلى 6 من 6
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي اسعار السيارات المستعمله .. للمناقشه


    السلام عليكم ورحمه الله وبركاته ..

    موضوع ظل يدور في بالي بعد ماصادف اني بعت واشتريت كم سياره لي ولغيري ..

    طبعا كثير من العوامل تحدد سعر السيارات المستعمله .. اذا تخيلنا العوامل هذي مثل هرم نبا من فوق ونبدا نتفرع لتحت :
    1-شركه السياره
    2-موديل السياره
    3-سعر السياره وقت شرائها
    4-حاله السياره وهذا يشمل البدي والميكانيكا والكهرباء والداخليه
    5- اعطالها وسمعت السياره نفسها من هذي الناحيه وتاريخها
    6-اسعار قطع الغيار
    7-خدمه الوكيل
    8-شعبيه السياره في المكان (لاند كروزر في الامارات ونيسان ، جمس في السعوديه ، بي ام دبيلو في لبنان والشام .. الخ..)

    وفي النهايه نوصل لمسأله الاذواق والحاجه بعض الناس يدورون سياره ماتصرف والبعض قويه و البعض سياره شكلها حلو والبعض "حمار شغل"

    لكن فيه حالات شاذه اتمنى اني القى لها تفسير وللاسف كل ما اسأل القى نفس التساؤل عند الناس

    الحاله الشاذه لشركتين هم (أودي ، جاكوار)

    ناخذ اودي على سبيل المثال .. للمقارنه بينها وبين مرسيدس بناء على العوامل الي فوق

    1- الشركتين لهم سمعه قويه في السوق وجوده عاليه .. وثقل في الشارع وفخامه
    2-الموديلات ناخذ على سبيل المثال موديل 2007
    3-سعر السياره .. نقول أودي ايه 8 .. مرسيدس اس كلاس "ألسيارتين في حدود ال 300 الف" طبعا جديده
    4- حاله السياره .. نفترض ان الشخص نفسه يملك السيارتين والسيارتين تقريبا نفس الحاله بعد الاستخدام 3 سنوات
    5-بخصوص الاعطال .. المرسيدس لها تاريخ وسمعه سيئه من ناحيه الاعطال اذا خذنا موديلات التسعينات وال 2000 وطالع نفس الشي .. الاودي نعم معروفه بأعطالها لكن ما اتصور انها اسوء بكثير من المرسيدس من ناحيه سمعتها في الاعطال .. عموما ناخذها نقطه للمرسيدس
    6-اسعار قطع الغيار .. مرسيدس حدث ولا حرج و الاودي مثل ما سمعت انها اهون شوي
    7-الوكيل .. عن سمعه وعن راي اكثر من شخص مع المرسيدس .. في دبي .. الوكاله تعاملها تعبان وايد ولدرجه انه اصحاب السيارات صارت لهم مشاكل كثيره .. منها انهم باعوا لشخص سياره مستعمله وبعد فتره صار عطل ولما طلبوا قطع الغيار من الوكاله الام .. طلعت السياره مسروقه ورفضوا يرجعون فلوسه !!! والاودي .. سيارات بديله بعض الاحيان وقت السرفيس وخدمه جيده على كلام وايدين ..
    8- شعبيه السيارتين .. ممكن المرسيدس تكون شعبيتها اكثر شوي في الامارات خلونا نقول ..تبقى مسأله اذواق هني .. ولكن الشعبيه لها تأثير على سعر السياره المستخدمه ..

    سؤال فني ..

    اودي ايه 8 ثمانيه سلندر .. موديل 2007 .. تنباع بحدود 110 الف درهم
    مرسيدس اس كلاس 500 موديل 2007 .. تبناع في 200 الف درهم ..


    ممكن حد يفسرلي شو يظلم بعض السياره وقت البيع ؟؟

  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    الاول والاخير اسعار الوكالات عندنا للموديلات الجديدة.

    الناس تفكر في المستعمل وحتى لو باقي فيه ضمان.

    ومن الناس تدور موديل وخاصة اذا كان وارد ولكن السعر افضل من الوكيل بشكل كبير.

    مع الازمة اصبحت الاسعار متقاربة والناس تشتري الوارد ارخص من الوكالة .



  3. #3
    الصورة الرمزية KID
    KID
    KID غير متصل عضو فعّال
    تاريخ التسجيل
    Feb 2009
    الدولة
    23
    المشاركات
    535

    افتراضي

    هذا الشي ال قاهرني بسبب كميه الطلب على المرسيدس اكثر
    وكمان تويوتا شوف تحافظ على سعرها بسبب الناس

  4. #4
    genes power غير متصل Banned
    تاريخ التسجيل
    Jun 2010
    الدولة
    K.S.A - Tokyo
    المشاركات
    570

    افتراضي

    اسعار المستعمل جدا جدا سيئة

    تخيل ليجسي موديل 2002 مثلا تاخذه بـ 7-9 الاف بالكثير مرة مرة والكامري(اللي اخس من الليجاسي) مويل 2002 تاخذه بعشرين اذا كان ميت واحيانا يوصل ثلاثين

    لكن السبب...

    ماادري يمكن استهبال من الشريطية او قلة ثقافة...!!

    والجموس اسعاها غااااااااااااالية يعني موديل 2006 يوصلك 90 الف بالراحة(وشوف كم سيارة ممتازة تاخذها وكالة ب90 الف)

    الله الهادي

    وشكرا^^"

  5. #5
    الصورة الرمزية mx_22
    mx_22 غير متصل عضو فعّال جداً
    تاريخ التسجيل
    Dec 2009
    المشاركات
    1,041

    افتراضي

    اقتباس المشاركة الأصلية كتبت بواسطة genes power مشاهدة المشاركة
    اسعار المستعمل جدا جدا سيئة

    تخيل ليجسي موديل 2002 مثلا تاخذه بـ 7-9 الاف بالكثير مرة مرة والكامري(اللي اخس من الليجاسي) مويل 2002 تاخذه بعشرين اذا كان ميت واحيانا يوصل ثلاثين

    لكن السبب...

    ماادري يمكن استهبال من الشريطية او قلة ثقافة...!!

    والجموس اسعاها غااااااااااااالية يعني موديل 2006 يوصلك 90 الف بالراحة(وشوف كم سيارة ممتازة تاخذها وكالة ب90 الف)

    الله الهادي

    وشكرا^^"


    تعرف ليه غالي الجمس لانه عليه طلب واكثر سياره تلقاها شهرة بعد لو تلاحظ التاهو يطلع تقريبا نفس الموديل بس يطلع ارخص منه الجمس

  6. #6
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    ^^
    اكثر شي يعتمد على الوكيل
    قطع الغيار غاليه ولا رخيصه
    قله الاعطال
    الفخامه ....

المواضيع المتشابهه

  1. مشاركات: 3
    آخر مشاركة: 25-10-2011, 05:51 PM
  2. للبيع قطع غيار السيارات اليبانيه و الامانيه بي اسعار ارخص من الوكاله
    بواسطة محمد ال ثاني في المنتدى قسم البيع والشراء
    مشاركات: 3
    آخر مشاركة: 01-01-2011, 01:28 AM
  3. للبيع قطع غيار السيارات لكزس مرسيدس . بي ام دبليو .
    بواسطة محمد ال ثاني في المنتدى قسم البيع والشراء
    مشاركات: 0
    آخر مشاركة: 13-09-2010, 07:50 AM
  4. «العروض الرمضانية» تنعش مبـيعات السيارات
    بواسطة روح زايد في المنتدى قسم السيارات العام
    مشاركات: 1
    آخر مشاركة: 09-09-2010, 09:13 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14