>



النتائج 1 إلى 4 من 4
  1. #1
    اكليبس2010 غير متصل عضو جديد
    تاريخ التسجيل
    Jul 2010
    المشاركات
    2

    افتراضي إكليبس2010 رايكم فيها.. لاني راح اشتريها هالأسبوع ضروري






    السلام عليكم ورحمة الله وبركاته

    معاكم اخوكم اكليبس من الكويت

    بداية أنا حدي مو مهووس بالسيارات، يعني انظر حق السيارة لازم تكون مريحة من الداخل وتكييفها قوي.. ما تهمني السرعة وايد..

    اخواني ياليت تساعدوني لأن خلال هالأسبوعين راح أخذ سيارة يديدة وهي


    ( إكليبس 2010 ) 4 سلندر والالوان المتوفرة:


    أسود ( من داخل جلد أسود )

    أحمر ( من داخل جلد رمادي )

    برتقالي(من داخل جلد برتقالي وبيج )



    وحاليا عندي بايجيرو باب واحد لونها ذهبي موديل 2007

    ورحت لنفس الشركة الي خذيت منها بايجيرو وثمنوها لي جيد

    السؤال الحين..

    شلون الاكليبس شنو مميزاتها وشنو عيوبها ياريت الي عنده السيارة أو احد من معارفه

    عنده هالسيارة يقولي ويساعدني

    انا الي شفته ان مافيها سنسر ولا فيه على المقود ازرار التحكم بمستوى الصوت

    كان ودي هالشيين يكونون موجودين..


    ودي أعرف:

    1- ماكينتها شلون ؟

    2- قطع غيارها غالي ولا عادي؟

    3- شلونها مع الصيف وهل فيها عيوب؟

    4- أي لون تفضلون آخذ

    5- شلون البنزين مالها تشرب بنزين؟ خاصة 4 سلندر

    6- فيها كاميرا حتى تحدد لك الطريق وانت بترجع ورا؟ ( 4 سلندر؟ )


    ساعدوني اخواني لأني حدي غشيم بالسيارات ولجأت لكم علشان

    أكتسب خبرة منكم.. وسبب اختياري للأكليبس لأنها نفس شركة سيارتي القديمة

    والتثمين كان بمبلغ حلو وعالي حتى القسط الشهر الي بعطيه حق السيارة اليديدة سعره

    حلو ومناسبني يعني كل شي وياي بالسليم بس ناقص استعلم عن هالسيارة أكثر واكثر

    ولا تنسون انا باخذ 4 سلندر مو 6 لاني مو من هوات السرعة

  2. #2
    الصورة الرمزية kuwait
    kuwait غير متصل عضو فعّال جداً
    تاريخ التسجيل
    Jun 2006
    الدولة
    ٢٦
    المشاركات
    1,701

    افتراضي

    هلا اخوي

    والله ماعرف عنها اي شي

    بس باللنسبه للالوان انحش عن الاسود

    وان شاءالله الشباب يساعدونك
    الاسود موضته قديمة صارت ومتعب

  3. #3
    genes power غير متصل Banned
    تاريخ التسجيل
    Jun 2010
    الدولة
    K.S.A - Tokyo
    المشاركات
    570

    افتراضي

    مابتلقى احسن من كلام امير الاشباح


    هو اكثر خبرة في ميتسوبيشي ومااظن تلقى واحد اخبر منه

    وكلامه كله صحيح ومنطقي و100%

    وبالتوفيق^^"

  4. #4
    الصورة الرمزية CRX
    CRX
    CRX غير متصل مميز
    تاريخ التسجيل
    Aug 2006
    الدولة
    - - -
    المشاركات
    1,029

    افتراضي

    ياريت اقدر افيدك ولكن الميتسوبيشي سيارة قوية وحق كرف واستخدام مدى طويل
    ويمكن يعيبها قطع الغيار
    بخصوص اللون يمكن انا اختلف مع الاخوة ولكن احب اللون الاسود مع احترامي للكل طبعا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14