>



صفحة 1 من 2 12 الأخيرةالأخيرة
النتائج 1 إلى 6 من 11
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي قصه الجيب .. مع جيبكو


    السلام عليكم ورحمه الله وبركاته !

    طبعا على اسمي انا سيارتي جيب رانقلر موديل 2001 قير عادي .. عندي سياره غيرها ولكن بحكم حبي الزايد للبر وطلعات التقطيع "التطعيس اذا تسمونه في السعوديه " قررت اشتري سياره للبر وللمشاوير الخفيفه لانها سياره في السواقه طعمها غير "الي ساقها يعرف قصدي" بالرغم من سوء عزل الهواء والسياره كلها اصوات الخ.. لكن القلب وما يهوى ..

    اشتريت السياره في شهر 9 تاريخ 28 اذا ماكنت غلطان لان تسجيل السياره كان في 1-10 وانا السياره خذتلي يومين لين ما سفرتها من ابوظبي لدبي وصارت مشاكل في الفحص وكنت ابدل اشياء في البريك والحمدلله مشت السياره .. و بدينا نصرف عليها صرف السيارات المستعمله مثل تواير و بوشات "ربلات البدي" وتعديل جير الخ ..
    حاله السياره بشكل عام اعطيها 6 من 10 وقت الشراء .. الجسم الخارجي ماكان نظيف وايد ومحتاج بوليش لان السياره شكلها وقفت في مكان فيه رش صبغ ابيض ..
    داخليه السياره بصراحه اعطيها 9-10 لانها في النهايه مستخدمه لكن نظافتها ممتازه ..

    هذي السياره في الفتره الي تكلمت عنها فوق بعد كم شهر من شرائها .. تعديل القير والاساسيات
    تقريبا حاله الشراء

    تم مسح الارقام لان السياره مطلوبه دوليا وفي الانتربول


    السياره 100% وكاله والصبغ الخارجي يمكن مب مبين لكن حالته شوي تعبانه والرفارف على الاطراف عليها صبغ ابيض والرنقات مصديه لانها حديد وثقال الخ ..

    عدى موسم البر والشتاء ودخل علينا الصيف ولاسباب منيه ودوليه انطلبت الجيب للحجز واظن البعض سمع عن بطولاتي مع الشرطه الفتره الاخيره :D عموما اعترف بغلطي ودخلت السياره الحجز وبقت لمده 30 يوم في الشمس والغبار ..

    وهذي صوره بعد ما التأم شملنا بعد فراق 30 من الوحده :D :D

    عاد ابلعوها شوي اخوكم يسوي سوالف :D



    استلمت السياره .. معروف عن الجيب الصبر والتحمل ورجل الصعاب .. بعد ما شحننا بطاريته على طول من الحجز الى الكراج وبعد اجراء فحص طبي عليه ..ظهرن الاشياء التاليه

    ربلات الهواء منتهيه
    التواير منتهيه "الكفرات"
    البطاريه منتهيه
    المكيف منتهي
    الرنجات اصلا مصديه
    الصبغ عطاك الله عمره
    بوشات السياره او ربلات البدي منتهيه

    قلنا لا حول ولا قوه كأننا راح نفلس شوي ها الشهرين .. وسلمنا الامانه للكراج وبدا الشغل فيها

    ربلات الهواء
    التواير "كفرات" من نوع كوبر
    البطاريه درهم
    المكيف تنظيف كامل وتبديل سويج التشغيل
    الرنجات "الجنوط" درهم فتح 8
    الصبغ والبوليش كامل ماركه الصبغ معروفه على كلام الكراج ونوعيه غاليه
    بوشات ربلات بدي


    عموما تكلفه السياره طلعت مبلغ وقدره .. كان المفروض نبلغ قناه جير وان يتابعون هذا الجيب حبيب الشعب ..

    وفي النهايه

    خلص الجيب بعد مادخل الحجز شهر 5 تاريخ 15 .. واليوم تاريخ 19 شهر 7 والتأخير بسبب نقص السيوله و30 يوم في الحجز لكن الحمدلله كل تأخير فيه خير

    هذي صوره السياره بعد الصبغ وكل شي الحمدلله "ماشاء الله" وترا السياره مش للبيع

    "الصبغ شمل البمبرات والزوايد على الاطراف "اسود مطفي"







    والحمدلله السياره مستعده للخدمه وان شاء الله ربي يعطينا خيرها ويكفيننا شرها .. وان شاء الله ماراح نستحي اذا عندنا استفسار عن اي شي ..

    اتمنى اننا امتعناكم في قصتنا مع الجيب ولنا لقاء اخر مواضيع ثانيه
    التعديل الأخير تم بواسطة jeep-co ; 20-07-2010 الساعة 02:47 AM

  2. #2
    الصورة الرمزية fALCON
    fALCON غير متصل مشرف عام
    تاريخ التسجيل
    Jul 2006
    المشاركات
    3,976

    افتراضي

    ههههه قصة مؤثرة .. شكلك شال تايرين على شارع الشيخ زايد ولا كيف :D ؟
    فرحتلك يوم شفت اخر صور .. لأني تخليت النهاية بتبيعها لكن ماشاء الله رديتها شباب

    واصل المسير

    إشتقنا لمثل هذه المواضيع في المنتدى , كتابة ومصورة من جهد العضو
    يزاك الله خير

  3. #3
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    حاظرين ان شاء الله !! يكفي اطرائك عزيزي "مب الي في البلاك بيري" :D وشكرا على مرورك ..

    السيارات حالتها تدهر بسببنا ولو حافظنا عليها راح تبقى مثل راعي الفولفو الي عنده سيارته من سنه 66 !!!

  4. #4
    الصورة الرمزية KID
    KID
    KID غير متصل عضو فعّال
    تاريخ التسجيل
    Feb 2009
    الدولة
    23
    المشاركات
    535

    افتراضي

    صراحه قصه روعه وليست مؤثره (الصوره وانت تصيح عليها حسستني انك ميت بموترك والي مايحب موتره مايحب نفسه)
    والصراحه ها الموتر بالذات اطلق جيب عندي ماشاء الله بالذات الشكل مالك الله يحفظه لك
    وكنت بقول للبيع بس انت قايل مب للبيع
    على العموم عندنا واحد حق النسيب بس جديم اظن 1999 بس مزود على كيفك وما يطيع يبيعني
    انا فخاطري موتر نفس ها
    وما الومك بحب الجيب
    سلام ا عزيزي وتقبل مروري

  5. #5
    تاريخ التسجيل
    May 2007
    الدولة
    23
    المشاركات
    5,600

    افتراضي

    السلام عليكم

    ماشاء الله عليك حبك للسياره ماخلاك تتركها رغم انها بهدلتك شوي


    انا يوم الموتر يبهدلني اكرهه واحاول بإي شكل اتخلص منه


    الله يبارك لك فيه ماشاء الله صارت جديده بالصور الاخيره ماخبرتنا كيف اداء السياره معاك وهل واجهت مشكله متسمره فيها (( عيب مصنعي )) لأني سمعت ان هالموديل يكثر خراب الصليبات فيه (( القطعه الي تكون بين العامود ))

    انصح تركب كشافات على البمبر احس بتعطي الموتر شكل مرتب

    بالتوفيق لك

  6. #6
    الصورة الرمزية من صد عن عيني
    من صد عن عيني غير متصل عضو نشيط
    تاريخ التسجيل
    Jan 2008
    المشاركات
    63

    افتراضي

    اهم شي " التم شملنا" هههههههههههه

    والا صوره لم الشمل عجيييييييييب

    تحياتي لك

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14