>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي تحت المجهر مع جيبكو "2"


    لسلام عليكم ورحمه الله وبركاته ..

    احب اشكركم اخواني جميعا بدون استثناء وتحيه خاصه الى كل عضو في هذا المنتدى الروعه :) ..

    موضوعنا اليوم يشمل فئه من السيارات وفيه سياره منهم موجوده عندنا في سوقنا ولكن الله اعلم سبب غيابها .. اتمنى الكل يشارك بوجهه نظره وماراح نقصر وياكم بعد ان شاء الله ..

    الفئه الي راح نتكلم فيها هي ال roadster coupe .. هذي السيارات عاده بأوبشن الكشف وتكون بابين واصغر من اي كوبي ثاني .. اسعارها عاده معقوله تناسب مستوى الدخل عندنا في الخليج للشباب والعزاب .. عندي امثله تصدق كلامي هذا ..

    السيارات كالتالي وراح نركز على الي مكتوبه بالاحمر لانها موجوده عندنا في السوق ..

    Opel GT


    SATURN SKY


    Mazda MX5


    MB SLK200


    هذي سيارات خذناها على سبيل المثال .. السيارات كلها تقريبا محركاتها 2.0 و قوتها تتراوح من 167 حصان الى 260 حصان .. مع عدم شمل موديلا كثيره يمكن توصل اكثر ..

    نتكلم عن المازدا mx5 اكثر ..

    (نظره عامه على السياره)

    السياره موجوده عندنا في الوكيل "الامارات" والله اعلم في الخليج .. سعرها يتراوح مابين 120 - 130 الف درهم .. مزوده بمحرك رباعي الاسطوانات بسعه 2.0 ينتج منه 167 حصان .. ياخذ الكتكوته الصغيره من السكون الى 100 كيلو متر في 7.7 ثواني "متوسط نتايج بحثي"

    السياره متميزه بخفه وزنها وندرتها وقوتها المقبوله مقارنه بالسيارات الي بفئتها .. تصميمها عادي جدا .. الداخليه جيده نوعا ما .. عموما في هذي الامور تدخل الاذواق وتحكم في الاختيارات ..

    (تسويق السياره)

    بالاحمر وبين قوسين (سوء تسويق عامل رئيسي)

    هذي صوره لصفحه عرض المازدا من موقع كلداري في دبي والله اعلم اذا كان وكيل الامارات كلها

    MX-5 Sports Coupe

    كلام دعائي تقليدي عن السياره ممكن تنسخه وتحطه لاي سياره ثانيه .. تصميم الصفحه كأنه من تصميم طالب ثانويه في حصه كمبيوتر بكل صراحه .. الاخضر واليابس كله موجود في صفحه مع العلم 80% من مواقع السيارات تستخدم الفلاش وصارت تعطي كل سياره حقها من الصفحات في الموقع ..

    طبعا نلاحظ اساليب الدعايه والتسويق الثانيه للسياره مثل اعلانات الشوارع والمجلات والتلفزيون والجرايد ..
    انا كزبون مستهدف "فئه العمر" ما عندي خبر عن هذي السياره بالمره

    معرض السيارات نفسه على شارع المطار من 30 سنه ما تعرف من وين تدخله والسيارات تنصف في العين كلاس احسن من الوكاله نفسها

    السياره موجوده بمواصفات حلوه وطبعا الموقع بفشل تصميمه حط المواصفات كلها في bullet points خخ :D



    * AM / FM Radio, 6CD Changer (MP3) with 7 High Grade BOSE Spaeakers
    * Power Windows and Mirrors
    * Manual Airconditioner with Heater
    * Central Locking
    * Power Steering With Tilt Adjustment
    * Leather Steering Wheel and Shift Knob
    * Leather Seats (Tan / Black)
    * Smart Card for Keyless Entry and Ignition
    * Steering Audio Control Switches
    * Digital Clock
    * Vanity Mirror
    * Cup & Coin Holders
    * Day / Night Rear View Mirror
    * Trip Meter
    * Central Arm Rest
    * Cruise Control

    المواصفات الخارجيه

    * Front & Rear Body Coloured Bumpers
    * Body Colour Exterior Mirrors
    * Chrome Outer Door Handles
    * High Mount Stop Lamp
    * Silver Seat Back Bar
    * XENON Head Lamps
    * Fog Lamps
    * Dual Exhaust with Chrome Fittings
    * Green UV CUT Glass
    * Tyres: 205 / 45 / R17 Run Flat Tyres with Alloy Wheels

    موضوع الحوار وسؤالي

    المازدا العاديه هذي مثل ما انتوا تشوفون محققه اعلى المبيعات في السوق الامريكيه واذا ماكنت غلطان الاوروبيه .. طبعا سوق الخليج العربي شي لا يذكر للاسواق الي سبق وذكرتها ..
    عوامل كثيره تأثر على مبيعات السياره منها ثقافه الشعب ..
    منهم الي يفضل سياره تدخله البر ..
    منهم يبغي سعر مابعد البيع
    ومنهم عنده الولاء لبعض الشركات بغض النظر عن فظايحها "واللي على راسه بطحه ...

    ولكن .. معقوله وصل الحد انها تختفي بالمره من شوارعنا ؟ مستعدين يدفعون مئات الالاف على سيارات عائليه لاستخدام شخصي وبيكبات وهذي السياره مالها حق ؟!

    ناخذها بشكل عام .. ليش ملاحظ غياب الرودستر ونلاحظ انتشارها في الخارج .. "غياب مش قله"
    وشو ممكن تكون البدايل الي مخربه سوق المازدا عندنا !؟

    مع العلم اذا تكلمنا عن السوق الاماراتي بالاخص نلقى الجنسيه الاماراتيه مش مأثره كثير مثل الهنود وغيرهم

    واترك التعليقات لكم

    هدايا

    كاتالوج المازدا
    http://www.mazdauae.com/4A%20MX-5_RHT_Spec.pdf

    تسارع المازدا
    YouTube - Mazda MX-5 2.0 0-190 km / h
    التعديل الأخير تم بواسطة jeep-co ; 22-07-2010 الساعة 05:32 PM

  2. #2
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    افخم وحده SLK طابع فخم ومحرك لايستهان به
    موضوع رائع تسلم ..

    همسه (تسلم على الهدايا

  3. #3
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    شفت الام اكس فايف .. روووعة عالطبيعة :)..
    تم التصويت عزيزي .. وواصل :)

  4. #4
    الصورة الرمزية Das Auto
    Das Auto غير متصل عضو فعّال
    تاريخ التسجيل
    Mar 2010
    المشاركات
    561

    افتراضي

    اخوي جيبكو,,, الي انا اعرفه ان سيارات الرودستر المفضلة في الخليج تكون مواصفاتها اكثر من مواصفات MX-5 مثل المرسيدس SLK وغيرها من السيارات!

    (سوء تسويق عامل رئيسي)
    ^^^^^
    اما في هذي النقطة انا اوافقك تماماً، ابسط مثال عندك اغلب السيارات اليابانية الدفعة الاولى منهم تخلص في كم يوم بسبب سياسة التسويق مثل الباترول الجديد!

    اما عن السيارات الي وكالاتها سياسة التسويق فيها سيئة مثل الفولفو و السوبارو مثل ما تشوف يكون سوق هالسيارات فاشل للاسف مع ان هذي الانواع من السيارات اثبتت نجاحها في اوروبا وامريكا :(

    تحياتي

  5. #5
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    شكرا على تفاعلكم اخواني واخوي احمد حياك الله ومشكور على التصويت :) !!

    الي انا اعرفه ان سيارات الرودستر المفضلة في الخليج تكون مواصفاتها اكثر من مواصفات MX-5 مثل المرسيدس SLK وغيرها من السيارات!
    ولكن تبقى السياره محققه مبيعات كبيره في الخارج على الاقل يكون وجودها طبيعي ! وجودها معدوم "بالكلمه"
    عموما تساؤلي في الموضوع هذا كان عن الرودستر في الخليج وتوجه الشباب الى سيارات ما تناسبهم

  6. #6
    genes power غير متصل Banned
    تاريخ التسجيل
    Jun 2010
    الدولة
    K.S.A - Tokyo
    المشاركات
    570

    افتراضي

    السبب هو مازدا الام

    لانها تطواع شعبها وتسمع كلامهم

    هم يبغو مكينة صغيرة ومواصفات قليلة وشكل عادي جدا لان هذي المواصفات في نظرهم هي حقت التعديل

    لكن شعبنا مايقدر يعدل زيهم فاغلبهم سياراتهم ستوك وشكلها مو حلو وفي احلى منها وبسعرها

    والوكيل مايسويلها علانات والسيارة من زمااااااااااااااااااان ماتطورت.....شوف الزد كم مرة تغيرت ووصلت القمة وهذي في مكانها

    حتى البعض يحسبوها وقفت وحالها من حال اللكزس سي اس

    والوسيلة الوحيدة اللي تنجحها هو التغير الكلي لها من شكلها ومواصفاتها.....موبس فيس لفت ويكبرو الابتسامة

    .

    وشكرا على الموضوع الحلو^^"

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14