>



النتائج 1 إلى 6 من 6
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي تحت المجهر مع جيبكو "3"


    السلام عليكم ورحمه الله وبركاته ..

    حياكم الله اخواني في موضوعي الثالث تحت المجهر واتمنى القى تفاعل اكثر من الاعضاء وتعبنا لكم في النهايه راحه ..

    طبعا الي تابع مواضيعي الاولى عارف عن شو راح اتكلم والي ماعنده فكره تراني اطرح مواضيع تتكلم عن سيارات ظلمها الوكيل عندنا او مالها وجود من الاساس والسبب مجهول .. وناخذ راي الاعضاء في السياره اذا تناسب سوقنا او لا ..

    بطله اليوم الي راح اتكلم عنها هي opel insignia opc والي للاسف مالها وجود عندنا في الخليج و وايد اماكن حتى استغرب ضعف انتشارها .. طبعا موديل opc هو موديل القمه من موديلات انسجنيا

    لمحه عن السياره :

    السياره تصنف من فئه السيدان متوسط الحجم والفئه الي راح اتكلم عنها مزوده بمحرك ذو ست اسطوانات سعه 2.8 ايضا مزود بشاحن توربو ينتج عنه 325 حصان اوروبي مكهرب .. التسارع في 6 ثواني والي اشوفه ضعيف نسبيا مع قوه المحرك .. المنافسات في 5 ثواني منها انفينيتي g35 ومنها لكزس IS350 ومنها مرسيدس c350 الخ ..

    السياره مزوده بنظام رباعي مستمر وطبعا يصب لمصلحه الثبات على المنعطفات الحاده وحتى في التسارع من السكون يعطي حق الاحصنه بإنها تنتج افضل رقم للوصول الى ال 100 كيلو ..

    السرعه القصوى 250 كيلو محدد الكترونيا ينصح بعدم تجريب السرعه هذي في الامارات لانه بينتج عنك مسلسل في رمضان لكثره الكاميرات في شوارعنا ..

    سعه خزان الوقود 70 لتر ... 16.6 لتر في المدينه 8.4 في الخطوط الخارجيه

    كأنها بالوعه مقارنه بالمنافسات ...

    ولكن في الخليج موضوع البترول هين الا في الامارات لك عليه شوي ..

    الشكل الخارجي :
    السياره في رأيي تصميمها عصري ويديد بعكس كثير من السيارات تحس التصميم انعاد او تجدد من سيارات ثانيه .. او تتشابه مع سيارات ثانيه .. وبعضها تحس تصميمها عادي مايشد النظر ما تحس ان السياره من الموديلات اليديده .. السياره مزوده بجنوط او رنقات حجم 20 المنيوم مع قزوزين في الخلف "شكمانين" بشكل قريب من اللكزس LS460 .. السياره مزوده بمكابح برمبو المشهوره ..

    داخليه السياره في رايي رياضيه وفي نفس الوقت فخمه .. العدادات فاجأتني باللون الاحمر الرياضي مع داخليه سوداء وكراسي ايضا رياضيه ..

    نترركم مع الصور ..











    تم نسخ الصور من موقع اوبل لان الانترنت شكله مافيه صور للموديل هذا ..

    لتفاصيل اكثر تفضلوا اللنك هذا :)

    Opel OPC

    وهذي ببعض الكاتالوجات فيها مواصفات واسعار

    http://www.gmeurope.info/paris08/dow...a_TechData.pdf

    http://www.insigniaproject.ie/pdf/in...priceguide.pdf


    الصدمه الكبرى ..

    سعر السياره هو 265000 الف درهم اماراتي في اوروبا .. اكون صريح معاكم طول ما انا اكتب الموضوع وعلى بالي ان سعرها في حدود 190 الف درهم ..

    المنافسات سبق وذكرتهم

    السياره ذات مواصفات ممتازه وشكل عصري واداء مقبول .. سعرها يفسر ضعف مبيعاتها وعدم تواجدها في وايد اسواق اولهم السوق الامريكي ..

    سعرها ضارب فووووووووق مقارنه بالمنافسات لكن عني .. اتمنى اني اشوفها مووجوده عندنا لاني معجب بشكلها الخارجي واداءها حلو ..

    عموما حبيت اخذ رايكم في السياره واتمنى التقرير ينال اعجابكم وتقبلوا تحياتي ..

    وطبعا ماننسى هداياكم

    YouTube - opel insignia opc beschleunigung 0-170km/h

    YouTube - ST Insignia OPC exhaust sound

    والسلام عليكم

    ملاحظه .. موديل 2009 كانت 260 حصان
    الصور المرفقة الصور المرفقة      

  2. #2
    genes power غير متصل Banned
    تاريخ التسجيل
    Jun 2010
    الدولة
    K.S.A - Tokyo
    المشاركات
    570

    افتراضي

    هذي موجودة عندنا من متى

    صراحة السيارة رووووووووعة

    والسبب الرئيسي في ضعف انتشارها او بالاصح انعدامها هو الجميييييييييييييييح

    احنا كان عندنا اوبل اوميقا 6 سلندر 2002 السيارة غلبت بي ام ومرسدس بالراااااحة

    ومكينتها ماشاء الله صاروخية ولكن.... في خلال اقل من 3 سنوات اندفع فيها اكثر من 90 الف فقط تصليح علما بان سعرها 73 الف الوكيل سيئ لدرجة ماتيخلها العقل البشري

    اجل صدام خلفي فاضي سعره 4000 الاف ويقولو يجي من المانيا بكرة وماجا الا بعد شهر

    وطلع صيني بعد وسعرها طاح اكثر من 90% بعد سنتين فقط والحين روح الحراج ومابنلقى اكثر من 2000 الفين ريال فقط للـ6 سلندر واعرف واحد باعها بالف و300 بس~

    وبعدها ماشمينا رحيتها واظن الناس كرهوها بقوة وكيف تبغاها تنتشر بعد السمعة السيئة جدا جدا واللي اخس من سمعة تاتا

    والكيل ماسوى شي يدل على وجودها او انها حية اصلا

    ومين يبغى ياكل مقلب ثاني ويشتريها ؟؟؟؟

    .

    السياره مزوده بنظام رباعي مستمر وطبعا يصب لمصلحه الثبات على المنعطفات الحاده وحتى في التسارع من السكون يعطي حق الاحصنه بإنها تنتج افضل رقم للوصول الى ال 100 كيلو ..
    يعني منافسة للسوبارو ........بس ليش اغلب السيدان الدفع الرباعي مكروه

    السرعه القصوى 250 كيلو محدد الكترونيا
    وصلنا بلاقديمة 300كلم

    العدادات فاجأتني باللون الاحمر الرياضي
    من يومها عداداتها اليييييييمة لونها يبكي خصوصا في الاماكن المظلمة تعطي منظهر مثير للسيارة

    .

    شكلي بروح الوكيل اذا كان عنده تجربة اجربها لانها وحشتني
    رغم انها سيئة جدا لكن احس اني في عالم ثاني يوم اضغط على ازاريرها الحلوين....تحس فعلا ان هذا الشي القميل اوبل

    .

    الف شكر لك على التقرير^^"

  3. #3
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    شكرا على تفاعلك السريع عزيزي جينس لكن السياره مش موجوده عندنا في الخليج :) .. مواضيعي تتكلم عن سيارات موجوده ولكن ظلمها الوكيل "او" سيارات مش موجوده من الاساس ..

    وعندنا نحن في الامارات اتوقع استرا ومديل ثاني صغير ما يشرف اوبل في سوقنا للاسف .. بالفعل قطع غيارها ناااااااااار وصاحبي كانت عندهم ويخبرني عنها وعن بعض القطع الصغيره الي افرغت جيوبهم :D

  4. #4
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    الوكيل ضالم السياره
    الاوبل شكله حو وفخم ومره جفته في الوكاله حلو ومرتب

    تسلم ...

  5. #5
    تاريخ التسجيل
    Jun 2006
    المشاركات
    6,421

    افتراضي

    من بعد الاوميقا الجماعه قامو يبتعدون عن الاوبل

    الشركه طورت سياراتها بس لين ماترجع الثقه يبغيلها وقت

  6. #6
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    ^^^^^^

    الله اعلم كيف كانت تجربه الناس ويا الاوميغا ..

    ولكن وللاسف وكلاء اوبل هم الخسرانين بعدم تسويق هذي السيارات في اسواقنا والاكثر غرابه ان وكيلنا عنده موديلين وصغار مالهم حس ولا صوت عندنا ..

    انا اعرف طرح موديل يديد في السوق يحتاج متابعه وصيانه وكميات من قطع الغيار وفنيين الخ ..

    لكن كل شي له ضريبه تبغي تنافس في السوق خلك قد المنافسه وتكفل بها ..

    انا اعرف ان السياره غاليه واااايد .. لكن بخطه تسويق ممتازه وطرح كل الموديلات الاقتصاديه ويخلون الموديلات مثل opc الي تكلمت عنها بالطلب راح ينعش سوقهم ويسويلهم اسم !

    ولكن بما ان هدف الوكلاء انهم يمشون على المضمون ويفظون ستوك المخازن .. انسى تلقى شي يديد في اسواقنا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14