>



صفحة 1 من 2 12 الأخيرةالأخيرة
النتائج 1 إلى 6 من 8

الموضوع: land rover defender

  1. #1
    الصورة الرمزية RANGE ROVER
    RANGE ROVER غير متصل عضو فعّال جداً
    تاريخ التسجيل
    Oct 2009
    الدولة
    السعوديه الرياض
    المشاركات
    1,221

    افتراضي land rover defender


    السلام عليكم ,,

    كيف الحال ؟ ان شالله مرتاحين ومبروك عليكم الشهر الفضيل اسال الله ان يتقبل اعمالنا واعمالكم

    يااخوان عندي استفسار بسيط للاندروفر ديفيندر موديل من 1980 الى 1990 اي موديل من هذولا موب مشكله اهم شي ديفيندر واهم شي التاير السبير يكون على الكبوت مثل اللي بالصوره :



    كيف استخدامه ؟ وقطع غياره تتوفر بسهوله ؟
    اهم شي عندي الاسخدام كيف استخدامه ؟

    لاني ان شالله بشتري واحد لقيته بااحد القرى بالرياض شغال ويمشي ومافيه الا العافيه مع شايب بس يحتاج له ترميم شوي

    لان انا انسان هايم بشي اسمه لاندروفر واخواني والوالد كذالك
    فااللي عنده خبره بهالموتر الرائع لايبخل علي

    وشكرن لكم مقدام

  2. #2
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    في الوقت الحالي تكلم شخص يبغي مصلحتك وعارف هذي السياره زييييييين وعلى معرفه بإستاذ عنده 3 سيارات مثل هذي الي تتكلم عنها !

    السياره كالتالي:
    1-اذا بالك طويييييييييييل ومستعد تصبر على كل مشكله ماعليك خوف
    2-اذا جيبك كبييييييييييييييير و مستعد تخصص مبلغ من معاشك على السياره كل شهر ان شاء الله خير
    3-اذا عندك خبره في الميكانيكا ومتعتك في التصليح والترميم .. مافيه مشكله
    ملاحظه :ماعندك درايه في الميكانيكا السياره ماراح تبقى عندك .. واربط رقم 3 في 2 يعني جيبك بيتصفر من نصب الكراجات والتشخيصات ..

    السياره هذي انا سقتها واقولك اياها مافيها متعه وراح تتعبك اكثر من انها تفرحك

    ومقوله دوم تنقال عن اللاند روفر "الجيب خوان"

    وانا كنت اطلع مع مجموعه سيارات في البر لساعات واللاندروفر كان بطل الاعطال .. راديتر على شافت على دبل "فورويل" الخ ..

    نصيحه اخوك لا تاخذها واعرفها زين

  3. #3
    الصورة الرمزية RANGE ROVER
    RANGE ROVER غير متصل عضو فعّال جداً
    تاريخ التسجيل
    Oct 2009
    الدولة
    السعوديه الرياض
    المشاركات
    1,221

    افتراضي

    بيض الله وجهك وماقصرت على هالنصيحه والافاده
    انا مااحب السياره اللي كل يومين خربانه وتطلب واجد انا امنيتي امتلك ديفيندر لاكن للاسف خوفتني واخاف قطعه مااحصلها واجد
    لاكن جزاك الله الف خير على هالنصيحه اخوي:)

  4. #4
    الصورة الرمزية GMC LoveR
    GMC LoveR غير متصل مميز
    تاريخ التسجيل
    Nov 2008
    الدولة
    20
    المشاركات
    2,004

    افتراضي

    و الله ما اعرف عنه وايد .. او بالاحرى ما استعملته لفترة طويلة ..

    لكن عند واحد من الربع دفندر مديل 72 ..

    لا أعطال و لا هم يحزنون .. و لا اذكر ان صار له شي ابد .. ما غير ربيعي كان يبي يبدل القير مرة و انكسر القير في يده بسبب الصدا خخخخ

    موتر عليه عـزم مو طبيعي ..

    رغم ان الموتر حالته سيئة ( من ناحية البدي الخارجي و بعض القطـع الاستهلاكية ) ..

    إلا انا كنا نطلع فيه و نطعس و نطلع نياسين و استيشنات مغرزين و كان زي الفل ..

    و بخصوص التصليح و قطـع الغيـار بالنسبـة لنا متوفرة و بقوة .. خصوصا في الذيد و راس الخيمـة .. ما دري كيف الوضع عندكم ..

    انا الصـراحة خاطري في واحد من فترة .. و الوالد كان خلاص بيشتري واحد مديل 88 بس للأسف هون على اللحظات الاخيرة .. : (

    و على فكرة هذا النوع من المواتر مب للطلعة و المشاوير و الكراف ..

    يعني موتر كلاسيكي .. تصلحه و تهتم فيه و تخليه للكشتات و ايام الجو الحلو و الطلعات الخفيفة ..

  5. #5
    الصورة الرمزية RANGE ROVER
    RANGE ROVER غير متصل عضو فعّال جداً
    تاريخ التسجيل
    Oct 2009
    الدولة
    السعوديه الرياض
    المشاركات
    1,221

    افتراضي

    حياك الله اخوي جي ام سي لوفر
    والله اني محتار وانا بيني وبينك ابيه للجامعه ومشاوير خفيفه موب كرف كرف :D
    بالنسبه لقطع غياره مدري متوفره عندنا ولا لا بروح اسال ورشات الاندروفر وان شالله متوفره وبقوه
    يعطيك العافيه اخوي جي ام سي على هالرد الجميل مثلك :)

  6. #6
    ALSHARGI غير متصل عضو جديد
    تاريخ التسجيل
    Aug 2010
    المشاركات
    1

    افتراضي

    عندي واحد موديل 90 اشتريته من سنتين ولا عطل اللهم تغير ايل كل 4000 كيلو واصلن
    هالسيارة شو فيها عشان تخترب على بعضها بودي بسيط ومكينة وجير .

    من مجرب توكل وخصوصا اذا كانت السيارة بمكينتها الاصلية 8 سلندر الالمنيوم بتعزك
    حتى لو الجو حار وطبعا السرعة القصوى في هالسيارة بالكثير توصل 140 وخليك حذر
    في المنحنيات فيها .

صفحة 1 من 2 12 الأخيرةالأخيرة

المواضيع المتشابهه

  1. لاندرفر في مأزق "كيف نصنع Defender " الجديده؟
    بواسطة Patrol 5.6 VVEL في المنتدى أخبار السيارات
    مشاركات: 12
    آخر مشاركة: 08-09-2010, 11:59 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14