>



النتائج 1 إلى 5 من 5
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي مستخدمي البلاك بيري .. بين الاحباط والتفاؤل


    السلام عليكم ورحمه الله وبركاته :) ..

    حبيت اطرح الموضوع هذا في القسم العام مب في قسم المالتيميديا لاني حبيت اتكلم عن رده فعل مستخدميه وكيف راح يكون التعامل مع الوقف هذا ..

    طبعا بدون اي تنكر في هذي اللحظه انتوا تقرون لشخص ايضا مدمن على البلاك بيري .. وانا بعد متأكد ان 90% من الي يقرون موضوعي هذا من مستخدمي الجهاز هذا .. ..

    ما راح اكتب بنبره حزن ولا راح اكتب بنبره فرح بصفتي طرف محايد ..

    من الواضح ان الخدمه راح تتوقف بسبب تجاوزات بعض المستخدمين في ارسال ونشر بعض التجاوزات على شخصيات مهمه في الدوله وايضا شخصيات عاديه .. ومنها نشر الاشاعات وتحريك الناس لامور معظمها غير صحيحه وان كانت صحيحه ما يحق لهم ..

    قصه صغيره:

    تخيل شخص انتشرت صوره لحد من اهله على هواتف البلاك بيري واستمرت لين ما صارت الصوره حتى من كثر ماهي مشهوره معلقه في بال كل الي وصلتهم الصوره ..
    بصفتك قريب لهذي البنت او الشخص الي انتشرت صورته .. شو الخطوه الي بتسويها ؟
    الشرطه
    القضيه يا جماعه الخير كلها عن هذا الموضوع ..
    والقصه الصغيره الي فوق فعلا صارت والشخص راح يشتكي والشرطه وقفت عاجزه "مش عجزا" ولكن تقنيا ما تقدر تحصل على مصدر الي بث الصور ويلقون القبض عليه ..

    شغله ثانيه .. اي مسج كاذب عنك وبصور ملعوب بالفوتوشوب وبرودكاست اي نشر للجميع ماراح يوقف الا اذا كان حظك حلو والي في لسته الشخص ماتكرموا ونشروا .. وتخيل شو الضرر النفسي الي راح يجيك بعدها ..

    كل الي كتبته فوق مب تبرير و وقوف لصف هيئه تنظيم الاتصالات في الامارات .. شخصيا صابني احباط بما اني من مستخدمي الجهاز هذا وكنت على تواصل مع اهلي وربعي .. راح ينقطع التواصل هذا بسبب استخدام تافه لبعض الناس .. ولكن بعد ما فكرت لوهله لقيت ان الموقف لصالحنا .. سبحان الله منو يدري منا انه ماراح ينحط في مواقف الناس الي تكلمت عنهم فوق

    شي ثاني .. انت كحكومه وشعبك يستخدم شغله انت مالك سيطره عليها وشركه اجنبيه تفرض نفسها عليك في بلادك و تقول "انها ماراح تبيع خصوصيه زباينها" .. لاحظ "خصوصيه" .. بصفتك مواطن من دوله الامارات تأتمن على صورك وصور اهلك وايميلاتك وكل امورك الخاصه على اجنبي او على بلادك نفسها

    البعض فسرها ان اتصالات راح تتجسس.. عفوا ولكن الحين خصوصيتك في الحفظ والصون ؟
    رموها في بير ولا يعرفون عنك شي ؟

    شخصيا انا متضرر وماراح اقول اني فرحت انهم وقفوا لاني خسرت مميزات صعب استغنى عنها اهمها التواصل وانا عارف ان وايدين كان لهم روتين والتلفون في ايدهم مايسكتون عنه .. نعم ادمان ولكن وايدين مالهم ذنب ياخذون عنهم هذي المميزات ..

    الخدمات البديله : شفتها اليوم وكانت عباره عن باقه بيانات "اي انترنت" غير محدوده و 1000 رساله اس ام اس و متعدده الوسايط و 350 دقيقه محليه مجانيه .. مع ان الجرايد وعدت باستخدام برامج الدردشه الا اني اشوف شكلهم فهموا غلط وخلوها 1000 sms ..

    ونقطه حبيت اتكلم فيها : كل تقنيه هي سلاح ذو حدين .. الانترنت مليان صور خليعه .. اليوتيوب وحاليا فيه فيديوات لا تعد ولا تحصى .. برامج فك البروكسي منتشره بين الشباب ويدلعونه حتى "بوهلال" .. اذا قسنا خطوره الانترنت بالبلاك بيري .. شخصيا القى الانترنت اخطر ب 1000 مره .. نكون صريحين سرعه وصول الاخبار والاشاعات والكلام بين الناس في black berry مسنجر هي السبب الرئيسي

    عموما رسالتي : قرار التعليق احبط جميع المستخدمين وافرح الي خذوا انطباع سيء عن الجهاز هذا بسبب "سوء استخدامه من البعض" ولكن في نفس الوقت .. شي يفرح انك تلقى دولتك توقف في ويه الشركه المشغله لفرض سيادتها على اراضيها ..

    وشخصيا راح ارجع استخدم المسن مسنجر كحل بديل للتواصل ..

    حبيت اشوف انطباعكم عن قرار الوقف .. واتمنى اني وصلت رسالتي ..

    تحياتي

  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    انا مع قرار وقف بلاك بيري.

    المثل يقول السمج الخايسه تخيس السمج كلها.

    الواقع الملموس الحين والمشاكل وتفكك الاسري والاشاعات ، من الاسباب الرئيسية في المشاكل وتوقف الخدمة بعد فترة.

    وانا من الناس مااستخدمت بلاك بيري ولا حسيت اتجاه الجهاز اي اهتمام.

    والناس كلها منزلة رؤسها وتطالع جهاز,

    في الدوام والناس لاتستغل زين والكل فكرهم بالجهاز.

    بالسيارة وكثير من الحوادث من بلاك بيري

    عدم جلوس كثير من العائلات مع بعضها بسبب نكست الراس في بلاك بيري

    والله الجاهز صار بلاك ليست لكثير من العوائل.

    وها عندي

    جزاك الله خير


  3. #3
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    انا مادريت عن الخبر الا من يومين الصراحه شي غريب


    يعني في هالحاله خلهم يقطعون النت والتلفزيون يمكن هذا بيساعد في تقليل الاشاعات شي غريب والله

    يعني الغرب خدمة البلاك بيري عندهم من زمان ولا حد اشتكى منها شمعنا نحن ؟! شخصيا انا ضد وقف الخدمه واانا من مستخدمي الخدمه لانها تقربني اكثر من الربع والاصحاب.. الاشاعه بتوصل حتى لو قطعوا النت والتلفون بعد ,, حتى في العصر الحجري كان شي اشاعات خخ

    واذا كان سبب الوقف هو الشركه الي فارضه سياستها يحق لهم يقطعون الخدمه ويدورون على شركه احسن وافضل..

  4. #4
    الصورة الرمزية the stig
    the stig غير متصل عضو فعّال
    تاريخ التسجيل
    Jan 2009
    الدولة
    19
    المشاركات
    677

    افتراضي

    انا استخدمت البلاك بيري لمدة شهرين و اقسم بالله افشل شي بحياتي صار هو البلاك بيري و اقسم اني رميته

    و اخذه و احد من الاهل،من كثر الملل في الجهاز، طالع كل الناس الي عندها البلاك بيري احسهم بدون روح

    روحهم ملك البلاك بيري بعيدين عن العالم لا حس و لا نفس عيونهم ف البلاك بيري اصابيعهم تسابق الريح علمود

    يكتبون عزيزي و عزيزتي و مشفت اي انسان استفاد من البيبي و عني انا اسميه

    خراب البيوت .

    اضن من هل كلام تستنتجون اني مع القرار .

  5. #5
    الصورة الرمزية ERT
    ERT غير متصل Banned
    تاريخ التسجيل
    Jun 2006
    الدولة
    الشارقة
    المشاركات
    2,441

    افتراضي

    ابصراحه فرحت يوم سمعت الخبر ! خلاص ما بسمع صوت البرودكاست المزعج حححححح

    اخوي استر على بوهلال ترا غالي علينا ! ححححححح

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14