السلام عليكم

اشلونكم يالغاليين؟ هذا الموضوع لشباب قطر اللي بالمنتدى واتمنى اللي يعرف مايبخل علي بالمشوره، بصراحه انا افكر اشتري سيارة بأقرب وقت وانحصر اختياري على ثلاث سيايير نيسان مورانو و انفينيتي FX35 و لكزس RX350.

بصراحه انا محتار وايد، اغلب الناس انصحوني باللكزس والانفينيتي بس انا ماني شايف وايد فرق بينهم وبين المورانو ! خاصة ان سعر الانفينيتي 2006 عندنا 175 الف ريال وبدون حساسات و تيك وفي السكان والسستم وهالامور الاماميه مطابقه للمورانو بالضبط !

اما بالنسبه للكزس موديلها 2006 ومواصفاتها حلوه واكثر من الانفينيتي وفيها وايد اشياء لكنها بدون شاشه وفويس كوماند وكاميرا وسعرها 170 الف ريال.

والمورانو اتعرفونها طبعا وسعرها عندنا 138 الف ريال

بصراحه انا محتار بين هالثلاثه، انا جربت الانفينيتي والكزس لكن لما الحين ماجربت المورانو، واخاف اشتري مثلا الكزس والقى انها مافرقت عن المورانو وايد خاصة ان الفرق بينهم بالسعر يتعدى ال 30 الف ! وطبعا السعر يفرق معاي لو فعلا ماكان في فرق بالسيارات..

ابي مشورتكم يالغاليين خاصة شباب قطر لانهم يعرفون السيارات الموجوده عندنا بالبلد عدل وان شاءالله يفيدوني بأحسن اختيار

والله يوفقكم

حياك معانا في أول مشاركة لك لكن اسمحلي أخوي طريقة كتابة الموضوع خطأ لأنه كل هذي السيارات متوفرة في دول الخليج والأغلبية عندهم فكرة عنهم وحتى الأسعار متقاربة فأتمنى انه الموضوع يكون موجه لجميع شباب المنتدى وشكرا...

__________________

أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm

اتشرف بالرد السريع
1 انفينتي
2 مورانو
3 لكزس

هذى راي واحد من شباب قطر الي هو اانا
اللكزس بتغير 2008

الغالي AMG
اولا اشكرك عالترحيب الجميل، وصدقني انا مو قاصد ان ماخذ راي شباب الدول الثانيه، السبب اللي خلاني اخصص الموضوع لشباب قطر هو ان مثلا في الامارات راح تلقى الانفينيتي بمواصفات اكثر من عندنا وسعرها ارخص! لذلك اخاف يعطوني راي لسيارات اتكون موجوده بمواصفات غير اللي عندنا، اتمنى الصوره الحين وضحت.

--------
اخوي خريج اعلام

مشكور وماقصرت لكن هل ممكن اتوضحلي اذا انت تمتلك وحده من هالسيارات؟ او جربتها؟ وبرايك الانفينيتي تستاهل ال 175 الف وهي ناقصه وايد اشياء؟ خلنا من كلام الناس انا ابي سياره لي انا

واشكرك على ردك

بالعكس أخوي كل السيارات الموجودة هي بنفس التجهيزات لكن الانفينيتي عندنا فيها حساسات خلفية بس وأعتقد تركيب في الوكالة لأنه السيارة أصلا ما فيها حساسات

__________________

أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm

انا ماجربت السيارة صراحة
لاكن الانفينتي الاسود من الداخل برتقالي روووووووووووعة جداً
اعرف واحد ماخذها من الامارات ارخص بوايد من الدوحـــــــــة

اذا جذي مو مشكله عيل لان انا فكرت ان تختلف خاصة ان احد الشباب من الامارات قالي ان رفيجه شرا انفينيتي مع حساسات وجي بي اس (اللي عندنا مافيها) ب 160 الف !

فقلت اكيد تختلف !

عالعموم ننتظر رايك بصراحه انا كنت ناوي اشتري الكزس خلاص بس بعد ماشفتها امس عن قرب قلت خلني استشير احسن ، وللي جربو المورانو هل ممكن اتقولونلي يالغاليين عن مواصفاتها وشنو الفروق الكبيره بينه وبين الانفينيتي بغض النظر عن الفخامه.. يعني هل المورانو فيه مثبت سرعه وحساسات وفتحه وهالامور؟

لان بصراحه انا رحت وكالة النيسان عندنا وكان تعاملهم اكثر من سئ لدرجة اني قلت ان لو خذيت سيارة من عندهم بتكون لان السياره تستاهل مو لانهم يستاهلون !

والله يوفقكم

والله صح كلامك انا نفس الكلام واحد من الشباب قالي بالامارات ارخص بس للاسف ماباليد حيله لازم اخذ من قطر مع ان اعتقد احنا اغلى دوله خليجيه بالسيارات

بس مجبورين

أغلب الشباب اللي ياخذون أنفينيتي كاملة المواصفات تكون وارد أمريكا ومش من الوكالة

__________________

أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm

اوكي تسلم بس برايك شنو الافضل من هالسيايير الثلاثه؟ وبالمواصفات اللي انا قلت عنها (الموجوده بقطر)

ومشكور