>



صفحة 1 من 3 123 الأخيرةالأخيرة
النتائج 1 إلى 6 من 18
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي قواعد نوم غريبه !!


    السلام عليكم ورحمه الله وبركاته :)

    هذا الموضوع للترفيه لا اكثر ! حبيت اتكلم عن قواعد غريبه للنوم تصادفنا في اوقات مختلفه ..

    طبعا المقصود بالاوقات .. ايام الدوام .. ايام الاجازه ... ايام السفر ..

    طبعا اعتقد برمجه العقل لها علاقه والله اعلم ! لكن بكتب الي يصادفني

    نبدا بسم الله !

    القاعده رقم 1

    نفرض اننا نقوم للدوام الساعه 6 الصبح .. ورقدنا الساعه 10 فليل .. اصعب واخيس قعده من للنوم
    نفرض اننا نقوم للدوام الساعه 6 الصبح .. ورقدنا الساعه 6 المغرب .. بعد اصعب واخيس قعده كم النوم
    نفرض اننا نقوم لرحله بر في الشتاء يوم الجمعه الساعه 6 الصبح ؟؟ ورقدنا الساعه 12 فليل .. صدقوني لتصبحون ارانب تركض ورا جزرها

    الخلاصه مهما رقدت من ساعات و وراك دوام .. بتبقى النشه نفس الشعور .. اثقل منها ماشي .. شعور مثل ال ....... احترم وجود الاعضاء

    القاعده رقم 2

    نفرض انه باقي على نشتك 15 دقيقه .. ليش ابا افهم اغمض وانش بعد 5 ثواني القاها راحت ال 15 دقيقه
    نفرض انك نايم متأخر وحاب تستغل الوقت وترقد اسرع وقت تحط راسك وتتجلب وتتجلب لين تصير مومياء من كثر ما اللحاف التف عليك .. تكون نازل السرير الساعه 10 .. تفتح التلفون تشوفها 12 !!!
    نفرض انه باقي على الدوام 5 دقايق .. تعدي 5 ساعات والحمدلله وربنا كريم والله ييسرها علينا

    طبعا الكل في عشق مع كلمه "غفوه" وتتراوح بين 5 الى 10 يعتمد على اصل التلفون ونسبه وكرمه

    الخلاصه : الوقت خلال نومنا للدوام .. يمر مرور الكورفيت يمشي 320 وانت تمشي 160 وتحس كأنك واقف مكانك :D

    القاعده رقم 3

    مره انسألت .. ماهي اجمل اللحظات في حياتك ؟
    وكان جوابي .. اني اقعد او اقوم من النوم للدوام واشوف رساله من صاحبي تقول اليوم اجازه رسميه .. تكون الذ ما انعم الله علي من نوم .. والمصيبه اذا كانت مزحه :D تكون اتعس من القعده التعيسه

    القاعده رقم 4
    نفرض انك حاط راسك عشان الدوام ثاني يوم .. تنزل في التلفزيون مالذ وطاب من افلام وبرامج روعه ماودك حتى ترقد .. المصيبه النوم ماييك بالمره لين ماتشوفها صارت 2 وتقول شو يقومني باجر .. واخر شي مخصوم من المعاش مال يوم عشان سواد عيون تيري هينري في المباراه ولا ليوناردو دي كابريو في فلم كله خرط ..

    نفرض انك في نهايه الاسبوع او الويكند .. صليت العشاء .. بديت تحس بدوخه وثقل .. شربت لك هاكي الكرك الطيب ... ورجعت وكملتها بسليماني "شاي احمر" تعشيت .. تسطيل على اصول .. التلفزيون فاضي مافيه شي .. سامت في الشبريه الساعه 10

    الخلاصه: السهر ما يحلى الا ايام الدوام .. ايام الاجازه تكون تسطيل على اصووووووووووووووول

    القاعده رقم 5:

    ودي اعرف .. ليش احس اني عكس الناس .. لاني يوم اتجلب وما اييني النوم .. اروح اغسل ويهي وارقد احلى رقده :D ولله في خلقه شؤون :D

    اتمنى اضافه قواعد اخرى

    تحياتي

  2. #2
    الصورة الرمزية IS300
    IS300 غير متصل مشرف سابق
    تاريخ التسجيل
    Sep 2008
    الدولة
    UAE & UK
    المشاركات
    4,416

    افتراضي

    اضيف شو .. كل القواعد قلتها :D

    موضوع حلو صرااحة .. يوم اقرا اتشوق لاني احس فيكـ و في شعورك

    احلى شي يوم تكون في الجامعه و يقولك الدكتور ما في محضارة و حلاتها يوم يكون الاربعاء

    يكون من ( الاربعاء - الاحد ) إجازة :D

  3. #3
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    هههههههههه والله يا عندك حالة صعبة !! ..

    القاعدة رقم 6 ..

    توك رايح تنام .. مالك ساعة .. اهلك يقومونك من النوم توديهم اي مكان واذا مارضيت يبدا حرب الهورنات ههههههه


    ودي اعرف .. اذا هما كانوا بمكاني وانا مصحيهم وتوهم نايمين .. وش بيكون شعورهم !! ..


    ولا يبوون اسوي حادث مثلا في السيارة ولا ارقد وانا ماشي هههههههههه

  4. #4
    تاريخ التسجيل
    Nov 2007
    المشاركات
    1,463

    افتراضي

    هيه والله صدقك ....


    اتخيل ان ابغي ارقد من وقت .. من الساعه 10 اجلب الين الساعه 1 ولا 2 ... احبااااااااااااااااااط

  5. #5
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    انا عندي ىقاعده غريبه

    مادري هل تشاركوني فيها ولا لا

    لكن احلى و الذ رقده يرقدها الواحد الي تكون بين العصر الى نص الليل

    صح انك تنش مزاجك معفن لكن ما ادري كيف تحسها رقده طيبه لدرجة ىانك تقدر تكملها ليوم الثاني هههه

    _______________________________-
    انا قبل كم يوم كان عندي دوام 7 و نص

    رقدت الليل نشيت عالمنبه الساعه 6 و نص سويت هاي الغفوه و هاذيج هي

    ما وعيت الا عصوت التيلفون الساعه 8 و ربع متصلين خخخخخخخخخخخخخ

  6. #6
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    والله يا بوعلي مادري اذا اشاركك موضوع رقاد العصر ولا :D
    تعرف ربك خلق وفرق وفيه حالات خاصه نستغرب منها !! مثلي انا يوم ماييني النوم اغسل ويهي :D

    حياكم الله يا شباب واتمنى ان الي بعده في اجازته يطلع ابو جيمتها !!

    وشكرا على مروركم

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14